II Bruă Mtao 20:3 - Klei Aê Diê Blŭ 2015

³ “Hdơr bĕ ară anei, Ơ Yêhôwa, kâo kwưh kơ Ih, klei kâo êbat leh ti anăp Ih hŏng klei sĭt suôr leh anăn hŏng jih ai tiê, leh anăn ngă leh klei jăk ti anăp ală Ih.” Leh anăn Y-Hêsêkia hia ênguôt snăk.

II Bruă Mtao 20:3 Iomraidhean Croise

Klei Mphŭn Dơ̆ng 17:1

Tơdah Y-Abram mâo dua păn pluh dua păn thŭn, Khua Yang bi êdah kơ Y-Abram, lač kơ ñu, “Kâo jing Aê Diê Pô Mâo Jih Klei Myang. Êbat bĕ ti anăp Kâo leh anăn brei ih jing pô amâo mâo klei arăng dưi ƀuah ôh.

Klei Mphŭn Dơ̆ng 5:22

Leh kkiêng kơ Y-Mêthusêla, Y-Ênŏk êbat mbĭt hŏng Aê Diê tlâo êtuh thŭn, leh anăn ñu lŏ mâo phung anak êkei leh anăn phung anak mniê.

Klei Mphŭn Dơ̆ng 5:24

Y-Ênŏk êbat mbĭt hŏng Aê Diê, êdei tinăn arăng amâo lŏ ƀuh ñu ôh, kyuadah Aê Diê mă ba ñu leh.

Klei Mphŭn Dơ̆ng 8:1

Ƀiădah Aê Diê hdơr kơ Y-Nôê leh anăn jih jang hlô dliê leh anăn hlô mnơ̆ng rông dôk mbĭt hŏng ñu hlăm kŭmpăn. Aê Diê brei mâo angĭn thut ti lăn ala, leh anăn êa hrŏ.

I Bruă Mtao 11:4

Kyuadah tơdah Y-Salômôn mduôn leh, phung mô̆ ñu bi wir ai tiê ñu kơ phung yang mkăn; leh anăn ai tiê ñu amâo dôk sĭt suôr klă ôh hŏng Yêhôwa Aê Diê ñu, msĕ si ai tiê sĭt suôr Y-Đawit ama ñu.

I Bruă Mtao 15:14

Ƀiădah ñu amâo bi rai ôh anôk dlông. Ƀiădah ai tiê Y-Asa jing sĭt suôr klă hŏng Yêhôwa hlăm jih ênuk ñu.

I Bruă Mtao 2:4

čiăng kơ Yêhôwa dưi bi sĭt klei Ñu blŭ leh djŏ kơ kâo, lač, ‘Tơdah phung anak êkei ih răng kơ êlan diñu čiăng êbat ti anăp Kâo hlăm klei sĭt suôr hŏng jih ai tiê leh anăn jih mngăt diñu, amâo srăng kƀah sa čô êkei ôh čuê anôk ih ti jhưng mtao phung Israel.’

I Bruă Mtao 3:6

Y-Salômôn lač, “Ih bi êdah leh klei khăp prŏng leh anăn sĭt suôr kơ dĭng buăl Ih Y-Đawit ama kâo, kyuadah ñu êbat ti anăp Ih hŏng klei sĭt suôr, hŏng klei kpă ênô, leh anăn hŏng klei ênuah ai tiê ti anăp Ih. Leh anăn Ih djă pioh leh kơ ñu klei khăp prŏng anei leh anăn brei leh kơ ñu sa čô anak êkei dôk gŭ ti jhưng mtao ñu hruê anei.

I Bruă Mtao 8:23

leh anăn lač, “Ơ Yêhôwa, Aê Diê phung Israel! Amâo mâo ôh Aê Diê mkăn msĕ si Ih hlăm adiê ti dlông amâodah ti lăn ala ti gŭ, djă pioh klei bi mguôp leh anăn bi êdah klei khăp sĭt suôr kơ phung dĭng buăl Ih, phung êbat ti anăp Ih hŏng jih ai tiê diñu;

I Bruă Mtao 8:61

Snăn brei ai tiê diih jing sĭt suôr kơ Yêhôwa Aê Diê drei, êbat tui hlue klei bhiăn Ñu, leh anăn djă pioh klei Ñu mtă msĕ si hruê anei.”

I Bruă Mtao 9:4

Bi ih, tơdah ih êbat ti anăp Kâo msĕ si Y-Đawit ama ih êbat leh hŏng klei sĭt suôr leh anăn klei kpă ênô, ngă tui hlue jih jang klei Kâo mtă leh kơ ih, djă pioh klei bhiăn Kâo leh anăn klei Kâo mtrŭn,

II Bruă Mtao 20:2

Snăn Y-Hêsêkia wir hĕ ƀô̆ ñu phă mtih leh anăn wah lač kơ Yêhôwa, lač,

II Bruă Mtao 20:4

Êlâo Y-Êsai kbiă mơ̆ng wăl sang ti krah, Yêhôwa blŭ kơ ñu,

II Klei Yăl Dliê 16:9

Kyuadah ală Yêhôwa dlăng tar ƀar lăn ala čiăng bi êdah klei ktang ñu tĭng kơ phung mâo ai tiê arăng amâo dưi ƀuah ôh ti anăp Yêhôwa. Hlăm klei anei ih ngă klei mluk; kyuadah mơ̆ng anei kơ anăp ih srăng mâo klei bi blah.”

Y-Nêhêmi 13:14

Hdơr bĕ kơ kâo, Ơ Aê Diê kâo, kyua klei anăn leh anăn đăm lăm hĕ ôh bruă jăk kâo ngă leh hŏng klei sĭt suôr kơ sang yang Aê Diê kâo leh anăn kơ bruă Ñu.

Y-Nêhêmi 13:22

Kâo mtă kơ phung Lêwi brei diñu bi doh hĕ diñu pô, leh anăn hriê kiă ƀăng jang, čiăng pioh hruê sabat jing hruê doh jăk. “Hdơr bĕ kơ kâo kyua klei anei msĕ mơh, Ơ Aê Diê kâo, leh anăn mgang pioh kâo tui si klei jăk leh anăn klei khăp prŏng Ih.”

Y-Nêhêmi 13:31

Leh anăn ti mông bi kčah kâo mkra dưi mâo djuh myơr leh anăn boh hlâo hlang. Hdơr bĕ brei klei jăk kơ kâo, Ơ Aê Diê kâo.

Y-Nêhêmi 5:19

Hdơr bĕ kơ klei jăk kâo, Ơ Aê Diê kâo, jih jang klei kâo ngă leh kơ phung ƀuôn sang anei.

Y-Yôp 1:1

Mâo sa čô êkei hlăm čar Us, anăn ñu Y-Yôp; êkei anăn amâo mâo klei arăng dưi ƀuah ôh leh anăn kpă ênô, sa čô huĭ mpŭ kơ Aê Diê, leh anăn weh đuĕ mơ̆ng klei jhat.

Y-Yôp 1:8

Yêhôwa lač kơ Satan, “Ih tuôm ksiêm dlăng mơ̆ kơ dĭng buăl Kâo Y-Yôp, kyuadah amâo mâo ôh sa čô msĕ si ñu ti lăn ala, sa čô êkei amâo mâo klei arăng dưi ƀuah ôh leh anăn kpă ênô, sa čô huĭ mpŭ kơ Aê Diê leh anăn weh đuĕ mơ̆ng klei jhat?”

Y-Yôp 16:20

Phung mah jiăng kâo mưč kơ kâo, kâo hia ƀlĕ êa ală kơ Aê Diê,

Y-Yôp 4:6

Amâo djŏ hĕ klei ih huĭ mpŭ kơ Aê Diê jing klei ih knang, leh anăn klei ih dôk sĭt suôr jing klei ih čang hmăng?

Klei Mmuñ Hđăp 102:9

Kyuadah kâo ƀơ̆ng hbâo hrô kơ kpŭng, leh anăn kâo bi lŭk êa kâo mnăm mbĭt hŏng êa ală,

Klei Mmuñ Hđăp 119:26

Tơdah kâo hưn jih êlan kâo, Ih lŏ wĭt lač leh kơ kâo; bi hriăm kâo klei bhiăn Ih.

Klei Mmuñ Hđăp 119:49

Hdơr bĕ klei Ih blŭ kơ dĭng buăl Ih, hŏng klei anei Ih brei kâo mâo klei čang hmăng.

Klei Mmuñ Hđăp 145:18

Yêhôwa dôk giăm jih jang phung iêô wah lač kơ Ñu, hŏng jih jang phung iêô wah lač kơ Ñu hŏng klei sĭt nik.

Klei Mmuñ Hđăp 25:7

Đăm hdơr ôh kơ klei soh kâo ngă êjai hlăk ai, amâodah klei wê kâo; hdơr kơ kâo tui si klei Ih khăp sĭt suôr, kyua klei jăk Ih, Ơ Yêhôwa!

Klei Mmuñ Hđăp 26:1

Phat kđi kâo, Ơ Yêhôwa, kyuadah kâo êbat leh hlăm klei ênuah ênô, leh anăn kâo knang leh kơ Yêhôwa, amâo lŏ đing ôh.

Klei Mmuñ Hđăp 26:3

Kyuadah klei Ih khăp dôk ti anăp ală kâo, leh anăn kâo êbat ti anăp Ih hŏng klei sĭt suôr.

Klei Mmuñ Hđăp 32:2

Jăk mơak yơh mnuih Yêhôwa amâo yap ôh klei wê ñu, leh anăn pô amâo ngă klei mplư ôh.

Klei Mmuñ Hđăp 39:13

Pap brei kơ kâo đa, čiăng kơ kâo dưi mâo klei mơak, êlâo kâo đuĕ nao leh anăn arăng amâo lŏ ƀuh kâo ôh.”

Klei Mmuñ Hđăp 6:6

Kâo jih ai leh hŏng klei kâo krao; grăp mlam kâo hia tơl jhưng pĭt kâo msah hŏng êa ală; Anal kŏ kâo msah hŏng klei kâo hia.

Klei Mmuñ Hđăp 6:7

Ală kâo dliu hŏng klei ênguôt, ñu jing awăt leh kyua jih jang phung roh kâo.

Klei Mmuñ Hđăp 89:47

Ơ Yêhôwa, brei Ih hdơr kơ ênuk mnuih jing đŭt; klei Ih hrih mnuih jing hơăi mang hĕ?

Klei Mmuñ Hđăp 89:50

Ơ Khua Yang, hdơr bĕ kơ klei arăng mưč phung dĭng buăl Ih; kơ klei kâo klam hlăm ai tiê jih jang klei phung ƀuôn sang dlao wač,

Y-Êsai 38:14

Kâo ur msĕ si čĭm iăt amâodah čĭm jhưng, kâo krao msĕ si mgăm. Ală kâo êmăn leh kngưr kơ dlông.” “Ơ Khua Yang, kâo rŭng răng, brei Ih đru bĕ kâo!

Y-Êsai 63:11

Leh anăn phung ƀuôn sang Ñu hdơr kơ hruê ênuk đưm, leh anăn kơ Y-Môis dĭng buăl Ñu. Ti Pô brei diñu kbiă đĭ mơ̆ng êa ksĭ mbĭt hŏng mgăt biăp kơ phung biăp Ñu? Ti Pô dưm leh Yang Mngăt Doh Jăk Ñu ti krah digơ̆,

Y-Yêrêmi 4:2

leh anăn tơdah ih kat asei, ‘Tui si Yêhôwa dôk hdĭp,’ hŏng klei sĭt nik, hŏng klei kpă, leh anăn hŏng klei djŏ, snăn Yêhôwa srăng hơêč hmưi kơ phung găp djuê mnuih, leh anăn hlăm Gơ̆ diñu srăng mâo klei guh kơang.”

Y-Amôs 5:4

Kyuadah snei Yêhôwa lač kơ sang Israel: “Duah bĕ Kâo leh anăn diih srăng hdĭp,

Y-Luk 1:6

Jih diñu dua dôk kpă ênô ti anăp Aê Diê tui hlue jih klei bhiăn leh anăn klei Khua Yang mtă amâo mâo klei arăng dưi ƀuah ôh.

Y-Yôhan 1:47

Yêsu ƀuh Y-Natanel hriê kơ Ñu, leh anăn Ñu lač kơ gơ̆, “Nĕ anei, sa čô Israel sĭt, hlăm ñu amâo mâo klei wê ôh!”

II Kôrantô 1:12

Hmei bi mni kơ hmei pô kyua klei anei: ai tiê kpă hmei hưn kơ klei hmei dôk dơ̆ng ƀơ̆ng huă hlăm lăn ala, leh anăn lu hĭn ti anăp diih, hŏng klei kpă ênuah leh anăn klei sĭt suôr Aê Diê brei, amâo djŏ hŏng klei thâo mĭn kđeh ôh, ƀiădah hŏng klei Aê Diê pap.

Hêbrơ 5:7

Êjai Ñu dôk hdĭp hlăm asei mlei, Yêsu wah lač leh anăn kwưh hŏng klei ur ktang leh anăn hŏng êa ală kơ Pô dưi bi mtlaih Ñu mơ̆ng klei djiê; leh anăn Aê Diê hmư̆ Ñu leh kyua Ñu huĭ mpŭ kơ Aê Diê.