II Bruă Mtao 18:3 - Klei Aê Diê Blŭ 2015

³ Ñu ngă klei djŏ ti anăp ală Yêhôwa, tui si jih klei Y-Đawit aê ñu ngă leh.

II Bruă Mtao 18:3 Iomraidhean Croise

I Bruă Mtao 11:38

Tơdah ih mđing knga kơ jih klei Kâo mtă kơ ih, leh anăn êbat hlăm êlan Kâo, leh anăn ngă ya klei jing kpă ti anăp ală Kâo êjai djă pioh klei bhiăn Kâo leh anăn klei Kâo mtă, msĕ si Y-Đawit dĭng buăl Kâo ngă leh, Kâo srăng dôk mbĭt hŏng ih leh anăn mdơ̆ng kơ ih sa boh sang kjăp, msĕ si Kâo mdơ̆ng leh kơ Y-Đawit, leh anăn Kâo srăng brei phung Israel kơ ih.

I Bruă Mtao 11:4

Kyuadah tơdah Y-Salômôn mduôn leh, phung mô̆ ñu bi wir ai tiê ñu kơ phung yang mkăn; leh anăn ai tiê ñu amâo dôk sĭt suôr klă ôh hŏng Yêhôwa Aê Diê ñu, msĕ si ai tiê sĭt suôr Y-Đawit ama ñu.

I Bruă Mtao 15:11

Y-Asa ngă ya klei jing djŏ ti anăp ală Yêhôwa, msĕ si Y-Đawit aê ñu ngă leh.

I Bruă Mtao 15:5

kyuadah Y-Đawit ngă leh ya klei jing kpă ti anăp ală Yêhôwa, leh anăn amâo weh ôh mơ̆ng sa klei gơ̆ mtă leh kơ ñu jih ênuk ñu dôk hdĭp, knŏng hlăm klei Y-Uri êkei Hitit.

I Bruă Mtao 3:14

Leh anăn tơdah ih êbat hlăm êlan Kâo, djă pioh klei bhiăn Kâo leh anăn klei Kâo mtă msĕ si ama ih Y-Đawit êbat leh, snăn Kâo srăng lŏ bi kdung hruê ih.”

II Bruă Mtao 12:3

Ƀiădah anôk dlông arăng amâo mă hĕ ôh; phung ƀuôn sang ăt ngă yang leh anăn čuh mnơ̆ng ƀâo mngưi ti anôk dlông.

II Bruă Mtao 14:3

Ñu ngă klei djŏ ti anăp ală Yêhôwa, ƀiădah amâo djŏ ôh msĕ si Y-Đawit aê ñu. Ñu ngă jih klei tui si Y-Jôas ama ñu ngă leh.

II Bruă Mtao 20:3

“Hdơr bĕ ară anei, Ơ Yêhôwa, kâo kwưh kơ Ih, klei kâo êbat leh ti anăp Ih hŏng klei sĭt suôr leh anăn hŏng jih ai tiê, leh anăn ngă leh klei jăk ti anăp ală Ih.” Leh anăn Y-Hêsêkia hia ênguôt snăk.

II Bruă Mtao 22:2

Ñu ngă klei djŏ ti anăp ală Yêhôwa, leh anăn êbat hlăm jih êlan Y-Đawit aê ñu, leh anăn ñu amâo weh tĭng hnuă amâodah tĭng điâo ôh.

II Klei Yăl Dliê 29:2

Ñu ngă klei djŏ ti anăp ală Yêhôwa tui si jih jang klei aê ñu Y-Đawit ngă leh.

Y-Yôp 33:27

leh anăn pô anăn mmuñ ti anăp arăng leh anăn lač, ‘Kâo ngă soh leh, leh anăn bi msoh kơ klei kpă, leh anăn arăng amâo bi wĭt kơ kâo tui si klei năng ôh.

Klei Mmuñ Hđăp 119:128

Sĭt nik kâo tui hlue jih klei Ih čih; Kâo bi êmut kơ jih jang êlan klei luar.

Klei Kbiă 15:26

Ñu lač, “Tơdah ih dôk hmư̆ bi nik kơ asăp Yêhôwa, Aê Diê ih, leh anăn ngă klei djŏ ti anăp ală Kâo, tơdah ih mđing knga kơ klei Kâo mtă leh anăn gưt jih jang klei bhiăn Kâo, kâo amâo srăng bi truh kơ ih ôh sa mta klei ruă Kâo ngă leh kơ phung Êjip; kyuadah Kâo jing Yêhôwa, Pô bi hlao ih.”

Y-Êsai 38:3

“Ơ Yêhôwa, kâo kwưh kơ Ih, brei Ih hdơr ară anei klei kâo dôk dơ̆ng ƀơ̆ng huă leh ti anăp Ih hŏng klei sĭt suôr leh anăn hŏng jih ai tiê, leh anăn ngă leh klei jăk ti anăp ală Ih.” Mtao Y-Hêsêkia hia ênguôt snăk.

Hră Y-Pôl Mơĭt kơ Phung Rôm 7:12

Snăn klei bhiăn jing doh jăk, klei mtă jing doh jăk, kpă, leh anăn jăk.

Êphêsô 6:1

Ơ phung anak, gưt bĕ kơ amĭ ama hlăm Khua Yang, kyuadah klei anăn jing djŏ.

Klei Mtô Mñă Klei Bhiăn 10:12

“Ară anei, Ơ Israel, ya klei Yêhôwa Aê Diê ih čiăng brei ih ngă, knŏng huĭ mpŭ kơ Yêhôwa Aê Diê ih, êbat hlăm jih jang êlan Ñu, khăp kơ Ñu, leh anăn mă bruă kơ Yêhôwa Aê Diê ih hŏng jih ai tiê leh anăn hŏng jih mngăt ih,

Klei Mtô Mñă Klei Bhiăn 6:18

Brei ih ngă ya klei djŏ leh anăn jăk ti anăp ală Yêhôwa, čiăng kơ klei truh kơ ih jing jăk, leh anăn čiăng kơ ih dưi mŭt mă bha čar jăk Yêhôwa kat asei leh čiăng brei kơ phung aê ih