Hêbrơ 8:4 - Klei Aê Diê Blŭ 2015

⁴ Tơdah Ñu dôk leh ti lăn ala, Ñu kăn jing khua ngă yang rei, kyuadah mâo leh phung khua ngă yang myơr mnơ̆ng brei tui si klei bhiăn.

Hêbrơ 8:4 Iomraidhean Croise

Klei Yap 16:40

čiăng jing sa mnơ̆ng bi hdơr kơ phung ƀuôn sang Israel, čiăng kơ amâo mâo ôh sa čô pô amâo jing mơ̆ng phung anak čô Y-Arôn, srăng nao giăm knưl čuh mnơ̆ng ƀâo mngưi ti anăp Yêhôwa, huĭdah jing hĕ msĕ si Y-Kôrê leh anăn phung mbĭt hŏng ñu — tui si Yêhôwa lač leh hŏng Y-Môis.

Klei Yap 18:5

Diih srăng mă bruă kơ adŭ doh jăk leh anăn bruă kơ knưl, čiăng amâo lŏ mâo klei ngêñ truh kơ phung ƀuôn sang Israel ôh.

Hêbrơ 10:11

Leh anăn grăp čô khua ngă yang dôk dơ̆ng grăp hruê mă bruă myơr nanao mnơ̆ng ngă yang msĕ, mnơ̆ng ngă yang anăn amâo tuôm dưi lăm hĕ klei soh ôh.

Hêbrơ 11:4

Hŏng klei đăo Y-Aƀel myơr kơ Aê Diê mnơ̆ng ngă yang jăk hĭn kơ Y-Kain. Hŏng klei đăo anăn Aê Diê tŭ ñu jing kpă, hưn bi êdah klei anăn êjai tŭ mnơ̆ng ñu myơr. Ñu djiê leh, ƀiădah hŏng klei ñu đăo ñu ăt dôk blŭ.

Hêbrơ 5:1

Kyuadah grăp čô khua ngă yang prŏng mâo klei Aê Diê ruah leh mơ̆ng phung mnuih mâo bruă bi ala kơ mnuih ti anăp Aê Diê, čiăng myơr mnơ̆ng brei leh anăn mnơ̆ng ngă yang kyua klei soh.

Hêbrơ 7:27

Amâo yuôm ôh Ñu myơr mnơ̆ng ngă yang grăp hruê msĕ si phung khua ngă yang prŏng mkăn, tal êlâo hĭn kyua klei soh ñu pô, leh anăn kyua klei soh phung ƀuôn sang. Ñu ngă klei anăn knŏng sa blư̆ man djăp kơ jih jang ênuk tơdah Ñu myơr Ñu pô.

Hêbrơ 8:3

Kyuadah Aê Diê mdưm grăp čô khua ngă yang prŏng pioh myơr mnơ̆ng brei leh anăn mnơ̆ng ngă yang; kyuanăn jing yuôm kơ khua ngă yang anei mâo mnơ̆ng myơr msĕ mơh.

Hêbrơ 9:9

(Klei anăn jing rup bi hmô kơ ênuk anei). Tui si klei mkra anei, arăng myơr mnơ̆ng brei leh anăn mnơ̆ng ngă yang amâo dưi bi klă ênŭm ôh ai tiê kpă pô kkuh mpŭ.