II Bruă Mtao 12:9 - Klei Aê Diê Blŭ 2015

⁹ Y-Jêhôida khua ngă yang mă sa boh hip leh anăn ƀoh ƀăng ti dlông gơ̆, leh anăn dưm gơ̆ ti djiêô knưl tĭng hnuă tơdah arăng mŭt hlăm sang Yêhôwa; leh anăn phung khua ngă yang kiă kriê ƀăng bhă dưm hlăm anăn jih jang prăk arăng ba kơ sang Yêhôwa.

II Bruă Mtao 12:9 Iomraidhean Croise

Y-Markôs 12:41

Yêsu dôk gŭ phă anăp hip prăk hlăm Sang Kkuh Mpŭ, leh anăn dlăng kơ phung lu myơr prăk hlăm hip anăn. Lu phung mdrŏng myơr lu prăk.

Y-Luk 21:1

Yêsu kngưr dlăng leh anăn ƀuh phung mdrŏng dưm mnơ̆ng digơ̆ myơr hlăm hip prăk Sang Kkuh Mpŭ.

Y-Yêrêmi 35:4

Kâo atăt ba diñu kơ sang Yêhôwa mŭt hlăm adŭ phung anak êkei Y-Hanan anak êkei Y-Igdalia, mnuih Aê Diê, dôk giăm adŭ phung khua ti dlông adŭ Y-Maseya anak êkei Y-Salum, pô kiă kriê ƀăng bhă mŭt.

Klei Mmuñ Hđăp 84:10

Kyuadah sa hruê hlăm wăl sang Ih jing jăk hĭn kơ sa êbâo hruê ti anôk mkăn. Kâo khăp hĭn dôk kiă kriê ƀăng bhă sang Aê Diê kâo hŏng dôk hlăm sang čhiăm klei măk ƀai.

I Klei Yăl Dliê 15:24

Y-Sêbania, Y-Jôsaphat, Y-Nêthanel, Y-Amasai, Y-Sakari, Y-Bênaya, leh anăn Y-Êliêser phung khua ngă yang srăng ayŭ ki ti anăp hip Aê Diê. Y-Ôbet-Êđôm leh anăn Y-Jêhia msĕ mơh jing phung kiă ƀăng jang kơ hip.

Y-Yêrêmi 52:24

Khua kahan kiă mtao mă Y-Sêraya khua ngă yang prŏng, Y-Sôphôni kơiăng khua ngă yang, leh anăn tlâo čô kiă kmhia anôk mŭt sang yang;

I Klei Yăl Dliê 15:18

leh anăn mbĭt hŏng diñu phung ayŏng adei diñu hlăm êpul tal dua, Y-Sakari, Y-Jasiêl, Y-Sêmiramôt, Y-Jêhiêl, Y-Uni, Y-Êliap, Y-Bênaya, Y-Maseya, Y-Matitia, Y-Êliphêlêhu, leh anăn Y-Mikneya, leh anăn phung kiă ƀăng jang Y-Ôbet-Êđôm leh anăn Y-Jêiêl.

II Bruă Mtao 25:18

Khua kahan phung gak mă Y-Sêraya knơ̆ng khua ngă yang leh anăn Y-Sêphania khua ngă yang tal dua, leh anăn tlâo čô kiă kriê ƀăng bhă;

II Bruă Mtao 23:4

Mtao mtă kơ Y-Hilkia khua ngă yang prŏng leh anăn kơ phung khua ngă yang tal dua, leh anăn kơ phung kiă kriê ƀăng bhă mă ba mơ̆ng sang yang Yêhôwa jih jang čhiên mngan arăng ngă leh kơ yang Baal, kơ yang Asêra, leh anăn kơ jih jang phung hlăm adiê. Ñu čuh hĕ dŏ anăn ti êngao ƀuôn Yêrusalem hlăm hma Sêdrôn, leh anăn mă ba hbâo dŏ anăn kơ ƀuôn Bêthel.

II Bruă Mtao 22:4

“Đĭ nao bĕ kơ Y-Hilkia khua ngă yang prŏng, čiăng kơ ñu tĭng prăk arăng djă ba leh kơ sang Yêhôwa, prăk phung kiă kriê ƀăng bhă mkuôm pioh leh mơ̆ng phung ƀuôn sang;

II Bruă Mtao 12:8

Snăn phung khua ngă yang tŭ kơ diñu amâo lŏ mă ôh prăk mơ̆ng phung ƀuôn sang, leh anăn kơ diñu amâo srăng mkra sang ôh.