II Bruă Mtao 17:4 - Klei Aê Diê Blŭ 2015

⁴ Ƀiădah mtao Asiri ƀuh klei lhiăr hlăm Y-Hôsêa; kyuadah ñu tiŏ nao leh mnuih kơ Y-Sô mtao Êjip, leh anăn amâo tuh jia ôh kơ mtao Asiri, msĕ si ñu ngă leh grăp thŭn. Kyuanăn mtao Asiri krư̆ ñu leh anăn kă ñu hlăm sang mnă.

II Bruă Mtao 17:4 Iomraidhean Croise

II Bruă Mtao 17:3

Y-Salmanêser mtao Asiri hriê ngă kơ ñu; leh anăn Y-Hôsêa jing dĭng buăl gơ̆, leh anăn tuh jia kơ gơ̆.

II Bruă Mtao 17:5

Mtao Asiri mŭt tar ƀar hlăm čar leh anăn truh kơ ƀuôn Samari, leh anăn ñu wang ƀuôn anăn êjai tlâo thŭn.

II Bruă Mtao 18:21

Nĕ ară anei ih knang kơ čar Êjip, giê mbô joh leh anăn. Dŏ anăn srăng tlŏ kngan hlei pô dưh ti ñu. Msĕ snăn Pharaôn mtao Êjip jing kơ jih jang hlei pô knang kơ ñu.

II Bruă Mtao 24:1

Hlăm ênuk Y-Jêhôyakim, Y-Nebukatnetsar mtao Ƀaƀilôn đĭ hriê, leh anăn Y-Jêhôyakim jing dĭng buăl ñu tlâo thŭn. Leh anăn Y-Jêhôyakim bi kdơ̆ng hŏng ñu.

II Bruă Mtao 24:20

Kyuadah klei Yêhôwa ngêñ truh leh hlăm ƀuôn Yêrusalem leh anăn čar Yuđa, Ñu suôt digơ̆ mơ̆ng ti anăp Ñu.

II Bruă Mtao 25:7

Digơ̆ bi mdjiê phung anak êkei Y-Sêdêkia ti anăp ală ñu, leh anăn ƀlêč hĕ ală Y-Sêdêkia, kă ñu hŏng klei săng đai, leh anăn atăt ñu kơ ƀuôn Ƀaƀilôn.

II Klei Yăl Dliê 32:11

Amâo djŏ hĕ Y-Hêsêkia mplư diih, čiăng kơ ñu dưi brei diih djiê hŏng klei ư̆ êpa leh anăn mhao tơdah ñu hưn kơ diih, “Yêhôwa Aê Diê drei srăng bi mtlaih drei mơ̆ng kngan mtao Asiri”?

Y-Ôsê 10:4

Diñu blŭ klei amâo yuôm ôh, hŏng klei kat asei hơăi mang diñu ngă klei bi mguôp. Snăn mơh klei phat kđi srăng čăt msĕ si rơ̆k jhat mâo êa kêč kam hlăm klông wăng kai.

Y-Ôsê 12:2

Yêhôwa mâo klei kčŭt kơ Yuđa, leh anăn srăng bi kmhal Y-Yakôp tui si êlan ñu êbat, leh anăn srăng bi wĭt kơ ñu tui si bruă ñu ngă.

Y-Ôsê 13:10

Ară anei, ti mtao diih kăp bi mtlaih diih? Ti jih jang phung khua ih hlăm jih jang ƀuôn ih — kyua phung anăn ih lač leh, “Brei kơ kâo sa čô mtao leh anăn phung khua?”

Y-Ôsê 8:10

Wăt tơdah diñu mưn lu phung găp djuê mnuih, ăt Kâo srăng bi kƀĭn diñu. Leh anăn diñu srăng hrŏ kyua mtao ktang ktư̆ juă diñu.

Klei Mtô Mñă Klei Bhiăn 28:36

Yêhôwa srăng atăt ba diih leh anăn mtao diih mdưm leh kơ diih pô kơ sa găp djuê diih amâodah phung aê diih đưm amâo tuôm thâo kral ôh. Leh anăn tinăn diih srăng mă bruă kơ phung yang mkăn hŏng kyâo leh anăn boh tâo.