II Bruă Mtao 11:4 - Klei Aê Diê Blŭ 2015

⁴ Ƀiădah hlăm thŭn tal kjuh Y-Jêhôida tiŏ nao arăng atăt ba phung khua kahan kơ phung Karit leh anăn phung kahan gak, leh anăn brei digơ̆ hriê kơ ñu hlăm sang Yêhôwa. Ñu ngă klei bi mguôp hŏng digơ̆ leh anăn brei digơ̆ kat asei hlăm sang Yêhôwa. Leh anăn ñu bi êdah kơ digơ̆ anak êkei mtao.

II Bruă Mtao 11:4 Iomraidhean Croise

Klei Mphŭn Dơ̆ng 50:25

Y-Yôsep brei phung anak Israel kat asei, lač, “Aê Diê srăng čhưn hŏng diih, leh anăn brei diih mdiăng ba klang kâo mơ̆ng anei.”

II Y-Samuel 20:23

Y-Jôap jing khua kơ jih phung kahan Israel; leh anăn Y-Bênaya anak êkei Y-Jêhôida jing khua kơ phung Čhêrêthit leh anăn phung Pêlêthit;

II Y-Samuel 8:18

Y-Bênaya anak êkei Y-Jêhôida jing khua kơ phung Čhêrithit leh anăn phung Pêlithit; leh anăn phung anak êkei Y-Đawit jing phung khua ngă yang.

I Bruă Mtao 14:27

Mtao Rôbôam ngă khil hŏng kông hrô kơ khil anăn, leh anăn jao dŏ anăn kơ khua phung kahan gak, phung kiă kriê ƀăng bhă sang mtao.

I Bruă Mtao 18:10

Tui si Yêhôwa Aê Diê ih dôk hdĭp amâo mâo sa găp djuê mnuih amâodah sa boh ƀuôn ala mtao khua kâo amâo tuôm tiŏ ôh arăng nao duah ih; leh anăn tơdah arăng lač, ‘Ñu amâo tinei ôh,’ ñu brei ƀuôn ala mtao amâodah găp djuê anăn kat asei kơ klei diñu amâo ƀuh ih ôh.

II Bruă Mtao 11:17

Y-Jêhôida ngă klei bi mguôp hdơ̆ng Yêhôwa hŏng mtao leh anăn hŏng phung ƀuôn sang, čiăng kơ diñu srăng jing phung ƀuôn sang Yêhôwa; leh anăn hdơ̆ng mtao hŏng phung ƀuôn sang msĕ mơh.

II Bruă Mtao 11:19

Ñu mă phung khua kahan, phung Karit, phung gak, leh anăn jih jang phung ƀuôn sang hlăm čar; leh anăn diñu atăt ba mtao trŭn mơ̆ng sang Yêhôwa, êbat ti êlan ƀăng jang phung gak nao kơ sang mtao. Ñu dôk gŭ ti jhưng mtao phung mtao.

II Bruă Mtao 11:3

leh anăn gơ̆ dôk mbĭt hŏng ñu êjai năm thŭn, mdăp hlăm sang Yêhôwa êjai H'Athali kiă kriê čar.

II Bruă Mtao 11:9

Phung khua kahan ngă tui si jih klei Y-Jêhôida khua ngă yang mtă leh. Grăp čô khua kahan atăt ba phung kahan ñu, phung dơ̆ng mdei hruê sabat, mbĭt hŏng phung dơ̆ng mă bruă hruê sabat, leh anăn diñu hriê kơ Y-Jêhôida khua ngă yang.

II Bruă Mtao 12:7

Kyuanăn mtao Jôas iêô Y-Jêhôida khua ngă yang leh anăn phung khua ngă yang mkăn leh anăn lač kơ digơ̆, “Si ngă diih amâo mkra sang yang? Snăn ară anei đăm lŏ mă prăk mơ̆ng phung diih thâo kral ôh, ƀiădah jao prăk anăn kơ klei mkra sang.”

II Bruă Mtao 23:3

Mtao dôk dơ̆ng ti kmeh leh anăn ngă sa klei bi mguôp ti anăp Yêhôwa, čiăng êbat tui hlue Yêhôwa leh anăn djă pioh klei Gơ̆ mtă, klei Gơ̆ hưn, leh anăn klei bhiăn Gơ̆ hŏng jih ai tiê leh anăn hŏng jih mngăt ñu, čiăng ngă tui si klei blŭ kơ klei bi mguôp anei čih leh hlăm hdruôm hră anei. Leh anăn jih jang phung ƀuôn sang jing sa ai hlăm klei bi mguôp anăn.

I Klei Yăl Dliê 9:13

êbeh kơ phung găp djuê diñu, khua kơ phung sang ama diñu, sa êbâo kjuh êtuh năm pluh čô phung êkei ktang snăk pioh kơ bruă hlăm sang Aê Diê.

II Klei Yăl Dliê 15:12

Diñu ngă klei bi mguôp čiăng duah Yêhôwa Aê Diê phung aê diñu hŏng jih ai tiê leh anăn hŏng jih mngăt diñu;

II Klei Yăl Dliê 29:10

Ară anei ai tiê kâo čiăng ngă sa klei bi mguôp hŏng Yêhôwa Aê Diê phung Isrel, čiăng kơ klei Ñu ngêñ hlơr dưi weh đuĕ mơ̆ng drei.

Y-Nêhêmi 10:29

bi mguôp mbĭt hŏng phung ayŏng adei diñu, phung mdrŏng diñu, ngă sa klei ƀuăn leh anăn kat asei tơl djiê čiăng êbat hlăm klei bhiăn Aê Diê, Y-Môis dĭng buăl Aê Diê brei leh, čiăng djă pioh leh anăn gưt jih jang klei Yêhôwa Aê Diê drei mtă, leh anăn klei Ñu mtrŭn, leh anăn klei bhiăn Ñu.

Y-Nêhêmi 5:12

Leh anăn diñu lač, “Hmei srăng bi wĭt mnơ̆ng anăn, leh anăn amâo akâo sa mta mnơ̆ng mơ̆ng digơ̆ ôh. Hmei srăng ngă tui si ih lač leh.” Kâo iêô phung khua ngă yang leh anăn brei diñu kat asei srăng ngă tui si diñu ƀuăn leh.

Y-Nêhêmi 9:38

Kyua jih klei anăn hmei ngă sa klei bi mguôp kjăp leh anăn čih gơ̆, leh anăn phung khua, phung Lêwi, leh anăn phung khua ngă yang hmei kđăm hĕ hră anăn.

Bruă Phung Khua Ƀĭng Kna 5:24

Leh hmư̆ klei anăn, khua kahan sang kkuh mpŭ leh anăn phung knơ̆ng khua ngă yang mâo klei rŭng răng kyua phung khua ƀĭng kna anăn, amâo thâo ôh ya srăng jing klei anăn.

Bruă Phung Khua Ƀĭng Kna 5:26

Leh anăn khua kahan nao mbĭt hŏng phung khua leh anăn atăt ba phung khua ƀĭng kna, ƀiădah amâo ngă jhat ôh, kyuadah diñu huĭ kơ phung ƀuôn sang bhĭr boh tâo kơ diñu.

Y-Yôsuê 24:25

Snăn hruê anăn Y-Yôsuê ngă klei bi mguôp hŏng phung ƀuôn sang, leh anăn brei klei bhiăn leh anăn klei mtă kơ diñu ti ƀuôn Sičem.

I Y-Samuel 18:3

Hlăk anăn Y-Jônathan ngă klei bi mguôp hŏng Y-Đawit, kyuadah ñu khăp kơ gơ̆ msĕ si mngăt ñu pô.

I Y-Samuel 23:18

Jih diñu dua ngă klei bi mguôp ti anăp Yêhôwa. Y-Đawit ăt dôk ti Hêres leh anăn Y-Jônathan wĭt ti sang.