H'Rut 2:2 - Klei Aê Diê Blŭ 2015

² H'Rut mniê Môap lač kơ H'Naômi, “Brei kâo nao kơ hma duñ ti krah čăp mdiê ti tluôn pô mâo klei pap kơ kâo.” Ñu lač kơ gơ̆, “Nao bĕ, Ơ H'Bŭ.”

H'Rut 2:2 Iomraidhean Croise

Klei Mphŭn Dơ̆ng 32:6

Phung hưn lŏ wĭt kơ Y-Yakôp, lač, “Hmei nao bi tuôm leh hŏng ayŏng ih Y-Êsâo, leh anăn ñu hriê bi tuôm hŏng ih mbĭt hŏng pă êtuh čô êkei.”

Bruă Lêwi 19:10

Leh anăn đăm lŏ pĕ ôh boh kriăk ƀâo tal dua, kăn duñ rei boh kriăk ƀâo luh leh. Brei diih lui dŏ anăn kơ phung ƀun ƀin leh anăn kơ phung dôk jưh bhiâo. Kâo jing Yêhôwa Aê Diê diih.

Bruă Lêwi 19:16

Đăm hiu blŭ klei mčeh ti krah phung ƀuôn sang ih ôh, leh anăn đăm ngă mnêč čiăng bi luč klei hdĭp pô riêng gah ih ôh. Kâo jing Yêhôwa.

Bruă Lêwi 19:9

Tơdah diih puôt wiă mnơ̆ng hlăm hma diih, đăm puôt wiă tơl truh ti roh ôh, kăn duñ rei mnơ̆ng adôk leh puôt wiă.

Bruă Lêwi 23:22

Tơdah diih srăng puôt wiă hlăm čar diih, đăm puôt wiă hma ih tơl truh ti roh ôh, kăn duñ rei mnơ̆ng adôk leh ih puôt wiă. Brei ih lui mnơ̆ng anăn kơ phung ƀun ƀin leh anăn kơ phung tue. Kâo jing Yêhôwa Aê Diê diih.’ ”

H'Rut 2:3

Snăn gơ̆ kbiă nao duñ mdiê hlăm hma tui tluôn phung wiă. Ñu truh djŏ hĕ kơ kdrêč hma Y-Bôas, pô jing găp djuê Y-Êlimêlek.

H'Rut 2:7

Mniê anăn lač, ‘Kâo akâo kơ ih, brei kâo duñ leh anăn mkăm ti krah čăp mdiê ti tluôn phung wiă.’ Snăn gơ̆ truh, leh anăn gơ̆ ăt duñ mơ̆ng ưm aguah tơl ară anei, knŏng mdei bhiâo hlăm sang trưng.”

I Y-Samuel 1:18

Gơ̆ lač, “Brei dĭng buăl mniê ih mâo klei pap ti anăp ală ih.” Leh anăn mniê anăn đuĕ wĭt leh anăn ƀơ̆ng huă, leh anăn ƀô̆ mta gơ̆ amâo lŏ jing ênguôt ôh.