II Bruă Mtao 2:2 - Klei Aê Diê Blŭ 2015

² Y-Êli lač kơ Y-Êlisê, “Kâo akâo kơ ih, guôn bĕ tinei; kyuadah Yêhôwa tiŏ kâo nao kơ ƀuôn Bêthel.” Ƀiădah Y-Êlisê lač, “Tui si Yêhôwa dôk hdĭp, leh anăn tui si ih pô dôk hdĭp, kâo amâo srăng lui ih ôh.” Snăn diñu trŭn nao kơ ƀuôn Bêthel.

II Bruă Mtao 2:2 Iomraidhean Croise

Klei Mphŭn Dơ̆ng 28:19

Ñu pia anôk anăn Bêthel; ƀiădah mphŭn dô ƀuôn anăn arăng pia Lus.

I Bruă Mtao 12:28

Snăn mtao êmuh klei kčĕ, leh anăn ngă rup dua drei êđai êmô mah. Leh anăn ñu lač kơ phung ƀuôn sang, “Man leh diih đĭ nao kơ ƀuôn Yêrusalem. Ơ Israel, nĕ anei yang diih, phung atăt diih leh kbiă mơ̆ng čar Êjip.”

I Bruă Mtao 12:29

Ñu dưm sa boh rup hlăm ƀuôn Bêthel, leh anăn ñu dưm sa boh rup mkăn hlăm ƀuôn Dan.

I Bruă Mtao 12:33

Ñu đĭ nao kơ knưl ñu ngă leh hlăm ƀuôn Bêthel ti hruê pluh êma mlan sa păn, ti mlan ñu bi kčah leh tui si ai tiê ñu pô; leh anăn ñu mtă sa klei knăm kơ phung ƀuôn sang Israel, leh anăn đĭ nao kơ knưl čiăng čuh mnơ̆ng ƀâo mngưi.

II Bruă Mtao 2:23

Mơ̆ng anăn ñu đĭ nao kơ ƀuôn Bêthel; leh anăn êjai ñu đĭ nao ktuê êlan, mâo phung hđeh êdam kbiă mơ̆ng ƀuôn leh anăn mưč kơ ñu, lač, “Đĭ nao bĕ, Ơ êkei kla kŏ! Đĭ nao bĕ, Ơ êkei kla kŏ!”

II Bruă Mtao 2:4

Y-Êli lač kơ ñu, “Ơ Y-Êlisê, kâo akâo kơ ih guôn tinei; kyuadah Yêhôwa tiŏ kâo nao kơ ƀuôn Yêrikô.” Ƀiădah ñu lač, “Tui si Yêhôwa dôk hdĭp, leh anăn tui si ih pô dôk hdĭp, kâo amâo srăng lui ih ôh.” Snăn diñu truh kơ ƀuôn Yêrikô.

II Bruă Mtao 2:6

Y-Êli lač kơ ñu, “Kâo akâo kơ ih, guôn tinei; kyuadah Yêhôwa tiŏ kâo nao kơ êa krông Yurdan.” Ƀiădah ñu lač, “Tui si Yêhôwa dôk hdĭp, leh anăn tui si ih pô dôk hdĭp, kâo amâo srăng lui ih ôh.” Snăn diñu dua lŏ đuĕ nao.

II Bruă Mtao 4:30

Leh anăn amĭ hđeh anăn lač, “Tui si Yêhôwa dôk hdĭp, leh anăn tui si ih pô dôk hdĭp, kâo amâo srăng đuĕ mơ̆ng ih ôh.” Snăn Y-Êlisê kgŭ leh anăn tui hlue gơ̆.

Y-Yêrêmi 4:2

leh anăn tơdah ih kat asei, ‘Tui si Yêhôwa dôk hdĭp,’ hŏng klei sĭt nik, hŏng klei kpă, leh anăn hŏng klei djŏ, snăn Yêhôwa srăng hơêč hmưi kơ phung găp djuê mnuih, leh anăn hlăm Gơ̆ diñu srăng mâo klei guh kơang.”

I Y-Yôhan 2:19

Diñu kbiă leh mơ̆ng ti krah phung drei, ƀiădah diñu amâo jing phung drei ôh; kyuadah tơdah diñu jing phung drei, diñu ăt srăng dôk mbĭt hŏng drei. Ƀiădah diñu kbiă leh mơ̆ng drei, čiăng bi êdah klă kơ jih jang diñu amâo jing phung drei ôh.

I Y-Samuel 1:26

Leh anăn ñu lač, “Ơ khua kâo! Tui si ih dôk hdĭp, Ơ khua kâo, kâo jing mniê pô dôk dơ̆ng leh tinei ti anăp ih wah lač kơ Yêhôwa.

I Y-Samuel 17:55

Tơdah Y-Sôl ƀuh Y-Đawit nao bi blah hŏng êkei Philistin, ñu lač kơ Y-Apner khua kơ phung kahan, “Ơ Y-Apner, hlei anak, êkei hlăk ai anei?” Y-Apner lač, “Tui si mngăt ih dôk hdĭp, Ơ mtao, kâo amâo thâo ôh.”

I Y-Samuel 25:26

Snăn ară anei, Ơ khua kâo, tui si Yêhôwa dôk hdĭp leh anăn tui si mngăt ih dôk hdĭp, kyuadah Yêhôwa kơ̆ng leh ih mơ̆ng klei soh tuh êrah, leh anăn mơ̆ng klei rŭ ênua hŏng kngan ih pô, ară anei brei phung roh ih leh anăn phung duah čiăng ngă jhat kơ khua kâo jing msĕ si Y-Nabal.