II Bruă Mtao 11:11 - Klei Aê Diê Blŭ 2015

¹¹ Phung gak dôk dơ̆ng, grăp čô djă mnơ̆ng ñu bi blah, mơ̆ng tĭng dhŭng sang truh kơ tĭng dưr sang, jŭm dar knưl leh anăn sang.

II Bruă Mtao 11:11 Iomraidhean Croise

II Bruă Mtao 11:10

Khua ngă yang brei kơ phung khua kahan kju leh anăn khil jing leh dŏ Mtao Đawit, dŏ anăn dôk hlăm sang Yêhôwa.

II Bruă Mtao 11:12

Ñu atăt ba anak êkei mtao, leh anăn mđua đuôn mtao ti boh kŏ gơ̆, leh anăn brei klei hưn kơ gơ̆; leh anăn diñu hưn klei gơ̆ jing mtao leh anăn trôč êa ƀâo mngưi kơ gơ̆. Diñu pah kngan leh anăn lač, “Mtao lă lar!”

II Bruă Mtao 11:8

srăng wang mtao, grăp čô djă mnơ̆ng bi blah. Hlei pô hriê giăm hŏng phung kahan brei diih bi mdjiê hĕ. Dôk mbĭt hŏng mtao tơdah ñu kbiă leh anăn tơdah ñu mŭt.”

II Klei Yăl Dliê 6:12

Leh anăn Y-Salômôn dôk dơ̆ng ti anăp knưl Yêhôwa ti anăp jih jang phung Israel bi kƀĭn, leh anăn ñu yơr kngan.

Klei Kbiă 40:6

Brei ih dưm knưl mnơ̆ng myơr čuh ti anăp ƀăng bhă mŭt sang čhiăm klei bi kƀĭn.

Y-Êsêkiêl 8:16

Ñu atăt kâo mŭt hlăm wăl ti lam sang Yêhôwa; leh anăn nĕ anei ti ƀăng bhă sang yang Yêhôwa, ti plah wah adring leh anăn knưl mâo hlăm brô dua pluh êma čô êkei, rŏng diñu kkui phă sang Yêhôwa, leh anăn ƀô̆ mta diñu wir phă ngŏ, dôk kkuh mpŭ kơ yang hruê phă ngŏ.

Y-Yôel 2:17

Brei phung khua ngă yang, phung mă bruă kơ Yêhôwa, čŏk hia plah wah adring hŏng knưl, leh anăn brei diñu lač, “Ơ Yêhôwa, hơưi bĕ kơ phung ƀuôn sang Ih, đăm brei ngăn dưn Ih jing mnơ̆ng hêñ ôh, mnơ̆ng phung găp djuê mnuih djă djik djak. Ya yuôm diñu srăng lač ti krah phung ƀuôn sang, ‘Ti Aê Diê diñu lĕ?’ ”

Y-Mathiơ 23:35

Snăn jih jang êrah phung kpă arăng tuh leh ti lăn ala srăng lĕ kơ diih, dơ̆ng mơ̆ng êrah Y-Aƀel pô ênuah truh kơ êrah Y-Sakari anak êkei Y-Baraki, pô diih bi mdjiê ti plah wah adŭ doh jăk leh anăn knưl ngă yang.

Y-Luk 11:51

dơ̆ng mơ̆ng êrah Y-Aƀel truh ti êrah Y-Sakari, pô arăng bi mdjiê leh plah wah knưl ngă yang leh anăn adŭ doh jăk. Sĭt nik Kâo lač kơ diih, arăng srăng bi lĕ êrah anăn kơ phung ênuk anei.