II Bruă Mtao 16:7 - Klei Aê Diê Blŭ 2015

⁷ Snăn Y-Ahas tiŏ nao mnuih kơ Y-Tiglat-Pilêser mtao Asiri, lač, “Kâo jing dĭng buăl ih leh anăn anak êkei ih. Hriê bĕ, bi mtlaih kâo mơ̆ng kngan mtao Siri leh anăn mơ̆ng kngan mtao Israel, phung dôk ngă kơ kâo.”

II Bruă Mtao 16:7 Iomraidhean Croise

I Bruă Mtao 20:4

Mtao Israel lŏ wĭt lač, “Tui si ih lač, Ơ khua kâo mtao, kâo jing dŏ ih leh anăn jih jang mnơ̆ng kâo mâo.”

II Bruă Mtao 15:29

Hlăm ênuk Y-Pêka mtao Israel, Y-Tiglat-Pilêser mtao Asiri hriê leh anăn mă hĕ ƀuôn Ijôn, ƀuôn Aƀel-Bet-Maka, ƀuôn Janôa, ƀuôn Kêdes, ƀuôn Hasôr, čar Galaat, čar Galilê, leh anăn jih lăn phung Naptali. Leh anăn ñu atăt ba phung ƀuôn sang jing mnă kơ čar Asiri.

II Bruă Mtao 18:7

Yêhôwa dôk mbĭt hŏng ñu. Ti anôk ñu kbiă nao, ñu mâo klei dưi. Ñu bi kdơ̆ng hŏng mtao Asiri, leh anăn amâo mă bruă kơ gơ̆ ôh.

I Klei Yăl Dliê 5:26

Snăn Aê Diê Israel mčhur klei mĭn Y-Pul mtao Asiri, klei mĭn Y-Tiglat-Pilêser mtao Asiri, leh anăn ñu atăt ba jing mnă phung Ruben, phung Gat, leh anăn sa mkrah găp djuê Manasê, leh anăn atăt digơ̆ kơ ƀuôn Hala, ƀuôn Habôr, ƀuôn Hara, leh anăn êa krông Gôsan truh kơ hruê anei.

II Klei Yăl Dliê 28:16

Hlăk anăn Mtao Ahas tiŏ arăng nao akâo mtao Asiri đru.

II Klei Yăl Dliê 28:20

Snăn Y-Tiglat-Pilêser mtao Asiri hriê bi blah hŏng ñu, leh anăn bi knap ñu hrô kơ klei bi ktang ñu.

Y-Êsai 2:6

Kyuadah Ih hngah leh êlan phung ƀuôn sang Ih, sang phung Yakôp. Kyuadah diñu bŏ hŏng phung mdian mơ̆ng čar Ngŏ, leh anăn ngă msĕ si phung mjâo phung Philistin, leh anăn diñu djă kngan hŏng phung tue amâo đăo ôh.

Y-Yêrêmi 13:21

Ya ih srăng lač tơdah Yêhôwa mdưm khua kiă kriê ih, phung anăn ih pô bi hriăm leh, phung mah jiăng ih mphŭn dô? Amâo djŏ hĕ klei ruă ktang srăng truh kơ ih, msĕ si sa čô mniê dôk đih pui?

Y-Yêrêmi 17:5

Snei Yêhôwa lač: “Tăm pah hĕ pô knang kơ mnuih, leh anăn knang kơ klei ktang mơ̆ng kđeh, ai tiê ñu klah đuĕ leh mơ̆ng Yêhôwa.

Klei Čŏk Hia 4:17

Ală drei dliu, kăp dlăng nanao hơăi mang kơ klei đru; ti sang tum drei kăp dlăng kơ sa găp djuê amâo dưi bi mtlaih drei ôh.

Y-Êsêkiêl 16:28

Msĕ mơh ih ngă knhông hŏng phung Asiri, kyuadah ih amâo thâo hrăp ôh; sĭt nik ih ngă leh klei knhông hŏng diñu, leh anăn ka ih hrăp mơh.

Y-Êsêkiêl 23:12

Gơ̆ khăp kơ phung Asiri, phung khua kiă kriê leh anăn phung khua kahan, phung kahan hơô djăp mta ao msei, đĭ aseh, jih jang diñu jing phung êkei siam arăng tluh.

Y-Êsêkiêl 23:5

H'Ôhôla ngă klei knhông êjai ñu jing dŏ Kâo; ñu khăp kơ piu ñu phung Asiri,

Y-Ôsê 14:3

Asiri amâo dưi bi mtlaih hmei ôh, hmei amâo srăng đĭ aseh ôh; leh anăn hmei amâo srăng lŏ lač ôh ‘Aê Diê hmei,’ kơ bruă kngan hmei ngă. Hlăm Ih yơh anak êrĭt ƀuh klei pap.”

Y-Ôsê 7:11

Êphraim jing msĕ si sa drei mgăm mluk, amâo mâo klei thâo săng ôh. Diñu kwưh kơ čar Êjip, nao kơ čar Asiri.