II Bruă Mtao 13:7 - Klei Aê Diê Blŭ 2015

⁷ Kyuadah ñu amâo lui ôh kơ Y-Jôača sa phung kahan êbeh hĭn kơ êma pluh čô đĭ aseh, leh anăn pluh boh êdeh aseh, leh anăn pluh êbâo čô êbat jơ̆ng; kyuadah mtao Siri bi rai hĕ digơ̆ leh anăn mjing digơ̆ msĕ si ƀruih ti anôk prah mdiê.

II Bruă Mtao 13:7 Iomraidhean Croise

II Y-Samuel 22:43

Kâo tlê diñu tơl ƀhĭ msĕ si ƀruih lăn, kâo mñir diñu leh anăn juă diñu msĕ si lŭ hlăm êlan.

I Bruă Mtao 20:15

Snăn Y-Ahap rĭng phung dĭng buăl phung khua krĭng, leh anăn mâo dua êtuh tlâo pluh dua čô. Êdei kơ phung anăn ñu rĭng jih jang phung ƀuôn sang Israel, mâo kjuh êbâo čô.

I Bruă Mtao 20:27

Arăng rĭng leh phung ƀuôn sang Israel leh anăn arăng brei mnơ̆ng ƀơ̆ng huă kơ diñu, leh anăn diñu nao bi blah hŏng phung Siri. Phung ƀuôn sang Israel ngă kđông ti anăp diñu msĕ si dua phung bê ƀiă, ƀiădah phung Siri bi bŏ čar.

II Bruă Mtao 10:32

Hlăm ênuk anăn Yêhôwa dơ̆ng khăt đa đa kdrêč čar Israel. Y-Hasael dưi hŏng diñu tar ƀar čar Israel:

II Bruă Mtao 13:8

Bruă mkăn Y-Jôača ngă, leh anăn jih klei ñu ngă leh, leh anăn klei ktang ñu, amâo djŏ hĕ arăng čih leh hlăm hdruôm hră Klei Yăl Dliê kơ Phung Mtao Israel?

II Bruă Mtao 8:12

Y-Hasael lač, “Si ngă khua kâo hia lĕ?” Y-Êlisê lŏ wĭt lač, “Kyuadah kâo thâo klei jhat ih srăng ngă kơ phung ƀuôn sang Israel. Ih srăng čuh lu kđông diñu, ih srăng bi mdjiê hŏng đao gưm phung êkei hlăk ai diñu, leh anăn bi mčah đơ điêt phung hđeh diñu, leh anăn mbliah tian phung mô̆ diñu ba tian.”

Klei Mmuñ Hđăp 18:42

Kâo čăm bi ƀhĭ diñu msĕ si ƀruih lăn ti anăp angĭn kpuh mđung; kâo čah čưng diñu msĕ si lŭ hlăm êlan dơ̆ng.

Y-Êsai 36:8

Snăn ară anei, brei ih ngă klei bi mguôp hŏng khua kâo mtao čar Asiri. Kâo srăng brei kơ ih dua êbâo drei aseh tơdah ih dưi mâo phung đĭ diñu.

Y-Êsai 41:2

Hlei pô bi kbiă leh sa čô mơ̆ng ngŏ, pô mâo klei dưi jih anôk ñu nao? Arăng jao leh kơ ñu phung găp djuê mnuih, snăn ñu juă phung mtao. Ñu brei digơ̆ jing msĕ si ƀruih lăn hŏng đao gưm ñu, msĕ si adrăng angĭn kpuh hŏng hna ñu.

Y-Yôel 3:14

Lu lĭn mnuih, lu lĭn mnuih, hlăm tlung klei phat kđi! Kyuadah hruê Yêhôwa giăm leh hlăm tlung klei phat kđi.

Bruă Lêwi 26:17

Kâo srăng wir ƀô̆ mta Kâo bi kdơ̆ng hŏng diih, leh anăn diih srăng êbuh ti anăp phung roh diih; phung bi êmut kơ diih srăng jing khua kơ diih, leh anăn diih srăng đuĕ wăt tơdah amâo mâo pô tiŏ diih ôh.

Y-Amôs 1:3

Snei Yêhôwa lač: “Kyua tlâo mta klei Damas gao klei bhiăn, wăt pă mta mơh, snăn Kâo amâo srăng bi mlih ôh klei Kâo bi kmhal ñu, kyuadah diñu juă klit čar Galaat hŏng êdeh mâo êgei msei.

Y-Amôs 4:10

“Kâo mơĭt leh kơ diih klei ruă tưp msĕ si hlăm čar Êjip; Kâo bi mdjiê leh phung êkei hlăk ai diih hŏng đao gưm; Kâo mă mđuĕ leh aseh diih; leh anăn Kâo brei klei ƀâo brŭ anôk diih jưh hŭl truh kơ ƀăng adŭng diih; ƀiădah ăt diih amâo lŏ wĭt kơ Kâo ôh,” Yêhôwa lač.

I Y-Samuel 13:15

Leh anăn Y-Samuel kgŭ đuĕ nao mơ̆ng ƀuôn Gilgal. Phung kahan adôk tui hlue Y-Sôl nao mơ̆ng Gilgal kơ ƀuôn Gibêa, hlăm čar Benjamin. Y-Sôl yap phung ƀuôn sang dôk mbĭt hŏng ñu, mâo hlăm brô năm êtuh čô.