II Bruă Mtao 1:10 - Klei Aê Diê Blŭ 2015

¹⁰ Ƀiădah Y-Êli lŏ wĭt lač kơ khua kơ êma pluh čô anăn, “Tơdah kâo jing sa čô mnuih Aê Diê, brei pui trŭn mơ̆ng adiê leh anăn čuh ih leh anăn phung êma pluh čô kahan ih.” Snăn pui trŭn mơ̆ng adiê leh anăn čuh ñu leh anăn phung êma pluh čô kahan ñu.

II Bruă Mtao 1:10 Iomraidhean Croise

I Bruă Mtao 22:28

Leh anăn Y-Mika lač, “Tơdah ih lŏ wĭt hŏng klei êđăp ênang, Yêhôwa amâo tuôm blŭ hŏng kâo ôh.” Leh anăn ñu lač, “Hmư̆ bĕ jih jang diih phung ƀuôn sang!”

II Bruă Mtao 1:11

Mtao lŏ tiŏ nao kơ Y-Êli sa čô mkăn khua kơ êma pluh čô mbĭt hŏng phung êma pluh čô kahan gơ̆. Gơ̆ đĭ nao leh anăn lač kơ Y-Êli, “Ơ mnuih Aê Diê, snei klei mtao mtă, ‘Trŭn bĕ bi djăl!’ ”

II Klei Yăl Dliê 36:16

ƀiădah diñu mưč nanao kơ phung mnuih Aê Diê tiŏ nao, bi êmut kơ klei Gơ̆ blŭ, djă djik djak kơ phung khua pô hưn êlâo Gơ̆, tơl klei Yêhôwa ngêñ đĭ lar kơ phung ƀuôn sang Gơ̆, tơl amâo dưi lŏ bi hlao ôh.

Y-Yôp 1:16

Êjai ñu ăt dôk blŭ, mâo sa čô mkăn truh leh anăn lač, “Pui Aê Diê mơ̆ng adiê čuh biăp leh anăn phung dĭng buăl leh anăn ƀơ̆ng jih digơ̆, leh anăn knŏng hjăn kâo yơh tlaih čiăng hriê hưn kơ ih.”

Klei Mmuñ Hđăp 105:15

lač, “Đăm ruêh ôh phung Kâo trôč êa ƀâo mngưi, đăm ngă jhat ôh kơ phung khua pô hưn êlâo Kâo.”

Klei Mmuñ Hđăp 106:18

Pui trŭn ngă kơ phung hlue diñu; êlah pui ƀơ̆ng hĕ phung ƀai.

Y-Đaniel 3:22

Kyua klei mtao mtă jêč snăk leh anăn kpur pui hlơr êdi, êlah pui bi mdjiê phung mnuih hwiê Y-Sadrak, Y-Mêsăk, leh anăn Y-Abetnêgô.

Y-Đaniel 3:25

Mtao lŏ wĭt lač, “Dlăng bĕ, kâo ƀuh pă čô mnuih tlaih leh, êbat ti krah pui, amâo mâo êka ôh; leh anăn ƀô̆ mta pô tal pă anăn jing msĕ si sa čô anak êkei phung yang.”

Y-Đaniel 6:24

Mtao mtă leh anăn arăng mă ba phung kčŭt kơ Y-Đaniel hwiê diñu hlăm war êmông gu mbĭt hŏng mô̆ anak diñu. Êlâo kơ diñu truh ti tur war, êmông gu mă hiêk leh anăn bi joh jih klang diñu.

Bruă Lêwi 10:2

Pui kbiă hriê mơ̆ng anăp Yêhôwa leh anăn čuh dua čô anăn, leh anăn diñu djiê ti anăp Yêhôwa.

Klei Yap 11:1

Phung ƀuôn sang blŭ dŭñ dŭñ kơ knga Yêhôwa kyua klei dleh diñu. Tơdah Yêhôwa hmư̆ klei anăn, Ñu čuh ai ngêñ, leh anăn pui Yêhôwa čuh ti krah diñu, leh anăn ƀơ̆ng ti knhal wăl.

Klei Yap 16:35

Leh anăn pui kbiă mơ̆ng Yêhôwa čuh phung dua êtuh êma pluh čô êkei myơr mnơ̆ng ƀâo mngưi.

Y-Mathiơ 21:41

Phung knơ̆ng khua ngă yang leh anăn phung Pharisi lŏ wĭt lač kơ Yêsu, “Ñu srăng bi rai phung ƀai anăn hŏng klei djiê knap mñai, leh anăn brei phung mkăn mưn đang boh kriăk ƀâo ñu, phung srăng brei boh kơ ñu djŏ yan.”

Y-Luk 9:54

Tơdah phung ƀĭng kna Ñu Y-Yakơ leh anăn Y-Yôhan ƀuh klei anăn, digơ̆ lač, “Ơ Khua Yang, Ih čiăng mơ̆ hmei mtă kơ pui trŭn mơ̆ng adiê leh anăn čuh hĕ diñu?”

Bruă Phung Khua Ƀĭng Kna 12:19

Tơdah mtao Hêrôt duah ƀiădah amâo dưi ƀuh Y-Pêtrôs ôh, ñu ksiêm êmuh phung kahan kiă, leh anăn mtă brei arăng bi mdjiê digơ̆. Leh anăn mtao Hêrôt trŭn mơ̆ng čar Yuđa nao kơ ƀuôn Sêsarê leh anăn dôk tinăn.

Hêbrơ 12:29

Kyuadah Aê Diê drei jing pui dôk trơ̆ng.

Klei Bi Êdah 11:5

Hlei pô čiăng ngă jhat kơ diñu, pui kbiă mơ̆ng ƀăng êgei diñu leh anăn čuh phung roh diñu; hlei pô ngă jhat kơ diñu srăng tŭ klei djiê msĕ snăn yơh.