II Bruă Mtao 16:3 - Klei Aê Diê Blŭ 2015

³ Ƀiădah ñu êbat hlăm êlan phung mtao Israel. Wăt ñu čuh leh anak êkei ñu jing mnơ̆ng myơr, jing sa mta klei Yêhôwa bi êmut snăk phung găp djuê ngă, phung Yêhôwa suôt leh ti anăp phung ƀuôn sang Israel.

II Bruă Mtao 16:3 Iomraidhean Croise

I Bruă Mtao 14:24

Mâo msĕ mơh phung kkuh mpŭ hŏng klei knhông hlăm čar. Diñu ngă tui si jih jang klei Yêhôwa bi êmut hlăm phung găp djuê Yêhôwa suôt leh ti anăp phung ƀuôn sang Israel.

II Bruă Mtao 17:16

Diñu lui hĕ jih jang klei mtă mơ̆ng Yêhôwa Aê Diê diñu, leh anăn tuh kơ diñu pô rup dua drei êđai êmô; leh anăn diñu ngă sa ƀĕ gơ̆ng kŭt rup yang Asêra, leh anăn kkuh mpŭ kơ jih jang phung hlăm adiê, leh anăn mă bruă kơ yang Baal.

II Bruă Mtao 17:17

Diñu čuh phung anak êkei diñu leh anăn phung anak mniê diñu jing mnơ̆ng myơr, leh anăn yua klei mdian leh anăn klei mjâo, leh anăn čhĭ diñu pô čiăng ngă klei jhat ti anăp ală Yêhôwa, mčhur Gơ̆ ngêñ.

II Bruă Mtao 17:19

Phung Yuđa msĕ mơh amâo djă pioh ôh klei Yêhôwa Aê Diê diñu mtă, ƀiădah êbat hlăm klei bhiăn phung Israel mkra leh.

II Bruă Mtao 17:8

leh anăn êbat leh hlăm klei bhiăn phung găp djuê mnuih Yêhôwa suôt leh ti anăp phung ƀuôn sang Israel, leh anăn êbat leh hlăm klei bhiăn phung mtao Israel mkra leh.

II Bruă Mtao 21:11

“Kyuadah Y-Manasê mtao Yuđa ngă leh klei Kâo bi êmut anei, leh anăn ngă klei jhat hĭn kơ jih jang klei phung Amôrit ngă leh êlâo kơ ñu, leh anăn msĕ mơh bi msoh leh phung Yuđa hŏng rup yang ñu;

II Bruă Mtao 21:2

Ñu ngă klei jhat ti anăp ală Yêhôwa tui si klei Yêhôwa bi êmut snăk phung găp djuê mnuih Yêhôwa suôt leh ti anăp phung ƀuôn sang Israel ngă.

II Bruă Mtao 21:6

Ñu čuh anak êkei ñu jing mnơ̆ng myơr, leh anăn ñu ngă klei hưn êlâo leh anăn klei mdian, leh anăn mă bruă mbĭt hŏng phung mjâo leh anăn phung mdian. Ñu ngă lu klei jhat ti anăp ală Yêhôwa, mčhur Gơ̆ ngêñ.

II Bruă Mtao 21:9

Ƀiădah diñu amâo dôk hmư̆ ôh, leh anăn Y-Manasê mplư diñu ngă klei jhat lu hĭn kơ phung găp djuê Yêhôwa bi rai leh ti anăp phung ƀuôn sang Israel.

II Bruă Mtao 23:10

Ñu bi čhŏ anôk Tôphet hlăm tlung phung anak êkei Y-Hinôm, čiăng kơ amâo mâo sa čô ôh dưi čuh anak êkei ñu amâodah anak mniê ñu jing mnơ̆ng myơr kơ yang Môlek.

II Bruă Mtao 8:18

Ñu êbat hlăm êlan phung mtao Israel msĕ si sang Y-Ahap ngă leh, kyuadah mô̆ ñu jing anak mniê Y-Ahap; leh anăn ñu ngă klei jhat ti anăp ală Yêhôwa.

II Klei Yăl Dliê 22:3

Ñu msĕ mơh êbat tui êlan sang Y-Ahap, kyuadah amĭ ñu jing pô kčĕ brei ngă klei ƀai.

II Klei Yăl Dliê 33:2

Ñu ngă klei jhat ti anăp ală Yêhôwa tui si klei jhat Yêhôwa bi êmut phung găp djuê mkăn ngă, phung anăn Yêhôwa suôt leh mơ̆ng anăp phung ƀuôn sang Israel.

II Klei Yăl Dliê 33:6

Ñu čuh phung anak êkei ñu jing mnơ̆ng myơr hlăm tlung anak êkei Y-Hinôm, ksiêm mnơ̆ng čiăng hưn êlâo, ngă klei mdian, ngă bruă mjâo, leh anăn duah phung blŭ hrăm hŏng phung mnuih djiê, leh anăn phung mdian. Ñu ngă lu klei jhat ti anăp ală Yêhôwa bi mčhur ai ngêñ Gơ̆.

Klei Mmuñ Hđăp 106:35

ƀiădah diñu bi dôk hŏng phung găp djuê mkăn, leh anăn ngă bruă phung anăn.

Y-Êsai 57:5

Diih hung hang hŏng klei tluh ƀô ti krah ana kyâo têrêbin, ti gŭ jih jang ana kyâo mtah; phung bi mdjiê phung anak diih hlăm tlung, ti gŭ ƀăng kđang boh tâo.

Y-Yêrêmi 32:35

Diñu mdơ̆ng leh anôk dlông kơ yang Baal hlăm tlung anak êkei Y-Hinôm, čiăng myơr kơ yang Môlok phung anak êkei leh anăn phung anak mniê diñu, wăt tơdah Kâo amâo tuôm mtă klei anăn kơ diñu, kăn tuôm mĭn kơ klei anăn rei, čiăng kơ diñu ngă klei Kâo bi êmut kheh anei, čiăng brei phung Yuđa ngă soh.

Y-Êsêkiêl 16:21

tơl ih bi mdjiê phung anak Kâo leh anăn jao digơ̆ jing mnơ̆ng myơr čuh kơ diñu?

Y-Êsêkiêl 16:47

Ƀiădah ih amâo hrăp ôh êbat tui êlan diñu, leh anăn ngă tui si klei jhat Kâo bi êmut kheh diñu ngă; amâo sui ôh ih jing soh jhat hĭn kơ diñu hlăm jih jang êlan ih êbat.

Y-Êsêkiêl 20:26

leh anăn Kâo brei diñu jing čhŏ leh hŏng mnơ̆ng diñu myơr — diñu myơr čuh jih jang phung anak diñu kkiêng tal êlâo — čiăng kơ Kâo dưi bi huĭ diñu, čiăng kơ diñu dưi thâo kơ Kâo jing Yêhôwa.

Y-Êsêkiêl 20:31

Tơdah diih myơr mnơ̆ng myơr leh anăn ngă yang hŏng phung anak êkei diih čuh hŏng pui, diih bi čhŏ diih pô hŏng jih jang rup yang truh kơ hruê anei. Kâo srăng tŭ mơ̆ klei diih akâo kwưh kơ Kâo, Ơ sang Israel? Sĭt nik tui si Kâo dôk hdĭp,’ Yêhôwa Aê Diê lač, ‘Kâo amâo srăng tŭ ôh klei diih akâo kwưh.

Bruă Lêwi 18:21

Đăm brei ôh sa čô hlăm phung anak ih čiăng jao gơ̆ brei pui ƀơ̆ng kơ yang Môlok, kyuanăn ih bi čhŏ anăn Aê Diê ih. Kâo jing Yêhôwa.

Bruă Lêwi 20:2

“Lač bĕ kơ phung ƀuôn sang Israel, ‘Tơdah sa čô mơ̆ng phung ƀuôn sang Israel amâodah mnơ̆ng phung tue dôk jưh bhiâo hlăm čar Israel jao sa čô hlăm phung anak ñu kơ yang Môlok, brei arăng bi mdjiê ñu. Phung ƀuôn sang hlăm čar srăng bhĭr boh tâo kơ ñu.

Y-Mika 6:7

Yêhôwa srăng mơak mơ̆ hŏng lu êbâo drei biăp knô, hŏng lu klăk klai hnoh êa boh ôliwơ mơ̆? Kâo srăng myơr mơ̆ anak kâo kkiêng tal êlâo kyua klei kâo gao klei bhiăn, boh mơ̆ng tian prôč kâo kyua klei soh mngăt kâo?”

Klei Mtô Mñă Klei Bhiăn 12:31

Đăm ngă ôh msĕ snăn kơ Yêhôwa Aê Diê ih; kyuadah jih jang mnơ̆ng Yêhôwa bi êmut kheh diñu ngă leh kơ yang diñu; kyuadah diñu čuh wăt phung anak êkei leh anăn phung anak mniê diñu hlăm pui kơ phung yang diñu.

Klei Mtô Mñă Klei Bhiăn 18:10

Đăm mâo ôh ti krah ih sa čô mnuih čuh anak êkei amâodah anak mniê ñu jing mnơ̆ng myơr, sa čô mă bruă mdian, sa čô hưn klei srăng truh, pô ksiêm mtŭ, sa čô mjâo,