II Bruă Mtao 17:8 - Klei Aê Diê Blŭ 2015

⁸ leh anăn êbat leh hlăm klei bhiăn phung găp djuê mnuih Yêhôwa suôt leh ti anăp phung ƀuôn sang Israel, leh anăn êbat leh hlăm klei bhiăn phung mtao Israel mkra leh.

II Bruă Mtao 17:8 Iomraidhean Croise

I Bruă Mtao 12:28

Snăn mtao êmuh klei kčĕ, leh anăn ngă rup dua drei êđai êmô mah. Leh anăn ñu lač kơ phung ƀuôn sang, “Man leh diih đĭ nao kơ ƀuôn Yêrusalem. Ơ Israel, nĕ anei yang diih, phung atăt diih leh kbiă mơ̆ng čar Êjip.”

I Bruă Mtao 21:26

Ñu ngă klei Yêhôwa bi êmut snăk hlăm klei ñu kkuh rup yang, msĕ si phung Amôrit ngă leh, phung anăn Yêhôwa suôt leh mơ̆ng anăp phung ƀuôn sang Israel.

II Bruă Mtao 16:10

Tơdah mtao Ahas nao kơ ƀuôn Damas čiăng bi tuôm hŏng Y-Tiglat-Pilêser mtao Asiri, ñu ƀuh knưl ti ƀuôn Damas. Mtao Ahas mơĭt kơ Y-Urija khua ngă yang rup knưl anăn djŏ tui si jih bruă arăng ngă gơ̆.

II Bruă Mtao 16:3

Ƀiădah ñu êbat hlăm êlan phung mtao Israel. Wăt ñu čuh leh anak êkei ñu jing mnơ̆ng myơr, jing sa mta klei Yêhôwa bi êmut snăk phung găp djuê ngă, phung Yêhôwa suôt leh ti anăp phung ƀuôn sang Israel.

II Bruă Mtao 17:19

Phung Yuđa msĕ mơh amâo djă pioh ôh klei Yêhôwa Aê Diê diñu mtă, ƀiădah êbat hlăm klei bhiăn phung Israel mkra leh.

II Bruă Mtao 17:40

Ƀiădah diñu amâo čiăng hmư̆ ôh, diñu ngă tui si klei diñu ngă leh êlâo.

II Bruă Mtao 21:2

Ñu ngă klei jhat ti anăp ală Yêhôwa tui si klei Yêhôwa bi êmut snăk phung găp djuê mnuih Yêhôwa suôt leh ti anăp phung ƀuôn sang Israel ngă.

Klei Mmuñ Hđăp 106:35

ƀiădah diñu bi dôk hŏng phung găp djuê mkăn, leh anăn ngă bruă phung anăn.

Klei Kbiă 23:24

Đăm buôn kkuh ôh ti anăp phung yang diñu, kăn mă bruă kơ diñu rei, kăn tui hlue bruă diñu rei, ƀiădah brei ih bi rai diñu leh anăn bi mčah hĕ rup yang diñu.

Y-Yêrêmi 10:2

Snei Yêhôwa lač: “Đăm hriăm tui ôh êlan phung găp djuê mnuih, kăn huĭ rei tơdah ƀuh klei bi knăl hlăm adiê, wăt tơdah phung găp djuê mnuih huĭ hyưt kyua klei anăn.

Y-Êsêkiêl 5:6

Hŏng klei ƀai ñu bi kdơ̆ng hŏng klei Kâo mtă êgao hĭn kơ phung găp djuê mnuih mkăn, leh anăn bi kdơ̆ng hŏng klei bhiăn Kâo êgao hĭn kơ lu boh čar jŭm dar ñu, êjai hngah klei Kâo mtă leh anăn amâo êbat ôh tui hlue klei bhiăn Kâo.

Y-Ôsê 5:11

Arăng ktư̆ juă leh Êphraim, mčah leh hlăm klei phat kđi, kyuadah diñu čuăn ruah tui hlue klei hơăi mang.

Bruă Lêwi 18:3

Đăm diih ngă ôh msĕ si diñu ngă hlăm čar Êjip, čar diih dôk leh, leh anăn đăm diih ngă msĕ si diñu ngă hlăm čar Kanaan, kơ čar anăn Kâo atăt diih. Đăm diih êbat tui hlue klei bhiăn diñu ôh.

Bruă Lêwi 26:1

“Đăm ngă ôh kơ diih pô rup yang, kăn mdơ̆ng rup krah amâodah kmeh rei, leh anăn đăm dưm ôh hlăm čar diih boh tâo mâo rup čiăng buôn kkuh ti anăp dŏ anăn; kyuadah Kâo jing Yêhôwa Aê Diê diih.

Y-Mika 6:16

Kyuadah arăng djă pioh leh klei bhiăn Y-Ômri, leh anăn jih jang bruă sang Y-Ahap; leh anăn diih êbat leh tui hlue klei diñu kčĕ; snăn kơh Kâo srăng bi rai ih, leh anăn brei phung ƀuôn sang ih jing mnơ̆ng arăng mƀhơi; diih srăng gui klei hêñ phung ƀuôn sang Kâo.”

Klei Mtô Mñă Klei Bhiăn 18:9

“Tơdah ih mŭt hlăm ala čar Yêhôwa Aê Diê ih brei kơ ih, đăm hriăm ôh tui hlue klei soh jhat phung găp djuê anăn ngă.