II Bruă Mtao 16:2 - Klei Aê Diê Blŭ 2015

² Y-Ahas mâo dua pluh thŭn tơdah ñu dơ̆ng kiă kriê, leh anăn ñu kiă kriê pluh năm thŭn hlăm ƀuôn Yêrusalem. Ñu amâo ngă klei djŏ ti anăp ală Yêhôwa Aê Diê ñu ôh msĕ si aê ñu Y-Đawit ngă leh.

II Bruă Mtao 16:2 Iomraidhean Croise

I Bruă Mtao 15:3

Ñu êbat hlăm jih jang klei soh ama ñu ngă leh êlâo kơ ñu; leh anăn ai tiê ñu amâo jing sĭt suôr klă ôh hŏng Yêhôwa Aê Diê ñu, msĕ si ai tiê Y-Đawit aê ñu,

I Bruă Mtao 3:14

Leh anăn tơdah ih êbat hlăm êlan Kâo, djă pioh klei bhiăn Kâo leh anăn klei Kâo mtă msĕ si ama ih Y-Đawit êbat leh, snăn Kâo srăng lŏ bi kdung hruê ih.”

I Bruă Mtao 9:4

Bi ih, tơdah ih êbat ti anăp Kâo msĕ si Y-Đawit ama ih êbat leh hŏng klei sĭt suôr leh anăn klei kpă ênô, ngă tui hlue jih jang klei Kâo mtă leh kơ ih, djă pioh klei bhiăn Kâo leh anăn klei Kâo mtrŭn,

II Bruă Mtao 14:3

Ñu ngă klei djŏ ti anăp ală Yêhôwa, ƀiădah amâo djŏ ôh msĕ si Y-Đawit aê ñu. Ñu ngă jih klei tui si Y-Jôas ama ñu ngă leh.

II Bruă Mtao 15:3

Ñu ngă klei djŏ ti anăp ală Yêhôwa tui si jih klei ama ñu Y-Amasia ngă leh.

II Bruă Mtao 15:34

Ñu ngă klei djŏ ti anăp ală Yêhôwa tui si jih klei ama ñu Y-Usia ngă leh.

II Bruă Mtao 18:1

Hlăm thŭn tal tlâo Y-Hôsêa anak êkei Y-Êla mtao Israel, Y-Hêsêkia anak êkei Y-Ahas mtao Yuđa dơ̆ng kiă kriê.

II Bruă Mtao 18:3

Ñu ngă klei djŏ ti anăp ală Yêhôwa, tui si jih klei Y-Đawit aê ñu ngă leh.

II Bruă Mtao 22:2

Ñu ngă klei djŏ ti anăp ală Yêhôwa, leh anăn êbat hlăm jih êlan Y-Đawit aê ñu, leh anăn ñu amâo weh tĭng hnuă amâodah tĭng điâo ôh.

II Klei Yăl Dliê 17:3

Yêhôwa dôk mbĭt hŏng Y-Jôsaphat, kyuadah ñu êbat tui hlue êlan ama ñu êbat leh hlăm ênuk mphŭn êlâo. Ñu amâo duah yang Baal ôh,

II Klei Yăl Dliê 29:2

Ñu ngă klei djŏ ti anăp ală Yêhôwa tui si jih jang klei aê ñu Y-Đawit ngă leh.