II Bruă Mtao 1:16 - Klei Aê Diê Blŭ 2015

¹⁶ leh anăn lač kơ mtao, “Snei Yêhôwa lač, ‘Kyuadah ih tiŏ nao leh phung mnuih êmuh kơ Baal-Sêbup yang ƀuôn Êkron — djŏ mơ̆ kyuadah amâo mâo Aê Diê ôh hlăm čar Israel čiăng êmuh kơ klei ñu blŭ? — kyuanăn ih amâo srăng kgŭ mơ̆ng jhưng pĭt ih đih anăn ôh, ƀiădah sĭt nik ih srăng djiê.’ ”

II Bruă Mtao 1:16 Iomraidhean Croise

I Bruă Mtao 22:28

Leh anăn Y-Mika lač, “Tơdah ih lŏ wĭt hŏng klei êđăp ênang, Yêhôwa amâo tuôm blŭ hŏng kâo ôh.” Leh anăn ñu lač, “Hmư̆ bĕ jih jang diih phung ƀuôn sang!”

II Bruă Mtao 1:6

Diñu lač kơ gơ̆, “Mâo sa čô êkei hriê bi tuôm hŏng hmei leh anăn lač kơ hmei, ‘Wĭt bĕ kơ mtao pô tiŏ nao diih leh anăn lač kơ ñu, Snei Yêhôwa lač, Djŏ mơ̆ kyuadah amâo mâo Aê Diê ôh hlăm phung Israel tơl ih tiŏ nao arăng êmuh kơ Baal-Sêbup yang ƀuôn Êkron? Kyuanăn ih amâo srăng kgŭ ôh mơ̆ng jhưng pĭt ih đih anăn, ƀiădah sĭt nik ih srăng djiê.’ ”

II Bruă Mtao 20:1

Hlăm ênuk anăn Y-Hêsêkia ruă giăm djiê leh. Y-Êsai khua pô hưn êlâo anak êkei Y-Amôt nao kơ ñu leh anăn lač, “Snei Yêhôwa lač, ‘Mkra bruă sang ih, kyuadah ih srăng djiê, ih amâo srăng hlao ôh.’ ”

II Bruă Mtao 5:21

Snăn Y-Gêhasi tiŏ Y-Naaman. Tơdah Y-Naaman ƀuh arăng êran tiŏ ñu, ñu trŭn mơ̆ng êdeh aseh čiăng bi tuôm hŏng pô anăn, leh anăn lač, “Jih jang klei jing jăk mơ̆?”

II Bruă Mtao 8:10

Y-Êlisê lač kơ ñu, “Nao lač bĕ kơ ñu, ‘Sĭt nik ih srăng hlao.’ Ƀiădah Yêhôwa bi êdah leh kơ kâo, Sĭt nik ñu srăng djiê.”

II Bruă Mtao 8:8

mtao lač kơ Y-Hasael, “Mă mbĭt hŏng ih dŏ myơr leh anăn nao bi tuôm hŏng mnuih Aê Diê. Ksiêm êmuh kơ Yêhôwa hŏng ñu êjai lač, ‘Kâo srăng hlao mơ̆ mơ̆ng klei ruă anei?’ ”

Klei Mmuñ Hđăp 132:3

“Kâo amâo srăng mŭt hlăm sang kâo ôh, kăn kâo srăng đĭ ti jhưng pĭt rei.

Klei Bi Hriêng 11:19

Hlei pô dôk kjăp hlăm klei kpă ênô srăng hdĭp, ƀiădah hlei pô duah ngă klei ƀai srăng djiê.

Y-Êsêkiêl 14:4

Snăn blŭ bĕ kơ diñu leh anăn lač, ‘Snei Yêhôwa Aê Diê lač: “Hlei pô hlăm sang Israel pioh rup yang hlăm ai tiê ñu leh anăn dưm klei wê bi têč hnêč ti anăp ƀô̆ mta ñu, leh anăn ăt hriê kơ khua pô hưn êlâo, Kâo pô Yêhôwa srăng lŏ wĭt lač kơ ñu kyuadah rup yang ñu lu êdimi,