3 Ñu amâo mâo ama, amâo mâo amĭ ôh, kăn mâo phung aê aduôn rei. Ñu amâo mâo phŭn ôh, kăn mâo knhal tuč klei hdĭp rei, ƀiădah ñu jing msĕ Anak Aê Diê, jing sa čô khua ngă yang hlŏng lar.
Phung anak êkei Y-Kôhat: Y-Amram, Y-Ishar, Y-Hêbron, leh anăn Y-Usiêl. Thŭn Y-Kôhat dôk hdĭp mâo sa êtuh tlâo pluh tlâo thŭn.
leh anăn ti hruê tal sa mlan dua diñu bi kƀĭn jih jang phung ƀuôn sang mbĭt, čih anăn digơ̆ pô tui si boh gŏ, tui si sang ama digơ̆, tui si dŭm anăn mâo mơ̆ng phung mâo dua pluh thŭn kơ dlông, sa čô sa čô,
Yang mplư hriê kơ Ñu leh anăn lač, “Tơdah ih jing Anak Aê Diê, mtă bĕ kơ boh tâo anei brei jing klŏ kpŭng.”
Snăn kyuadah drei mâo leh sa čô khua ngă yang prŏng hĭn găn leh jih adiê, Yêsu, Anak Aê Diê, brei drei djă pioh kjăp klei đăo drei hưn.
Kyuadah Y-Mêlkisadek anăn jing mtao ƀuôn Salem, khua ngă yang kơ Aê Diê Pô Ti Dlông Hĭn, bi tuôm hŏng Y-Abraham êjai gơ̆ wĭt mơ̆ng klei bi mdjiê phung mtao, leh anăn Y-Mêlkisadek hơêč hmưi klei jăk jĭn kơ gơ̆.
Kyuadah Klei Aê Diê Blŭ hưn leh djŏ kơ Ñu snei, “Ih jing khua ngă yang hlŏng lar, tui si êpul Y-Mêlkisađek.”
Y-Abraham brei kơ ñu sa kdrêč hlăm pluh mơ̆ng jih jang mnơ̆ng. Tui si klei mblang kơ anăn Y-Mêlkisadek, ñu jing êlâo hĭn mtao klei kpă ênô, leh anăn msĕ mơh ñu jing mtao ƀuôn Salem, čiăng lač mtao klei êđăp ênang.
Ƀiădah Y-Mêlkisadek anei, amâo kbiă mơ̆ng aê aduôn diñu ôh, mă tŭ sa kdrêč hlăm pluh mơ̆ng Y-Abraham leh anăn hơêč hmưi klei jăk jĭn kơ pô mâo leh klei Aê Diê ƀuăn.