II Bruă Mtao 13:6 - Klei Aê Diê Blŭ 2015

⁶ Ƀiădah diñu amâo đuĕ ôh mơ̆ng klei soh sang Y-Jêrôbôam, klei anăn gơ̆ bi msoh phung Israel, ƀiădah diñu êbat hlăm klei soh anăn; leh anăn sa ƀĕ gơ̆ng kŭt rup yang Asêra msĕ mơh ăt dôk hlăm ƀuôn Samari.

II Bruă Mtao 13:6 Iomraidhean Croise

I Bruă Mtao 14:16

Ñu srăng lui phung Israel kyuadah klei Y-Jêrôbôam ngă soh leh, leh anăn klei ñu bi msoh leh phung Israel.”

I Bruă Mtao 15:3

Ñu êbat hlăm jih jang klei soh ama ñu ngă leh êlâo kơ ñu; leh anăn ai tiê ñu amâo jing sĭt suôr klă ôh hŏng Yêhôwa Aê Diê ñu, msĕ si ai tiê Y-Đawit aê ñu,

I Bruă Mtao 16:26

Kyuadah ñu êbat hlăm jih êlan Y-Jêrôbôam anak êkei Y-Nêbat, leh anăn hlăm klei soh gơ̆ bi msoh leh kơ phung Israel, mčhur Yêhôwa Aê Diê Israel ăl kyua rup yang diñu.

I Bruă Mtao 16:33

Leh anăn Y-Ahap ngă sa ƀĕ gơ̆ng kŭt rup yang Asêra. Y-Ahap ngă êbeh hĭn kơ jih jang phung mtao Israel êlâo kơ ñu, čiăng mčhur Yêhôwa Aê Diê Israel ăl.

II Bruă Mtao 10:29

Ƀiădah Y-Jêhu amâo wir đuĕ ôh mơ̆ng klei soh Y-Jêrôbôam anak êkei Y-Nêbat, klei anăn ñu bi msoh leh kơ phung Israel, rup êđai êmô mah hlăm ƀuôn Bêthel leh anăn ƀuôn Dan.

II Bruă Mtao 13:11

Ñu msĕ mơh ngă klei jhat ti anăp ală Yêhôwa; ñu amâo đuĕ ôh mơ̆ng jih klei soh Y-Jêrôbôam anak êkei Y-Nêbat, klei anăn gơ̆ bi msoh phung Israel, ƀiădah ñu êbat hlăm klei soh anăn.

II Bruă Mtao 13:2

Ñu ngă klei jhat ti anăp ală Yêhôwa, leh anăn tui hlue klei soh Y-Jêrôbôam anak êkei Y-Nêbat, klei anăn gơ̆ bi msoh phung Israel. Ñu amâo đuĕ ôh mơ̆ng klei soh anăn.

II Bruă Mtao 17:16

Diñu lui hĕ jih jang klei mtă mơ̆ng Yêhôwa Aê Diê diñu, leh anăn tuh kơ diñu pô rup dua drei êđai êmô; leh anăn diñu ngă sa ƀĕ gơ̆ng kŭt rup yang Asêra, leh anăn kkuh mpŭ kơ jih jang phung hlăm adiê, leh anăn mă bruă kơ yang Baal.

II Bruă Mtao 18:4

Ñu mă hĕ anôk dlông, bi mčah hĕ gơ̆ng kŭt, leh anăn druôm hĕ sa ƀĕ gơ̆ng kŭt rup yang Asêra. Ñu bi mčah đơ điêt ala kông Y-Môis ngă leh, kyuadah hlŏng kơ hruê anăn phung ƀuôn sang Israel čuh mnơ̆ng ƀâo mngưi kơ dŏ anăn. Arăng pia dŏ anăn Nêhustan.

II Bruă Mtao 21:3

Kyuadah ñu lŏ mdơ̆ng lu anôk dlông ama ñu Y-Hêsêkia bi rai leh; leh anăn ñu mdơ̆ng knưl kơ yang Baal, leh anăn ngă sa ƀĕ gơ̆ng kŭt rup yang Asêra msĕ si Y-Ahap mtao Israel ngă leh, leh anăn kkuh mpŭ kơ jih jang phung hlăm adiê, leh anăn mă bruă kơ phung anăn.

II Bruă Mtao 23:4

Mtao mtă kơ Y-Hilkia khua ngă yang prŏng leh anăn kơ phung khua ngă yang tal dua, leh anăn kơ phung kiă kriê ƀăng bhă mă ba mơ̆ng sang yang Yêhôwa jih jang čhiên mngan arăng ngă leh kơ yang Baal, kơ yang Asêra, leh anăn kơ jih jang phung hlăm adiê. Ñu čuh hĕ dŏ anăn ti êngao ƀuôn Yêrusalem hlăm hma Sêdrôn, leh anăn mă ba hbâo dŏ anăn kơ ƀuôn Bêthel.

Y-Êsai 26:10

Wăt tơdah arăng pap kơ pô ƀai, ñu amâo hriăm klei kpă ênô ôh. Wăt hlăm čar pô kpă, Ñu ăt ngă klei jhat leh anăn amâo ƀuh ôh klei kdrăm Yêhôwa.

Klei Mtô Mñă Klei Bhiăn 7:5

Ƀiădah snei brei diih ngă kơ diñu: brei diih bi klưh hĕ knưl diñu leh anăn bi mčah đơ điêt kmeh diñu, leh anăn druôm hĕ phung rup yang Asêra diñu, leh anăn čuh hĕ hŏng pui rup yang diñu kač.