II Bruă Mtao 11:9 - Klei Aê Diê Blŭ 2015

⁹ Phung khua kahan ngă tui si jih klei Y-Jêhôida khua ngă yang mtă leh. Grăp čô khua kahan atăt ba phung kahan ñu, phung dơ̆ng mdei hruê sabat, mbĭt hŏng phung dơ̆ng mă bruă hruê sabat, leh anăn diñu hriê kơ Y-Jêhôida khua ngă yang.

II Bruă Mtao 11:9 Iomraidhean Croise

II Y-Samuel 8:18

Y-Bênaya anak êkei Y-Jêhôida jing khua kơ phung Čhêrithit leh anăn phung Pêlithit; leh anăn phung anak êkei Y-Đawit jing phung khua ngă yang.

II Bruă Mtao 11:4

Ƀiădah hlăm thŭn tal kjuh Y-Jêhôida tiŏ nao arăng atăt ba phung khua kahan kơ phung Karit leh anăn phung kahan gak, leh anăn brei digơ̆ hriê kơ ñu hlăm sang Yêhôwa. Ñu ngă klei bi mguôp hŏng digơ̆ leh anăn brei digơ̆ kat asei hlăm sang Yêhôwa. Leh anăn ñu bi êdah kơ digơ̆ anak êkei mtao.

I Klei Yăl Dliê 26:26

Y-Sêlômôt anăn leh anăn phung ayŏng adei ñu kiă jih ngăn drăp mnơ̆ng arăng myơr, Mtao Đawit, phung khua kơ sang ama, phung khua kơ sa êbâo čô leh anăn phung khua kơ sa êtuh čô, leh anăn phung khua kơ phung kahan myơr leh.

II Klei Yăl Dliê 23:8

Phung Lêwi leh anăn jih jang phung Yuđa ngă tui si jih klei Y-Jêhôida khua ngă yang mtă leh. Grăp čô diñu atăt phung ñu bi leh bruă ti hruê sabat mbĭt hŏng phung dơ̆ng mă bruă ti hruê sabat; kyuadah khua ngă yang Y-Jêhôida amâo brei phung êpul wĭt mdei ôh.