Biblia Todo Logo
Bìoball air-loidhne

- Sanasan -




II Bruă Mtao 1:13 - Klei Aê Diê Blŭ 2015

13 Mtao lŏ tiŏ nao sa čô khua tal tlâo kơ êma pluh čô mbĭt hŏng phung êma pluh čô kahan gơ̆. Khua tal tlâo kơ êma pluh čô kahan đĭ nao leh anăn hriê čuôn kơŭt ti anăp Y-Êli leh anăn kwưh kơ ñu, “Ơ mnuih Aê Diê, kâo akâo kơ ih brei klei hdĭp kâo leh anăn klei hdĭp phung êma pluh čô dĭng buăl ih anei jing yuôm ti anăp ală ih.

Faic an caibideil Dèan lethbhreac




II Bruă Mtao 1:13
17 Iomraidhean Croise  

Leh anăn mtao lač kơ mnuih Aê Diê, “Kwưh bĕ kơ klei pap mơ̆ng Yêhôwa Aê Diê ih, leh anăn wah lač brei kơ kâo đa, čiăng kơ kngan kâo hlao.” Mnuih Aê Diê kwưh kơ Yêhôwa, leh anăn kngan mtao hlao, lŏ jing msĕ si êlâo.


Ƀiădah Y-Êli lŏ wĭt lač kơ digơ̆, “Tơdah kâo jing sa čô mnuih Aê Diê, brei pui mơ̆ng adiê trŭn leh anăn čuh ih leh anăn phung êma pluh čô kahan ih.” Snăn pui Aê Diê trŭn mơ̆ng adiê leh anăn čuh gơ̆ leh anăn phung êma pluh čô kahan gơ̆.


Nĕ anei pui trŭn leh mơ̆ng adiê leh anăn čuh leh phung dua čô khua kơ phung êma pluh čô kahan mbĭt hŏng phung êma pluh čô kahan diñu; ƀiădah ară anei brei klei hdĭp kâo jing yuôm ti anăp ală ih.”


Ñu srăng tŭ klei phung knap mñai wah lač, Ñu amâo bi êmut kơ klei digơ̆ wah lač ôh.


Ñu srăng bi tui mngăt digơ̆ mơ̆ng klei ktư̆ juă leh anăn klei măk ƀai; leh anăn ñu yap êrah digơ̆ jing yuôm.


Jih jang phung dĭng buăl ih anei srăng hriê kơ kâo, leh anăn buôn kkuh ti anăp kâo, lač, ‘Đuĕ nao bĕ, ih leh anăn jih jang phung ƀuôn sang tui hlue ih!’ Leh klei anăn kâo srăng đuĕ nao.” Y-Môis kbiă mơ̆ng Pharaôn hŏng klei ăl snăk.


Tơdah ih yua hlâo leh anăn tlê mnuih mluk hlăm êsŭng, bi lŭk hŏng braih, klei mluk ñu amâo srăng kbiă đuĕ mơ̆ng ñu ôh.


Anei jing sa klei jhat hlăm jih jang klei arăng ngă ti gŭ yang hruê: sa klei knhal tuč truh kơ jih jang; msĕ mơh ai tiê phung mnuih bŏ hŏng klei jhat, leh anăn klei mluk dôk hlăm ai tiê diñu êjai diñu dôk hdĭp, leh klei anăn diñu nao kơ anôk phung djiê.


Si ngă ăt diih čiăng arăng čăm diih? Si ngă ăt diih bi kdơ̆ng nanao? Ruă kluôm boh kŏ, leh anăn jih ai tiê jing êdu êmăn leh.


Phung anak êkei phung ktư̆ juă ih srăng hriê lua kkuh kơ ih; leh anăn jih jang phung bi êmut kơ ih srăng buôn ti anăp jơ̆ng ih. Diñu srăng pia ih Ƀuôn Yêhôwa, Ƀuôn Siôn kơ Pô Doh Jăk Israel.


Kyuadah kngan Kâo ngă leh jih jang mnơ̆ng anăn sơăi, snăn jih jang mnơ̆ng anăn jing leh,” Yêhôwa lač. “Ƀiădah kơ mnuih msĕ snei Kâo srăng dlăng: pô luă gŭ leh anăn ênguôt kơ klei soh, leh anăn ktư̆ yơ̆ng kơ klei Kâo blŭ.


“Ơ Yêhôwa, amâo djŏ hĕ ală ih duah klei sĭt nik? Ih čăm leh diñu, ƀiădah diñu amâo mâo klei ruă ôh; ih bi rai leh diñu, ƀiădah diñu hngah kơ klei mkra. Diñu bi khăng ƀô̆ mta diñu khăng hĭn kơ boh tâo, diñu hngah amâo čiăng kmhal kơ klei soh ôh.”


Snăn đup gưt bĕ kơ Aê Diê. Bi kdơ̆ng bĕ hŏng yang jhat, leh anăn ñu srăng đuĕ kbưi mơ̆ng diih.


Nĕ anei Kâo srăng brei phung kkuh mpŭ kơ Satan, phung lač diñu jing phung Yuđa ƀiădah amâo jing ôh, diñu luar yơh — nĕ anei Kâo srăng brei diñu hriê buôn kkuh ti jơ̆ng ih leh anăn thâo Kâo khăp kơ ih leh.


Leh anăn Y-Sôl lač, “Kâo ngă soh leh; lŏ wĭt bĕ Ơ anak êkei kâo Y-Đawit. Kâo amâo srăng lŏ ngă jhat kơ ih ôh, kyuadah klei hdĭp kâo jing yuôm ti anăp ală ih hruê anei. Nĕ anei kâo ngă leh klei mluk, leh anăn kâo ngă soh prŏng snăk.”


Lean sinn:

Sanasan


Sanasan