II Bruă Mtao 21:3 - Klei Aê Diê Blŭ 2015

³ Kyuadah ñu lŏ mdơ̆ng lu anôk dlông ama ñu Y-Hêsêkia bi rai leh; leh anăn ñu mdơ̆ng knưl kơ yang Baal, leh anăn ngă sa ƀĕ gơ̆ng kŭt rup yang Asêra msĕ si Y-Ahap mtao Israel ngă leh, leh anăn kkuh mpŭ kơ jih jang phung hlăm adiê, leh anăn mă bruă kơ phung anăn.

II Bruă Mtao 21:3 Iomraidhean Croise

I Bruă Mtao 18:21

Y-Êli nao giăm kơ jih jang phung ƀuôn sang leh anăn lač, “Dŭm boh sui diih srăng mring nao hŏng dua nah êlan mdê? Tơdah Yêhôwa jing Aê Diê, tui hlue Ñu bĕ. Ƀiădah tơdah yang Baal jing Aê Diê, snăn tui hlue ñu bĕ.” Phung ƀuôn sang amâo lŏ wĭt lač kơ ñu sa boh blŭ ôh.

I Bruă Mtao 18:26

Diñu mă êmô knô arăng brei kơ diñu, diñu mkra gơ̆, leh anăn iêô anăn yang Baal mơ̆ng aguah tơl yang hruê dơ̆ng, lač, “Ơ Baal, lŏ wĭt lač bĕ kơ hmei!” Ƀiădah amâo mâo asăp blŭ ôh, leh anăn amâo mâo pô lŏ wĭt lač ôh; leh anăn diñu kplŏng kdăt jŭm knưl diñu mkra leh.

II Bruă Mtao 13:6

Ƀiădah diñu amâo đuĕ ôh mơ̆ng klei soh sang Y-Jêrôbôam, klei anăn gơ̆ bi msoh phung Israel, ƀiădah diñu êbat hlăm klei soh anăn; leh anăn sa ƀĕ gơ̆ng kŭt rup yang Asêra msĕ mơh ăt dôk hlăm ƀuôn Samari.

II Bruă Mtao 17:16

Diñu lui hĕ jih jang klei mtă mơ̆ng Yêhôwa Aê Diê diñu, leh anăn tuh kơ diñu pô rup dua drei êđai êmô; leh anăn diñu ngă sa ƀĕ gơ̆ng kŭt rup yang Asêra, leh anăn kkuh mpŭ kơ jih jang phung hlăm adiê, leh anăn mă bruă kơ yang Baal.

II Bruă Mtao 18:22

Ƀiădah tơdah ih lač kơ kâo, “Hmei knang kơ Yêhôwa Aê Diê hmei,” amâo djŏ hĕ jing dŏ ñu yơh anôk dlông leh anăn knưl Y-Hêsêkia mă mđuĕ leh, êjai lač kơ phung Yuđa leh anăn kơ phung ƀuôn Yêrusalem, “Brei diih kkuh mpŭ ti anăp knưl anei hlăm ƀuôn Yêrusalem”?

II Bruă Mtao 18:4

Ñu mă hĕ anôk dlông, bi mčah hĕ gơ̆ng kŭt, leh anăn druôm hĕ sa ƀĕ gơ̆ng kŭt rup yang Asêra. Ñu bi mčah đơ điêt ala kông Y-Môis ngă leh, kyuadah hlŏng kơ hruê anăn phung ƀuôn sang Israel čuh mnơ̆ng ƀâo mngưi kơ dŏ anăn. Arăng pia dŏ anăn Nêhustan.

II Bruă Mtao 8:18

Ñu êbat hlăm êlan phung mtao Israel msĕ si sang Y-Ahap ngă leh, kyuadah mô̆ ñu jing anak mniê Y-Ahap; leh anăn ñu ngă klei jhat ti anăp ală Yêhôwa.

II Bruă Mtao 8:27

Ñu msĕ mơh êbat hlăm êlan sang Y-Ahap, leh anăn ngă klei jhat ti anăp ală Yêhôwa, msĕ si sang Y-Ahap ngă leh, kyuadah ñu jing mtâo kơ sang Y-Ahap.

II Klei Yăl Dliê 32:12

Amâo djŏ hĕ Y-Hêsêkia anei mơh mă hwiê leh anôk dlông leh anăn knưl Yêhôwa, leh anăn mtă leh kơ phung Yuđa leh anăn phung ƀuôn Yêrusalem, “Diih srăng kkuh mpŭ ti anăp sa boh knưl, leh anăn knŏng ti dlông knưl anăn diih srăng čuh mnơ̆ng diih ngă yang”?

II Klei Yăl Dliê 34:3

Hlăm thŭn tal sa păn ñu kiă kriê, êjai ñu ăt jing sa čô hđeh êdam, ñu dơ̆ng duah Aê Diê Y-Đawit aê ñu, leh anăn hlăm thŭn tal pluh dua ñu dơ̆ng bi doh čar Yuđa leh anăn ƀuôn Yêrusalem kơ anôk dlông, kơ phung rup yang Asêra, kơ rup kač leh anăn rup tuh tia.

Y-Yôp 31:26

tơdah kâo dlăng leh kơ yang hruê êjai gơ̆ mtrang, amâodah kơ mlan dar hŏng klei siam,

Y-Êsai 65:11

Ƀiădah bi kơ diih phung lui wir leh Yêhôwa, phung wơr bĭt čư̆ doh jăk Kâo, phung mkra jhưng huă kơ Gat, leh anăn bi bŏ kčok hŏng êa boh kriăk ƀâo bi lŭk leh kơ Mêni,

Y-Yêrêmi 7:30

“Kyuadah phung anak čô Yuđa ngă leh klei jhat ti anăp ală Kâo,” Yêhôwa lač; “Diñu dưm leh mnơ̆ng Kâo bi êmut kheh hlăm sang arăng pia hŏng Anăn Kâo, čiăng bi čhŏ gơ̆.

Y-Mika 6:16

Kyuadah arăng djă pioh leh klei bhiăn Y-Ômri, leh anăn jih jang bruă sang Y-Ahap; leh anăn diih êbat leh tui hlue klei diñu kčĕ; snăn kơh Kâo srăng bi rai ih, leh anăn brei phung ƀuôn sang ih jing mnơ̆ng arăng mƀhơi; diih srăng gui klei hêñ phung ƀuôn sang Kâo.”

Klei Mtô Mñă Klei Bhiăn 16:21

Đăm pla ana kyâo jing sa ƀĕ gơ̆ng kŭt rup yang Asêra ôh ti djiêô knưl ih srăng mdơ̆ng kơ Yêhôwa Aê Diê ih.

Klei Mtô Mñă Klei Bhiăn 17:2

Tơdah arăng ƀuh ti krah diih hlăm ƀuôn Yêhôwa Aê Diê brei kơ diih sa čô êkei amâodah mniê ngă klei jhat ti anăp ală Yêhôwa Aê Diê diih, gao klei Ñu bi mguôp,

Klei Mtô Mñă Klei Bhiăn 17:3

nao mă bruă leh anăn kkuh mpŭ kơ phung yang mkăn, amâodah kơ yang hruê, kơ mlan, amâodah phung kahan hlăm adiê, klei anăn kâo ghă leh,

Klei Mtô Mñă Klei Bhiăn 20:18

čiăng kơ diñu amâo dưi ôh bi hriăm diih ngă tui hlue jih jang bruă soh jhat diñu tuôm ngă leh hlăm klei mă bruă kơ phung yang diñu, huĭdah diih ngă soh hŏng Yêhôwa Aê Diê diih.

Klei Mtô Mñă Klei Bhiăn 4:19

Răng bĕ diih, huĭdah diih angưi ală phă adiê leh anăn tơdah diih ƀuh yang hruê, mlan, leh anăn mtŭ, jih jang phung kahan hlăm adiê, diih mâo klei mtrŭt leh anăn kkuh mpŭ kơ dŏ anăn leh anăn mă bruă kơ diñu, mnơ̆ng anăn Yêhôwa Aê Diê diih brei leh kơ jih jang phung ƀuôn sang dôk ti gŭ jih adiê.