II Bruă Mtao 2:1 - Klei Aê Diê Blŭ 2015

¹ Tơdah Yêhôwa giăm mă ba Y-Êli kơ adiê hŏng angĭn đrŭng, Y-Êli leh anăn Y-Êlisê êbat mbĭt mơ̆ng ƀuôn Gilgal.

II Bruă Mtao 2:1 Iomraidhean Croise

Klei Mphŭn Dơ̆ng 5:24

Y-Ênŏk êbat mbĭt hŏng Aê Diê, êdei tinăn arăng amâo lŏ ƀuh ñu ôh, kyuadah Aê Diê mă ba ñu leh.

I Bruă Mtao 18:12

Tơdah leh kâo đuĕ mơ̆ng ih, Mngăt Myang Yêhôwa srăng pŭ ba hĕ ih ti anôk kâo amâo thâo ôh; snăn tơdah kâo nao hưn kơ Y-Ahap leh anăn ñu amâo dưi ƀuh ih ôh, ñu srăng bi mdjiê kâo, wăt tơdah kâo dĭng buăl ih huĭ mpŭ kơ Yêhôwa dơ̆ng mơ̆ng kâo hlăk ai.

I Bruă Mtao 19:11

Yêhôwa lač, “Kbiă bĕ, leh anăn dôk dơ̆ng ti dlông čư̆ ti anăp Yêhôwa.” Leh anăn nĕ anei, Yêhôwa găn, leh anăn mâo sa angĭn prŏng leh anăn ktang bi kđang čư̆ leh anăn bi mčah đơ điêt boh tâo ti anăp Yêhôwa, ƀiădah Yêhôwa amâo dôk hlăm angĭn ôh. Êdei kơ angĭn, mâo klei yơ̆ng lăn ala, ƀiădah Yêhôwa amâo dôk hlăm klei yơ̆ng lăn ala ôh.

I Bruă Mtao 19:4

Bi Y-Êli pô, ñu êbat sa hruê hlăm kdrăn tač leh anăn dôk gŭ ti gŭ sa ƀĕ ana kyâo; leh anăn ñu akâo čiăng djiê êjai lač, “Man leh, ară anei, Ơ Yêhôwa, mă bĕ klei hdĭp kâo; kyuadah kâo amâo jing jăk hĭn kơ phung aê kâo ôh.”

II Bruă Mtao 1:18

Bruă mkăn Y-Ahasia ngă, amâo djŏ hĕ arăng čih leh hlăm Hdruôm Hră Klei Yăl Dliê kơ Phung Mtao Israel?

II Bruă Mtao 2:11

Êjai diñu êbat leh anăn blŭ, nĕ anei sa boh êdeh aseh pui leh anăn đa đa aseh pui bi ktlah hĕ diñu dua. Leh anăn Y-Êli đĭ kơ adiê hlăm angĭn đrŭng.

II Bruă Mtao 4:38

Y-Êlisê lŏ hriê kơ ƀuôn Gilgal hlăk mâo klei ư̆ êpa hlăm čar. Êjai phung anak êkei phung khua pô hưn êlâo dôk gŭ ti anăp ñu, ñu lač kơ dĭng buăl ñu, “Drŏng gŏ prŏng, leh anăn riă bur kơ phung anak êkei phung khua pô hưn êlâo.”

Y-Yôp 38:1

Yêhôwa lŏ wĭt lač kơ Y-Yôp mơ̆ng angĭn đrŭng:

Y-Luk 9:51

Tơdah giăm truh hruê arăng srăng pŭ ba Ñu kơ adiê, Yêsu čuăn nao kơ ƀuôn Yêrusalem.

Bruă Phung Khua Ƀĭng Kna 1:9

Leh Ñu blŭ klei anăn, Aê Diê pŭ ba Ñu kơ dlông êjai phung khua ƀĭng kna Ñu dôk dlăng, leh anăn mâo knam guôm Ñu, leh anăn digơ̆ amâo lŏ ƀuh Ñu ôh.

Hêbrơ 11:5

Hŏng klei đăo Y-Ênŏk, Aê Diê pŭ ba ñu kơ adiê čiăng kơ ñu amâo djiê ôh; leh anăn arăng amâo lŏ ƀuh ñu ôh, kyuadah Aê Diê pŭ ba ñu leh. Êlâo kơ Aê Diê pŭ ba ñu kơ adiê, Klei Aê Diê Blŭ hưn bi sĭt kơ ñu bi mơak leh kơ Aê Diê.

Y-Yôsuê 4:19

Phung ƀuôn sang kbiă đĭ mơ̆ng êa krông Yurdan hruê tal pluh mlan tal sa, leh anăn diñu mjưh đăm ti Gilgal, tĭng nah ngŏ ƀuôn Yêrikô.

Y-Yôsuê 5:9

Yêhôwa lač kơ Y-Yôsuê, “Hruê anei Kâo bi ruê̆ klei čar Êjip bi hêñ diih.” Kyuanăn arăng bi anăn kơ anôk anăn Gilgal hlŏng kơ hruê anei.

Klei Bi Êdah 11:12

Diñu hmư̆ asăp mơ̆ng adiê lač kơ diñu snei, “Đĭ bĕ tinei!” Leh anăn diñu đĭ kơ adiê hlăm knam ti anăp ală phung roh diñu.