II Bruă Mtao 11:2 - Klei Aê Diê Blŭ 2015

² Ƀiădah H'Jôsêba anak mniê mtao Y-Jôram, adei mniê Y-Ahasia, mă Y-Jôas anak êkei Y-Ahasia leh anăn tlĕ mă gơ̆ mơ̆ng phung anak êkei mtao arăng dơ̆ng bi mdjiê, leh anăn ñu dưm gơ̆ leh anăn mniê kiă kriê gơ̆ hlăm sa boh adŭ pĭt, mdăp gơ̆ kơ H'Athali. Kyuanăn arăng amâo bi mdjiê gơ̆ ôh,

II Bruă Mtao 11:2 Iomraidhean Croise

I Bruă Mtao 11:17

Ƀiădah Y-Hadat đuĕ kơ čar Êjip mbĭt hŏng đa đa phung Êđôm jing dĭng buăl ama ñu, Y-Hadat ăt jing sa čô hđeh.

I Bruă Mtao 6:10

Ñu ngă kgăn sô̆ hŏng jih sang, grăp tal mâo êma heh dlông, leh anăn đuôm ti sang hŏng kyâo sêdar.

I Bruă Mtao 6:8

Ƀăng bhă mŭt tal gŭ jing ti djiêô nhuă sang, leh anăn arăng đĭ hŏng êñan kơ tal krah, leh anăn mơ̆ng tal krah truh kơ tal tlâo.

II Bruă Mtao 11:21

Y-Jôas mâo kjuh thŭn tơdah ñu dơ̆ng kiă kriê.

II Bruă Mtao 11:3

leh anăn gơ̆ dôk mbĭt hŏng ñu êjai năm thŭn, mdăp hlăm sang Yêhôwa êjai H'Athali kiă kriê čar.

II Bruă Mtao 12:1

Hlăm thŭn tal kjuh Y-Jêhu, Y-Jôas dơ̆ng kiă kriê, leh anăn ñu kiă kriê pă pluh thŭn hlăm ƀuôn Yêrusalem. Anăn amĭ ñu H'Sibia mơ̆ng ƀuôn Bêr-Sêba.

II Bruă Mtao 8:16

Hlăm thŭn tal êma Y-Jôram anak êkei Y-Ahap mtao Israel, Y-Jôram anak êkei Y-Jôsaphat mtao Yuđa dơ̆ng kiă kriê.

II Bruă Mtao 8:19

Ƀiădah Yêhôwa amâo bi rai phung Yuđa ôh kyua Y-Đawit dĭng buăl Ñu, kyuadah Ñu ƀuăn leh čiăng brei sa boh pui kđen kơ Ñu leh anăn kơ phung anak êkei Ñu hlŏng lar.

I Klei Yăl Dliê 3:11

Y-Jôram, Y-Ahasia, Y-Jôas,

II Klei Yăl Dliê 22:11

Ƀiădah H'Jôsabêat anak mniê mtao mă Y-Jôas anak êkei Y-Ahasia leh anăn tlĕ mđuĕ gơ̆ mơ̆ng krah phung anak êkei mtao arăng dôk bi mdjiê, leh anăn ñu mă gơ̆ wăt mniê pô rông gơ̆ dưm hlăm sa boh adŭ pĭt. Snăn H'Jôsabêat anak mniê mtao Jôram leh anăn mô̆ Y-Jêhôida khua ngă yang, kyuadah ñu jing adei mniê kơ Y-Ahasia, mdăp gơ̆ kơ H'Athali, snăn H'Athali amâo bi mdjiê gơ̆ ôh.

Klei Kbiă 8:3

Êa krông Nil srăng bŏ dlai hŏng ajĭk. Diñu srăng đĭ leh anăn mŭt hlăm sang mtao, hlăm adŭ ih pĭt, hlăm jhưng ih pĭt, hlăm sang phung dĭng buăl ih, hlăm sang phung ƀuôn sang ih, hlăm kpur, leh anăn hlăm thŭng mmai kpŭng ih.

Klei Bi Hriêng 21:30

Amâo mâo klei thâo mĭn amâodah klei thâo săng, kăn mâo klei bi kčĕ rei dưi bi kdơ̆ng hŏng Yêhôwa.

Y-Êsai 37:35

Kyuadah Kâo srăng mgang ƀuôn prŏng anei čiăng bi mtlaih gơ̆ kyua Kâo pô leh anăn kyua dĭng buăl Kâo Y-Đawit.”

Y-Yêrêmi 33:17

Kyuadah snei Yêhôwa lač: ‘Y-Đawit amâo srăng kƀah ôh sa čô dôk gŭ ti jhưng mtao sang Israel,

Y-Yêrêmi 33:21

snăn mơh arăng dưi gao klei Kâo bi mguôp hŏng Y-Đawit dĭng buăl Kâo tơl ñu amâo srăng mâo ôh sa čô anak êkei jing mtao kiă kriê ti jhưng mtao ñu, leh anăn dưi gao klei Kâo bi mguôp hŏng phung khua ngă yang Lêwi, phung mă bruă kơ Kâo.

Y-Yêrêmi 33:26

snăn Kâo srăng hngah kơ phung anak čô Y-Yakôp leh anăn dĭng buăl Kâo Y-Đawit, leh anăn Kâo amâo srăng ruah ôh sa čô anak čô ñu brei kiă kriê phung anak čô Y-Abraham, Y-Isăk, leh anăn Y-Yakôp. Kyuadah Kâo srăng lŏ brei klei jăk jĭn kơ diñu, leh anăn srăng pap kơ diñu.’ ”

Y-Yêrêmi 35:2

“Nao bĕ kơ sang phung Rêkap, blŭ kơ diñu leh anăn atăt ba diñu kơ sang Yêhôwa kơ sa boh adŭ; leh anăn mdơ̆ng bĕ kpiê brei diñu mnăm.”

Y-Yêrêmi 36:26

Mtao mtă kơ Y-Jêrahmêel anak êkei mtao leh anăn Y-Sêraya anak êkei Y-Asriel, leh anăn Y-Sêlêmia anak êkei Y-Apdel mă čăp khua čih hră Y-Baruk leh anăn khua pô hưn êlâo Y-Yêrêmi, ƀiădah Yêhôwa mdăp digơ̆ leh.

Y-Êsêkiêl 40:45

Ñu lač kơ kâo, “Adŭ mâo ƀô̆ phă dhŭng pioh kơ phung khua ngă yang kiă sang yang.

Phung Khua Phat Kđi 9:5

Ñu nao kơ sang ama ñu ti ƀuôn Ôphra, leh anăn bi mdjiê phung ayŏng adei ñu, phung anak êkei Y-Jêrubaal, kjuh pluh čô ti dlông sa klŏ boh tâo. Knŏng Y-Jôtham anak êkei Y-Jêrubaal mda hĭn adôk, kyuadah ñu đuĕ dăp leh.