II Bruă Mtao 18:4 - Klei Aê Diê Blŭ 2015

⁴ Ñu mă hĕ anôk dlông, bi mčah hĕ gơ̆ng kŭt, leh anăn druôm hĕ sa ƀĕ gơ̆ng kŭt rup yang Asêra. Ñu bi mčah đơ điêt ala kông Y-Môis ngă leh, kyuadah hlŏng kơ hruê anăn phung ƀuôn sang Israel čuh mnơ̆ng ƀâo mngưi kơ dŏ anăn. Arăng pia dŏ anăn Nêhustan.

II Bruă Mtao 18:4 Iomraidhean Croise

I Bruă Mtao 22:43

Ñu êbat hlăm êlan Y-Asa ama ñu. Ñu amâo weh mơ̆ng êlan anăn ôh êjai ngă ya jing kpă ti anăp ală Yêhôwa. Ƀiădah arăng amâo mă hĕ ôh anôk dlông, leh anăn phung ƀuôn sang ăt myơr mnơ̆ng ngă yang leh anăn čuh mnơ̆ng ƀâo mngưi ti anôk dlông.

II Bruă Mtao 10:26

Diñu mă ba kơ tač gơ̆ng kŭt sang yang Baal leh anăn čuh hĕ gơ̆.

II Bruă Mtao 11:18

Leh anăn jih jang phung ƀuôn sang hlăm čar nao kơ sang yang Baal leh anăn ruh gơ̆, bi mčah hĕ đơ điêt knưl leh anăn rup gơ̆, leh anăn diñu bi mdjiê Y-Matan khua ngă yang kơ yang Baal ti anăp knưl. Khua ngă yang dưm phung gak kiă kriê sang Yêhôwa.

II Bruă Mtao 12:3

Ƀiădah anôk dlông arăng amâo mă hĕ ôh; phung ƀuôn sang ăt ngă yang leh anăn čuh mnơ̆ng ƀâo mngưi ti anôk dlông.

II Bruă Mtao 14:4

Ƀiădah arăng amâo mă hĕ ôh anôk dlông. Phung ƀuôn sang ăt ngă yang leh anăn čuh mnơ̆ng ƀâo mngưi ti anôk dlông.

II Bruă Mtao 15:35

Ƀiădah arăng amâo mă hĕ ôh anôk dlông; phung ƀuôn sang ăt ngă yang leh anăn čuh mnơ̆ng ƀâo mngưi ti anôk dlông. Ñu ngă ƀăng bhă anôk ti dlông hlăm sang Yêhôwa.

II Bruă Mtao 15:4

Ƀiădah arăng amâo mă hĕ anôk dlông ôh. Phung ƀuôn sang ăt ngă yang leh anăn čuh mnơ̆ng ƀâo mngưi ti anôk dlông.

II Bruă Mtao 16:15

Mtao Ahas mtă kơ khua ngă yang Y-Urija, lač, “Ti dlông knưl prŏng brei ih čuh mnơ̆ng myơr čuh grăp aguah, leh anăn mnơ̆ng myơr kpŭng ƀhĭ grăp tlam, leh anăn mnơ̆ng mtao myơr čuh leh anăn mnơ̆ng ñu myơr kpŭng ƀhĭ, mbĭt hŏng mnơ̆ng myơr čuh mơ̆ng jih jang phung ƀuôn sang hlăm čar, leh anăn mnơ̆ng digơ̆ myơr kpŭng ƀhĭ leh anăn mnơ̆ng digơ̆ myơr mnăm, leh anăn brei ih tuh ti dlông knưl anăn jih jang êrah mơ̆ng mnơ̆ng myơr čuh, leh anăn jih jang êrah mơ̆ng mnơ̆ng ngă yang. Ƀiădah knưl kông srăng pioh kơ kâo êmuh Khua Yang.”

II Bruă Mtao 18:22

Ƀiădah tơdah ih lač kơ kâo, “Hmei knang kơ Yêhôwa Aê Diê hmei,” amâo djŏ hĕ jing dŏ ñu yơh anôk dlông leh anăn knưl Y-Hêsêkia mă mđuĕ leh, êjai lač kơ phung Yuđa leh anăn kơ phung ƀuôn Yêrusalem, “Brei diih kkuh mpŭ ti anăp knưl anei hlăm ƀuôn Yêrusalem”?

II Bruă Mtao 21:3

Kyuadah ñu lŏ mdơ̆ng lu anôk dlông ama ñu Y-Hêsêkia bi rai leh; leh anăn ñu mdơ̆ng knưl kơ yang Baal, leh anăn ngă sa ƀĕ gơ̆ng kŭt rup yang Asêra msĕ si Y-Ahap mtao Israel ngă leh, leh anăn kkuh mpŭ kơ jih jang phung hlăm adiê, leh anăn mă bruă kơ phung anăn.

II Bruă Mtao 23:14

Ñu bi mčah đơ điêt gơ̆ng kŭt leh anăn druôm phung rup yang Asêra, leh anăn bi bŏ anôk digơ̆ anăn hŏng klang mnuih.

II Bruă Mtao 23:4

Mtao mtă kơ Y-Hilkia khua ngă yang prŏng leh anăn kơ phung khua ngă yang tal dua, leh anăn kơ phung kiă kriê ƀăng bhă mă ba mơ̆ng sang yang Yêhôwa jih jang čhiên mngan arăng ngă leh kơ yang Baal, kơ yang Asêra, leh anăn kơ jih jang phung hlăm adiê. Ñu čuh hĕ dŏ anăn ti êngao ƀuôn Yêrusalem hlăm hma Sêdrôn, leh anăn mă ba hbâo dŏ anăn kơ ƀuôn Bêthel.

II Klei Yăl Dliê 19:3

Ƀiădah ăt arăng ƀuh mâo klei jăk hlăm ih, kyuadah ih bi rai leh rup yang Asêra mơ̆ng čar, leh anăn ai tiê ih čuăn duah Aê Diê.”

II Klei Yăl Dliê 31:1

Tơdah jih klei anăn ruê̆ leh, jih jang phung Israel hriê leh kơ ƀuôn Yêrusalem kbiă nao kơ ƀuôn hlăm čar Yuđa, bi mčah hĕ gơ̆ng kŭt rup yang, druôm hĕ phung rup yang Asêra, leh anăn bi klưh hĕ anôk dlông wăt knưl tar ƀar čar Yuđa, čar Benjamin, čar Êphraim, leh anăn čar Manasê tơl diñu bi rai jih dŏ anăn. Leh klei anăn jih jang phung ƀuôn sang Israel lŏ wĭt kơ ƀuôn diñu pô, grăp čô kơ anôk lăn ñu.

II Klei Yăl Dliê 33:3

Ñu lŏ mdơ̆ng anôk dlông ama ñu Y-Hêsêkia bi klưh leh, ñu mdơ̆ng knưl kơ yang Baal leh anăn ngă rup yang Asêra, kkuh mpŭ kơ jih jang phung hlăm adiê, leh anăn mă bruă kơ phung anăn.

Klei Mmuñ Hđăp 78:58

Diñu mngal brei Yêhôwa ăl kyua anôk dlông diñu ngă, diñu brei Ñu trih kyua rup yang krah diñu.

Klei Kbiă 23:24

Đăm buôn kkuh ôh ti anăp phung yang diñu, kăn mă bruă kơ diñu rei, kăn tui hlue bruă diñu rei, ƀiădah brei ih bi rai diñu leh anăn bi mčah hĕ rup yang diñu.

Klei Kbiă 34:13

Brei diih bi rai hĕ knưl diñu leh anăn bi mčah hĕ kmeh diñu kkuh mpŭ, leh anăn druôm hĕ phung rup yang Asêra diñu.

Y-Êsai 36:7

Ƀiădah tơdah ih lač kơ kâo, “Hmei knang kơ Yêhôwa Aê Diê hmei,” amâo djŏ hĕ anôk dlông Ñu leh anăn knưl Ñu yơh Y-Hêsêkia mă hĕ leh, lač kơ phung Yuđa leh anăn kơ ƀuôn Yêrusalem, “Diih srăng kkuh mpŭ ti anăp knưl anei?”

Bruă Lêwi 26:30

Kâo srăng bi rai anôk dlông diih, leh anăn klư̆ bi êbuh hĕ knưl mnơ̆ng ƀâo mngưi diih, leh anăn hwiê asei mlei djiê diih ti dlông rup yang diih êbuh leh; leh anăn mngăt Kâo srăng bi êmut kơ diih.

Klei Mtô Mñă Klei Bhiăn 5:5

êjai mông anăn kâo dôk plah wah Yêhôwa hŏng diih, čiăng hưn kơ diih klei Yêhôwa blŭ; kyuadah diih huĭ kyua pui, leh anăn diih amâo đĭ ti čư̆ ôh. Ñu lač:

Klei Mtô Mñă Klei Bhiăn 7:5

Ƀiădah snei brei diih ngă kơ diñu: brei diih bi klưh hĕ knưl diñu leh anăn bi mčah đơ điêt kmeh diñu, leh anăn druôm hĕ phung rup yang Asêra diñu, leh anăn čuh hĕ hŏng pui rup yang diñu kač.

Phung Khua Phat Kđi 6:25

Mlam anăn Yêhôwa lač kơ ñu, “Mă bĕ êmô knô ama ih, êmô knô tal dua mâo kjuh thŭn, leh anăn bi klưh hĕ knưl yang Baal dŏ ama ih, leh anăn druôm hĕ sa ƀĕ gơ̆ng kŭt rup yang Asêra ti djiêô knưl.

Phung Khua Phat Kđi 6:28

Tơdah phung ƀuôn sang kgŭ aguah ưm, nĕ anei, knưl yang Baal klưh mčah leh, sa ƀĕ gơ̆ng kŭt yang Asêra ti djiêô knưl arăng druôm leh, leh anăn êmô knô tal dua arăng myơr leh ti dlông knưl arăng mdơ̆ng leh.