II Bruă Mtao 2:7 - Klei Aê Diê Blŭ 2015

⁷ Êma pluh čô hlăm phung anak êkei phung khua pô hưn êlâo nao msĕ mơh, leh anăn dôk dơ̆ng kbưi ƀiă mơ̆ng diñu, êjai jih diñu dua dôk dơ̆ng giăm êa krông Yurdan.

II Bruă Mtao 2:7 Iomraidhean Croise

I Bruă Mtao 18:13

Amâo djŏ hĕ arăng amâo hưn kơ khua kâo klei kâo ngă leh tơdah H'Jêsêbel bi mdjiê phung khua pô hưn êlâo Yêhôwa, klei kâo mdăp leh sa êtuh čô khua pô hưn êlâo Yêhôwa hlăm dua êpul êma pluh čô hlăm ƀăng čư̆, leh anăn čiêm digơ̆ hŏng kpŭng leh anăn êa?

I Bruă Mtao 18:4

leh anăn tơdah H'Jêsêbel bi mdjiê phung khua pô hưn êlâo Yêhôwa, Y-Apdia mă sa êtuh čô khua pô hưn êlâo leh anăn mdăp digơ̆ hlăm dua êpul êma pluh čô hlăm sa bĭt ƀăng čư̆, leh anăn čiêm digơ̆ hŏng kpŭng leh anăn êa).

I Bruă Mtao 20:35

Sa čô hlăm phung anak êkei phung khua pô hưn êlâo lač kơ găp ñu tui si klei Yêhôwa mtă, “Kâo akâo kơ ih, čăm hĕ bĕ kâo.” Ƀiădah êkei anăn hngah čăm ñu.

II Bruă Mtao 2:15

Tơdah phung anak êkei phung khua pô hưn êlâo dôk ti ƀuôn Yêrikô ƀuh ñu ti anăp digơ̆, digơ̆ lač, “Mngăt myang Y-Êli dôk leh ti Y-Êlisê.” Digơ̆ nao bi tuôm hŏng ñu, leh anăn buôn ti lăn ti anăp ñu.

II Bruă Mtao 2:16

Digơ̆ lač kơ ñu, “Nĕ anei, mâo mbĭt hŏng phung dĭng buăl ih êma pluh čô êkei ktang. Akâo kơ ih brei digơ̆ đuĕ nao duah khua ih. Năng ai Mngăt Myang Yêhôwa mă ba leh ñu leh anăn dlăm ñu ti dlông čư̆ amâodah hlăm tlung.” Gơ̆ lač, “Đăm diih tiŏ nao ôh.”

II Bruă Mtao 2:17

Ƀiădah tơdah diñu mgô̆ gơ̆ tơl gơ̆ hêñ, gơ̆ lač, “Tiŏ nao bĕ.” Snăn diñu tiŏ nao êma pluh čô êkei. Êjai tlâo hruê diñu duah Y-Êli, ƀiădah amâo ƀuh gơ̆ ôh.

II Bruă Mtao 4:1

Mô̆ sa čô hlăm phung anak phung khua pô hưn êlâo krao kơ Y-Êlisê, “Dĭng buăl ih ung kâo djiê leh; leh anăn ih thâo kơ dĭng buăl ih huĭ mpŭ leh kơ Yêhôwa, ƀiădah pô nư hriê čiăng mă hĕ dua čô anak kâo čiăng mjing digơ̆ hlŭn ñu.”

II Bruă Mtao 5:22

Gơ̆ lač, “Jih jang jăk mơh. Khua kâo tiŏ kâo hriê lač, ‘Nĕ anei, mâo dua čô êkei hlăk ai mơ̆ng phung anak êkei phung khua pô hưn êlâo mơ̆ng čar kbuôn Êphraim mrâo truh kơ kâo. Kâo akâo kơ ih brei kơ diñu sa talăng prăk leh anăn dua blah čhiăm ao pioh hơô kơ hruê huă mnăm.’ ”

II Bruă Mtao 6:1

Phung anak êkei phung khua pô hưn êlâo lač kơ Y-Êlisê, “Dlăng bĕ, anôk hmei dôk ti gŭ klei ih kiă kriê jing kniă đei kơ hmei.

II Bruă Mtao 9:1

Khua pô hưn êlâo Y-Êlisê iêô sa čô hlăm phung anak êkei phung khua pô hưn êlâo leh anăn lač kơ gơ̆, “Hyuă kơiêng ih, leh anăn mă djă ba giêt êa ƀâo mngưi anei leh anăn nao kơ ƀuôn Ramôt-Galaat.

Y-Amôs 7:14

Leh anăn Y-Amôs lŏ wĭt lač kơ Y-Amasia, “Kâo amâo jing sa čô khua pô hưn êlâo ôh, kăn jing sa čô anak khua pô hưn êlâo rei; ƀiădah kâo jing sa čô mgăt biăp leh anăn pô mkra ana boh sikamôr.

I Y-Samuel 10:5

Leh klei anăn ih srăng truh ti ƀuôn Gibêat-Êlôhim, tinăn mâo kđông kahan phung Philistin. Tinăn êjai ih truh giăm ƀuôn ih srăng bi tuôm hŏng sa phung khua pô hưn êlâo trŭn mơ̆ng anôk dlông dôk hưn êlâo ti anăp diñu mâo phung djă brô̆, hgơr điêt, đĭng kliă, leh anăn gông.