H'Rut 4:2 - Klei Aê Diê Blŭ 2015

² Y-Bôas ruah pluh čô khua mduôn hlăm ƀuôn leh anăn lač, “Dôk gŭ tinei bĕ.” Snăn digơ̆ dôk gŭ.

H'Rut 4:2 Iomraidhean Croise

I Bruă Mtao 21:8

Snăn ñu čih hră hŏng anăn Y-Ahap leh anăn kđăm hră anăn hŏng mnơ̆ng gơ̆ kđăm, leh anăn ñu mơĭt hră anăn kơ phung khua mduôn leh anăn kơ phung arăng mpŭ, phung dôk mbĭt hlăm ƀuôn Y-Nabôt.

Klei Kbiă 21:8

Tơdah gơ̆ amâo bi mơak kơ khua gơ̆, pô čuăn leh gơ̆ kơ mô̆, ñu dưi brei arăng bi tui gơ̆; ƀiădah ñu amâo dưi čhĭ gơ̆ kơ phung tue ôh, kyuadah ñu amâo dôk sĭt suôr hŏng gơ̆ ôh.

Klei Bi Hriêng 31:23

Arăng thâo kral ung ñu ti ƀăng jang ƀuôn, tơdah gơ̆ dôk gŭ mbĭt hŏng phung khua mduôn hlăm čar.

Klei Čŏk Hia 5:14

Phung êkei mduôn đuĕ amâo lŏ nao kơ ƀăng jang ƀuôn ôh, phung êkei êdam amâo lŏ mmuñ ôh.

Bruă Phung Khua Ƀĭng Kna 6:12

Diñu mčhur phung ƀuôn sang, phung khua mduôn, leh anăn phung khua čih hră. Diñu hriê mă čăp Y-Êtiên leh anăn atăt ba gơ̆ ti anăp phung khua phat kđi.

Klei Mtô Mñă Klei Bhiăn 25:7

Tơdah êkei anăn amâo čiăng dôk mô̆ ayŏng ñu ôh, hlăk anăn mô̆ ayŏng ñu srăng nao kơ ƀăng jang kơ phung khua mduôn leh anăn lač, ‘Adei ung kâo hngah pioh anăn ayŏng ñu hlăm phung Israel; ñu amâo čiăng ngă ôh kơ kâo tui si klei bhiăn djŏ kơ sa čô adei ung.’

Klei Mtô Mñă Klei Bhiăn 29:10

Hruê anei jih jang diih dôk dơ̆ng ti anăp Yêhôwa Aê Diê diih; phung khua găp djuê diih, phung khua mduôn diih, phung khua kahan diih, jih jang êkei phung Israel,

Klei Mtô Mñă Klei Bhiăn 31:28

Bi kƀĭn bĕ ti anăp kâo jih jang phung khua mduôn hlăm phung găp djuê diih, leh anăn phung khua kiă kriê diih, čiăng kơ kâo dưi blŭ klei anei kơ knga diñu leh anăn iêô adiê leh anăn lăn ala čiăng hưn bi kdơ̆ng hŏng diñu.