H'Rut 3:3 - Klei Aê Diê Blŭ 2015

³ Snăn mnei bĕ, mia êa mñak, hơô ao ih jăk hĭn, leh anăn nao kơ anôk prah mdiê; ƀiădah đăm brei ñu thâo kral ih ôh tơl leh ñu huă leh anăn mnăm.

H'Rut 3:3 Iomraidhean Croise

II Y-Samuel 12:20

Snăn, Y-Đawit kgŭ mơ̆ng lăn, mnei, leh anăn mia êa mñak kơ ñu pô, leh anăn bi mlih čhiăm ao ñu; leh anăn ñu nao kơ sang Yêhôwa leh anăn kkuh mpŭ. Leh wĭt kơ sang ñu pô arăng mdơ̆ng mnơ̆ng ƀơ̆ng huă ti anăp ñu, leh anăn ñu ƀơ̆ng huă yơh.

II Y-Samuel 14:2

Y-Jôap tiŏ arăng nao ti ƀuôn Têkôa atăt ba mơ̆ng anăn sa čô mniê knhâo, leh anăn lač kơ gơ̆, “Brei ih mgưt jing sa čô kơŭ kyăm, leh anăn hơô čhiăm ao kơŭ kyăm. Đăm mia êa mñak ôh, ƀiădah ngă msĕ si sa čô mniê kơŭ kyăm sui hruê leh kơ pô djiê.

H'Êsther 5:1

Ti hruê tal tlâo H'Êsther hơô ao mtao mniê ñu leh anăn dôk dơ̆ng hlăm lam wăl sang mtao, phă hŏng adŭ mtao. Mtao dôk gŭ ti jhưng mtao ñu hlăm sang mtao phă hŏng anôk mŭt sang mtao.

Klei Mmuñ Hđăp 104:15

Kpiê čiăng bi mơak ai tiê mnuih, êa boh ôliwơ brei ƀô̆ mta ñu mngač, leh anăn kpŭng bi ktang ai tiê ñu.

Khua Pô Mtô 9:8

Brei čhum ao ih jing kô̆ nanao, đăm brei boh kŏ ih kƀah êa mñak ôh.

Y-Êsêkiêl 16:9

‘Kâo bi mnei ih hŏng êa leh anăn rao bi doh êrah ih, leh anăn mia ih hŏng êa ƀâo mngưi.

Y-Mathiơ 6:17

Ƀiădah tơdah ih kăm ƀơ̆ng huă, mia êa mñak ti boh kŏ ih leh anăn pač ƀô̆ mta ih,

H'Rut 3:2

Snăn, amâo djŏ hĕ Y-Bôas jing găp djuê drei, hŏng phung dĭng buăl mniê ñu ih dôk leh mbĭt? Nĕ anei ñu hdei mdiê mlam anei ti anôk prah mdiê.

H'Rut 3:4

Ƀiădah tơdah ñu đih, kăp dlăng anôk ñu đih; leh anăn nao pŏk abăn ti jơ̆ng ñu, leh anăn brei ih đih. Leh anăn ñu srăng lač klei ih srăng ngă.”