II Bruă Mtao 10:10 - Klei Aê Diê Blŭ 2015

¹⁰ Snăn brei diih thâo amâo srăng mâo ôh sa klei amâo srăng bi truh tui si klei Yêhôwa blŭ, klei anăn Yêhôwa blŭ leh djŏ kơ sang Y-Ahap; kyuadah Yêhôwa ngă leh klei Ñu blŭ leh hŏng dĭng buăl Ñu Y-Êli.”

II Bruă Mtao 10:10 Iomraidhean Croise

I Bruă Mtao 21:19

Brei ih lač kơ ñu, ‘Snei Yêhôwa lač, “Djŏ mơ̆ ih jing pô mdjiê mnuih leh anăn pô plah mă dŏ arăng?” ’ Leh anăn brei ih lŏ lač kơ ñu, ‘Snei Yêhôwa lač: “Ti anôk asâo hlia leh êrah Y-Nabôt, asâo srăng hlia êrah ih mơh.” ’ ”

I Bruă Mtao 21:29

“Ih ƀuh mơ̆ klei Y-Ahap bi luă gŭ ñu pô leh ti anăp Kâo? Kyuadah ñu bi luă gŭ ñu pô ti anăp Kâo, Kâo amâo srăng brei klei jhat truh hlăm ênuk ñu ôh; ƀiădah hlăm ênuk anak êkei ñu, Kâo srăng bi truh klei jhat kơ sang ñu.”

II Bruă Mtao 10:17

Tơdah ñu truh ti ƀuôn Samari, ñu bi mdjiê jih jang phung ăt dôk kơ Y-Ahap hlăm ƀuôn Samari, tơl ñu bi luč hĕ digơ̆ jih, tui si klei Yêhôwa blŭ leh kơ Y-Êli.

II Bruă Mtao 15:12

(Anei jing klei Yêhôwa ƀuăn leh kơ Y-Jêhu, “Phung anak čô ih srăng dôk gŭ ti jhưng mtao Israel truh kơ ênuk tal pă.” Leh anăn klei anăn truh sĭt).

II Bruă Mtao 9:36

Tơdah diñu wĭt hưn kơ Y-Jêhu, gơ̆ lač, “Anei jing klei Yêhôwa blŭ hŏng dĭng buăl Ñu Y-Êli êkei ƀuôn Tisbê, ‘Hlăm lăn ƀuôn Jesrêel asâo srăng ƀơ̆ng kđeh H'Jêsêbel;

H'Êsther 6:10

“Ruăt bĕ, mă ao jhung leh anăn aseh tui si ih lač leh, leh anăn ngă msĕ snăn kơ Y-Môrdêkai êkei Yuđa, pô dôk gŭ ti ƀăng jang mtao. Đăm lui kƀah ôh sa klei ih răk leh anăn.”

Y-Sakari 1:6

Ƀiădah klei Kâo blŭ leh anăn klei bhiăn Kâo mtă leh kơ phung dĭng buăl Kâo phung khua pô hưn êlâo, amâo djŏ hĕ klei anăn truh sĭt leh kơ phung aê diih? Snăn diñu kmhal kơ klei soh leh anăn lač, ‘Tui si Yêhôwa kơ phung kahan čuăn mĭn leh ngă kơ drei kyua êlan drei leh anăn bruă drei ngă, msĕ snăn mơh ñu ngă leh hŏng drei.’ ”

Y-Markôs 13:31

Adiê leh anăn lăn ala srăng êgao tuč, ƀiădah klei Kâo blŭ amâo srăng êgao tuč ôh.”

I Y-Samuel 15:29

Leh anăn msĕ mơh Pô Guh Kơang kơ phung Israel amâo srăng luar amâodah bi mlih klei mĭn ôh; kyuadah Ñu amâo jing sa čô mnuih ôh čiăng kơ Ñu bi mlih klei mĭn.”

I Y-Samuel 3:19

Y-Samuel hriê kơ prŏng; Yêhôwa dôk mbĭt hŏng ñu, leh anăn amâo brei sa mta klei ñu blŭ luč hơăi mang ôh.