II Bruă Mtao 1:11 - Klei Aê Diê Blŭ 2015

¹¹ Mtao lŏ tiŏ nao kơ Y-Êli sa čô mkăn khua kơ êma pluh čô mbĭt hŏng phung êma pluh čô kahan gơ̆. Gơ̆ đĭ nao leh anăn lač kơ Y-Êli, “Ơ mnuih Aê Diê, snei klei mtao mtă, ‘Trŭn bĕ bi djăl!’ ”

II Bruă Mtao 1:11 Iomraidhean Croise

II Bruă Mtao 1:10

Ƀiădah Y-Êli lŏ wĭt lač kơ khua kơ êma pluh čô anăn, “Tơdah kâo jing sa čô mnuih Aê Diê, brei pui trŭn mơ̆ng adiê leh anăn čuh ih leh anăn phung êma pluh čô kahan ih.” Snăn pui trŭn mơ̆ng adiê leh anăn čuh ñu leh anăn phung êma pluh čô kahan ñu.

II Bruă Mtao 1:12

Ƀiădah Y-Êli lŏ wĭt lač kơ digơ̆, “Tơdah kâo jing sa čô mnuih Aê Diê, brei pui mơ̆ng adiê trŭn leh anăn čuh ih leh anăn phung êma pluh čô kahan ih.” Snăn pui Aê Diê trŭn mơ̆ng adiê leh anăn čuh gơ̆ leh anăn phung êma pluh čô kahan gơ̆.

Klei Bi Hriêng 29:12

Tơdah khua kiă kriê mđing knga kơ klei blŭ luar, jih jang phung dĭng buăl ñu srăng jing ƀai.

Y-Êsai 26:11

Ơ Yêhôwa, kngan Ih yơr leh ti dlông, ƀiădah diñu amâo ƀuh ôh. Brei diñu ƀuh klei Ih hur har kơ phung ƀuôn sang Ih, leh anăn brei diñu hêñ. Brei pui pioh leh kơ phung roh Ih ƀơ̆ng hĕ diñu.

Y-Êsai 32:7

Êlan phung mplư jing jhat; diñu trông čhai ngă ƀai čiăng bi rai phung ƀun ƀin hŏng klei blŭ luar, wăt tơdah phung kƀah mnơ̆ng akâo jing djŏ.

Y-Yêrêmi 5:3

“Ơ Yêhôwa, amâo djŏ hĕ ală ih duah klei sĭt nik? Ih čăm leh diñu, ƀiădah diñu amâo mâo klei ruă ôh; ih bi rai leh diñu, ƀiădah diñu hngah kơ klei mkra. Diñu bi khăng ƀô̆ mta diñu khăng hĭn kơ boh tâo, diñu hngah amâo čiăng kmhal kơ klei soh ôh.”

Klei Yap 16:41

Ƀiădah tơl si mgi jih jang phung ƀuôn sang Israel bi kƀĭn blŭ dŭñ dŭñ bi kdơ̆ng hŏng Y-Môis leh anăn Y-Arôn, lač, “Diih bi mdjiê leh phung ƀuôn sang Yêhôwa.”

Y-Mathiơ 2:16

Tơdah mtao Hêrôt thâo kơ phung knhâo ngă mnêč hŏng ñu leh, ñu ngêñ snăk, leh anăn ñu tiŏ nao arăng brei bi mdjiê hĕ jih jang phung anak êkei hlăm ƀuôn Betlêhem leh anăn tar ƀar krĭng anăn mơ̆ng phung mâo dua thŭn kơ gŭ, tui si ñu tĭng mơ̆ng thŭn phung knhâo hưn kơ ñu leh.

I Y-Samuel 6:9

Kăp dlăng bĕ, tơdah gơ̆ đĭ nao ti êlan čar gơ̆ pô ti ƀuôn Bet-Sêmes, snăn jing Yêhôwa yơh ngă leh klei jhat prŏng anei kơ drei, ƀiădah tơdah amâo djŏ snăn ôh, snăn drei srăng thâo amâo djŏ kngan Ñu ôh čăm leh drei, knŏng tui si klei truh yơh.”