II Bruă Mtao 2:11 - Klei Aê Diê Blŭ 2015

¹¹ Êjai diñu êbat leh anăn blŭ, nĕ anei sa boh êdeh aseh pui leh anăn đa đa aseh pui bi ktlah hĕ diñu dua. Leh anăn Y-Êli đĭ kơ adiê hlăm angĭn đrŭng.

II Bruă Mtao 2:11 Iomraidhean Croise

Klei Mphŭn Dơ̆ng 5:24

Y-Ênŏk êbat mbĭt hŏng Aê Diê, êdei tinăn arăng amâo lŏ ƀuh ñu ôh, kyuadah Aê Diê mă ba ñu leh.

II Bruă Mtao 2:1

Tơdah Yêhôwa giăm mă ba Y-Êli kơ adiê hŏng angĭn đrŭng, Y-Êli leh anăn Y-Êlisê êbat mbĭt mơ̆ng ƀuôn Gilgal.

II Bruă Mtao 6:17

Leh anăn Y-Êlisê wah lač leh anăn lač, “Ơ Yêhôwa, kâo akâo kơ ih mblang ală ñu čiăng kơ ñu dưi ƀuh.” Snăn Yêhôwa mblang ală êkei hlăk ai anăn, leh anăn gơ̆ ƀuh; nĕ anei, čư̆ bŏ hŏng aseh leh anăn êdeh aseh pui jŭm dar Y-Êlisê.

Klei Mmuñ Hđăp 68:17

Hŏng lu klăk klai êdeh aseh; Khua Yang hriê mơ̆ng čư̆ Sinai truh kơ anôk doh jăk Ñu.

Y-Haƀakuk 3:8

Klei Ih ngêñ bi kdơ̆ng hŏng Êa krông mơ̆, Ơ Yêhôwa? Klei Ih ăl bi kdơ̆ng hŏng Êa krông mơ̆? Ih ngêñ bi kdơ̆ng hŏng Êa ksĭ mơ̆ tơdah Ih đĭ aseh Ih, hlăm êdeh aseh klei dưi Ih?

Y-Sakari 3:8

Snăn dôk hmư̆ bĕ, Ơ Y-Yôsuê khua ngă yang prŏng, ih leh anăn phung ƀĭng găp ih dôk gŭ ti anăp ih, kyuadah diih jing phung bi hmô kơ klei srăng truh: Kâo srăng atăt ba Kƀiêng, dĭng buăl Kâo.

Y-Markôs 16:19

Leh Khua Yang Yêsu blŭ kơ diñu, arăng pŭ ba Ñu phă adiê, leh anăn Ñu dôk gŭ tĭng hnuă kơ Aê Diê.

Hêbrơ 1:14

Snăn, hlei jing phung dĭng buăl jăk? Amâo djŏ hĕ jih jang diñu jing phung yang Aê Diê tiŏ nao mă bruă kơ phung srăng dưn klei bi mtlaih?

Klei Bi Êdah 11:12

Diñu hmư̆ asăp mơ̆ng adiê lač kơ diñu snei, “Đĭ bĕ tinei!” Leh anăn diñu đĭ kơ adiê hlăm knam ti anăp ală phung roh diñu.