II Bruă Mtao 10:16 - Klei Aê Diê Blŭ 2015

¹⁶ Y-Jêhu lač, “Hriê bĕ mbĭt hŏng kâo leh anăn dlăng klei kâo hur har kơ Yêhôwa.” Snăn ñu brei gơ̆ đĭ hlăm êdeh aseh ñu.

II Bruă Mtao 10:16 Iomraidhean Croise

I Bruă Mtao 19:10

Ñu lač, “Kâo mâo leh klei hur har snăk kyua Yêhôwa Aê Diê kơ phung kahan; kyuadah phung ƀuôn sang Israel lui leh klei Ih bi mguôp, bi klưh leh knưl Ih, leh anăn bi mdjiê leh phung khua pô hưn êlâo Ih hŏng đao gưm; leh anăn kâo, knŏng hjăn kâo, ăt dôk, leh anăn diñu duah bi luč klei hdĭp kâo.”

I Bruă Mtao 19:14

Gơ̆ lač, “Kâo mâo leh klei hur har snăk kyua Yêhôwa Aê Diê kơ phung kahan; kyuadah phung ƀuôn sang Israel lui leh klei Ih bi mguôp, bi klưh leh knưl Ih, leh anăn bi mdjiê leh phung khua pô hưn êlâo Ih hŏng đao gưm, leh anăn kâo, knŏng hjăn kâo ăt dôk, leh anăn diñu duah čiăng bi luč klei hdĭp kâo.”

I Bruă Mtao 19:17

Hlei pô tlaih mơ̆ng đao gưm Y-Hasael, Y-Jêhu srăng bi mdjiê ñu; leh anăn hlei pô tlaih mơ̆ng đao gưm Y-Jêhu, Y-Êlisê srăng bi mdjiê ñu.

II Bruă Mtao 10:17

Tơdah ñu truh ti ƀuôn Samari, ñu bi mdjiê jih jang phung ăt dôk kơ Y-Ahap hlăm ƀuôn Samari, tơl ñu bi luč hĕ digơ̆ jih, tui si klei Yêhôwa blŭ leh kơ Y-Êli.

II Bruă Mtao 10:31

Ƀiădah Y-Jêhu amâo răng ôh čiăng êbat hlăm klei bhiăn Yêhôwa Aê Diê Israel hŏng jih ai tiê ñu. Ñu amâo wir đuĕ ôh mơ̆ng klei soh Y-Jêrôbôam, klei anăn gơ̆ bi msoh leh phung Israel.

Klei Bi Hriêng 27:2

Brei pô mkăn bi mni kơ ih, leh anăn amâo djŏ ƀăng êgei ih pô ôh, sa čô tue, amâo djŏ êlah ih pô ôh.

Y-Êsêkiêl 33:31

Diñu hriê kơ ih msĕ si phung ƀuôn sang mưng hriê, diñu dôk gŭ ti anăp ih, leh anăn diñu hmư̆ klei ih lač, ƀiădah diñu amâo gưt klei anăn ôh; kyuadah hŏng êlah diñu bi êdah lu klei khăp, ƀiădah ai tiê diñu khăp kơ klei tŭ dưn pô!

Klei Yap 23:4

Aê Diê bi tuôm hŏng Y-Balaam, leh anăn Y-Balaam lač kơ ñu, “Kâo mdơ̆ng leh kjuh boh knưl leh anăn kâo myơr leh sa drei êmô knô leh anăn sa drei biăp knô ti dlông grăp boh knưl.”

Y-Mathiơ 6:2

Snăn tơdah ih brei mnơ̆ng pap kơ arăng, đăm ayŭ ki ti anăp ih ôh msĕ si phung ai ngăm ngă hlăm sang bi kƀĭn leh anăn ti êlan dơ̆ng, čiăng kơ mnuih mpŭ mni kơ diñu. Sĭt nik Kâo lač kơ diih, phung anăn mâo leh klei mưn kơ diñu.

Y-Mathiơ 6:5

“Tơdah diih wah lač, đăm jing msĕ si phung ai ngăm ôh; kyuadah diñu khăp wah lač dôk dơ̆ng hlăm sang bi kƀĭn leh anăn ti kiêng êlan čiăng kơ mnuih ƀuh. Sĭt nik Kâo lač kơ diih, diñu mâo leh klei mưn kơ diñu.

Hră Y-Pôl Mơĭt kơ Phung Rôm 10:2

Kâo hưn bi sĭt kơ diñu mâo klei hur har kơ Aê Diê, ƀiădah klei hur har anăn amâo djŏ ôh hŏng klei thâo săng.