II Bruă Mtao 11:16 - Klei Aê Diê Blŭ 2015

¹⁶ Snăn digơ̆ mă ñu, leh anăn ñu êbat ti êlan aseh mŭt kơ sang mtao, leh anăn tinăn yơh arăng bi mdjiê hĕ ñu.

II Bruă Mtao 11:16 Iomraidhean Croise

Klei Mphŭn Dơ̆ng 9:6

Hlei pô tuh êrah mnuih, mnuih mơh srăng tuh êrah pô anăn; kyuadah Aê Diê mjing mnuih tui si rup Ñu pô.

II Bruă Mtao 11:15

Leh anăn Y-Jêhôida khua ngă yang mtă kơ phung khua kahan, “Atăt ba ñu ti tač plah wah phung kahan; leh anăn bi mdjiê hĕ hŏng đao gưm hlei pô tui hlue ñu.” Kyuadah khua ngă yang lač, “Đăm bi mdjiê ñu ôh hlăm sang Yêhôwa.”

II Klei Yăl Dliê 23:15

Snăn diñu yơr kngan djă H'Athali tơdah gơ̆ mŭt Ƀăng Jang Aseh sang mtao, leh anăn diñu bi mdjiê gơ̆ tinăn.

Y-Nêhêmi 3:28

Tĭng kơ dlông Ƀăng Jang Aseh phung khua ngă yang mkra, grăp čô phă hŏng sang ñu pô.

Y-Yêrêmi 31:40

Kluôm jih tlung atâo leh anăn hbâo, wăt jih jang hma kbưi hĭn hlue êa hnoh Kidrôn, truh kơ kiêng Ƀăng Jang Aseh phă ngŏ, srăng jing anôk pioh brei kơ Yêhôwa. Hlŏng lar arăng amâo srăng lŏ buč ñu ôh kăn srăng lŏ mdlưh ñu rei.”

Bruă Lêwi 24:17

Hlei pô bi mdjiê sa čô mnuih, brei arăng bi mdjiê ñu.

Y-Mathiơ 7:2

Kyuadah tui si diih phat kđi arăng, arăng srăng phat kđi diih msĕ mơh; leh anăn hnơ̆ng diih mkă kơ arăng, arăng srăng mkă kơ diih msĕ mơh.

Y-Yakơ 2:13

Kyuadah klei phat kđi amâo srăng pap ôh kơ pô amâo tuôm pap kơ arăng. Ƀiădah klei pap brei dưi hŏng klei phat kđi.

Phung Khua Phat Kđi 1:7

Y-Adôni-Bêsek lač, “Kjuh pluh čô mtao kâo khăt leh kđiêng ana kngan leh anăn kđiêng ana jơ̆ng duñ djah mnơ̆ng ƀơ̆ng huă ti gŭ jhưng huă kâo. Msĕ si klei kâo ngă leh, snăn mơh Aê Diê lŏ bi wĭt kơ kâo.” Arăng ba ñu ti ƀuôn Yêrusalem, leh anăn ñu djiê ti anăn.