II Bruă Mtao 13:4 - Klei Aê Diê Blŭ 2015

⁴ Y-Jôača kwưh kơ Yêhôwa, leh anăn Yêhôwa hmư̆ ñu; kyuadah Yêhôwa ƀuh klei arăng ktư̆ juă phung Israel, klei mtao Siri ktư̆ juă digơ̆.

II Bruă Mtao 13:4 Iomraidhean Croise

Klei Mphŭn Dơ̆ng 21:17

Aê Diê hmư̆ asăp hđeh êdam hia, leh anăn dĭng buăl jăk Aê Diê iêô H'Agar mơ̆ng adiê, lač kơ ñu, “Si ngă ih rŭng răng, Ơ H'Agar? Đăm huĭ ôh, kyuadah Aê Diê hmư̆ leh asăp hđeh êdam ti anôk ñu dôk.

Klei Mphŭn Dơ̆ng 31:42

Tơdah Aê Diê ama kâo, Aê Diê Y-Abraham, Pô Y-Isăk huĭ mpŭ, amâo dôk tĭng kơ kâo, sĭt nik ih brei kâo wĭt kngan êhŏng. Aê Diê ƀuh leh klei knap kâo leh anăn bruă kngan kâo, leh anăn Ñu ƀuah ih mlam mlei.”

II Bruă Mtao 13:22

Y-Hasael mtao Siri ktư̆ juă phung Israel jih ênuk Y-Jôača.

II Bruă Mtao 13:23

Ƀiădah Yêhôwa pap kơ diñu leh anăn hơiêng kơ diñu, leh anăn Yêhôwa wir phă diñu, kyua klei Gơ̆ bi mguôp leh hŏng Y-Abraham, Y-Isăk, leh anăn Y-Yakôp, leh anăn amâo čiăng bi rai diñu ôh, kăn suôt diñu mơ̆ng anăp Gơ̆ rei hlŏng kơ hruê anei.

II Bruă Mtao 14:26

Kyuadah Yêhôwa ƀuh klei knap phung Israel jing ktrŏ snăk, kyuadah arăng amâo lui sa čô ôh hlŭn amâodah êngiê, leh anăn amâo mâo pô đru phung Israel.

II Klei Yăl Dliê 33:19

Klei ñu wah lač, leh anăn klei Aê Diê tŭ klei ñu kwưh, leh anăn jih klei soh leh anăn klei ñu amâo dôk sĭt suôr ôh, anôk dlông ñu mdơ̆ng leh anăn mdơ̆ng phung rup yang Asêra leh anăn rup yang krah êlâo ñu bi luă gŭ ñu pô, nĕ anei arăng čih leh hlăm hdruôm hră Klei Yăl Dliê kơ Phung Thâo Bi Ƀuh.

Y-Êsra 8:23

Snăn yơh hmei kăm ƀơ̆ng huă leh anăn kwưh kơ Aê Diê hmei kơ klei anei, leh anăn Ñu hmư̆ klei hmei kwưh.

Y-Yôp 22:27

Ih srăng wah lač kơ Ñu, leh anăn Ñu srăng hmư̆ ih; leh anăn ih srăng bi sĭt mnơ̆ng ih ƀuăn.

Klei Mmuñ Hđăp 50:15

iêô wah lač kơ Kâo hlăm hruê knap mñai; Kâo srăng bi mtlaih diih leh anăn diih srăng bi guh kơang kơ Kâo.”

Klei Mmuñ Hđăp 78:34

Tơdah Aê Diê bi mdjiê diñu, snăn diñu lŏ tui duah Aê Diê; diñu kmhal kơ klei soh, leh anăn duah Aê Diê hŏng jih ai tiê.

Klei Kbiă 3:7

Yêhôwa lač, “Kâo ƀuh leh klei knap mñai phung ƀuôn sang Kâo hlăm čar Êjip, leh anăn Kâo hmư̆ leh klei diñu ur krao kyua phung khua bruă diñu; Kâo thâo kral klei knap diñu,

Klei Kbiă 3:9

Nĕ anei, klei phung Israel ur krao đĭ truh kơ Kâo leh, wăt Kâo ƀuh leh klei phung Êjip bi knap diñu.

Y-Êsai 26:16

Ơ Yêhôwa, êjai mâo klei knap mñai diñu duah Ih; tơdah Ih mkra diñu, diñu iêô wah lač kơ Ih hŏng jih ai tiê.

Y-Êsai 63:9

Hlăm jih jang klei knap mñai digơ̆, Ñu mâo klei knap mơh, leh anăn klei dĭng buăl jăk Ñu dôk mbĭt bi mtlaih leh digơ̆. Hŏng klei Ñu khăp leh anăn pap Ñu bi tui leh digơ̆; Ñu pŭ ba digơ̆ jih jang hruê ênuk đưm.

Y-Yêrêmi 2:27

phung anăn lač kơ sa ƀĕ ana kyâo, ‘Ih jing ama kâo,’ leh anăn lač kơ sa klŏ boh tâo, ‘Ih kkiêng kơ kâo leh.’ Kyuadah diñu kkui rŏng kơ Kâo leh, amâo dlăng kơ Kâo ôh. Ƀiădah hlăm ênuk diñu rŭng răng, diñu lač, ‘Kgŭ leh anăn bi mtlaih hmei bĕ!’

Y-Yêrêmi 33:3

‘Iêô wah lač bĕ kơ Kâo, leh anăn Kâo srăng lŏ wĭt lač kơ ih, leh anăn srăng hưn kơ ih mnơ̆ng prŏng leh anăn hgăm, mnơ̆ng ih amâo tuôm thâo ôh.’

Klei Yap 21:7

Phung ƀuôn sang nao kơ Y-Môis leh anăn lač, “Hmei ngă soh leh, kyuadah hmei blŭ bi kdơ̆ng hŏng Yêhôwa leh anăn hŏng ih. Wah lač bĕ kơ Yêhôwa čiăng kơ ñu mă hĕ ala anei mơ̆ng hmei.” Snăn Y-Môis wah lač brei kơ phung ƀuôn sang.

Phung Khua Phat Kđi 10:10

Phung ƀuôn sang Israel ur kơ Yêhôwa, lač, “Hmei ngă soh leh hŏng Ih, kyuadah hmei lui wir Aê Diê hmei leh anăn mă bruă kơ phung yang Baal.”