II Bruă Mtao 10:7 - Klei Aê Diê Blŭ 2015

⁷ Tơdah hră anăn truh kơ diñu, diñu mă phung anak êkei mtao leh anăn bi mdjiê digơ̆, kjuh pluh čô, dưm boh kŏ digơ̆ hlăm bai, leh anăn mơĭt boh kŏ anăn kơ Y-Jêhu ti ƀuôn Jesrêel.

II Bruă Mtao 10:7 Iomraidhean Croise

I Bruă Mtao 21:19

Brei ih lač kơ ñu, ‘Snei Yêhôwa lač, “Djŏ mơ̆ ih jing pô mdjiê mnuih leh anăn pô plah mă dŏ arăng?” ’ Leh anăn brei ih lŏ lač kơ ñu, ‘Snei Yêhôwa lač: “Ti anôk asâo hlia leh êrah Y-Nabôt, asâo srăng hlia êrah ih mơh.” ’ ”

I Bruă Mtao 21:21

‘Nĕ anei, Kâo srăng bi truh klei jhat kơ ih. Kâo srăng bi luč hĕ ih, leh anăn bi rai hĕ mơ̆ng sang Y-Ahap jih jang phung êkei, hlŭn amâodah êngiê, hlăm čar Israel;

II Bruă Mtao 10:6

Ñu lŏ čih hră tal dua kơ digơ̆, lač, “Tơdah diih dôk tĭng kơ kâo, leh anăn tơdah diih kăp gưt kâo, brei diih khăt mă boh kŏ phung anak êkei khua diih, leh anăn hriê kơ kâo mgi ti ƀuôn Jesrêel hlăm mông anei.” Phung anak êkei mtao, kjuh pluh čô, dôk mbĭt hŏng phung mnuih hing ang hlăm ƀuôn, phung rông ba diñu.

II Bruă Mtao 10:8

Tơdah pô hưn truh leh anăn hưn kơ ñu, “Arăng djă ba leh boh kŏ phung anak êkei mtao,” ñu lač, “Brei diih mkăm boh kŏ anăn dua bĭt ti anôk mŭt ƀăng jang tơl aguah.”

II Bruă Mtao 10:9

Truh aguah ñu kbiă leh anăn dôk dơ̆ng, leh anăn lač kơ jih jang phung ƀuôn sang, “Diih jing ênuah. Kâo yơh pô bi trông čhai leh čiăng ngă kơ khua kâo, leh anăn bi mdjiê hĕ gơ̆; ƀiădah hlei bi mdjiê jih jang phung anei lĕ?

II Bruă Mtao 11:1

Tơdah H'Athali amĭ Y-Ahasia ƀuh anak êkei ñu djiê leh, ñu kgŭ leh anăn bi rai hĕ jih jang găp djuê mtao.

II Klei Yăl Dliê 21:4

Tơdah Y-Jôram đĭ leh kơ jhưng mtao ama ñu leh anăn jing kjăp, ñu bi mdjiê jih phung adei ñu hŏng đao gưm leh anăn wăt đa đa phung khua Israel.