Hêbrơ 7:2 - Klei Aê Diê Blŭ 2015

² Y-Abraham brei kơ ñu sa kdrêč hlăm pluh mơ̆ng jih jang mnơ̆ng. Tui si klei mblang kơ anăn Y-Mêlkisadek, ñu jing êlâo hĭn mtao klei kpă ênô, leh anăn msĕ mơh ñu jing mtao ƀuôn Salem, čiăng lač mtao klei êđăp ênang.

Hêbrơ 7:2 Iomraidhean Croise

Klei Mphŭn Dơ̆ng 28:22

Leh anăn boh tâo anei kâo mdơ̆ng leh jing mnơ̆ng bi knăl srăng jing sang Aê Diê; leh anăn kâo srăng brei sa kdrêč hlăm pluh mơ̆ng jih jang mnơ̆ng Ih srăng brei kơ kâo.”

II Y-Samuel 23:3

Aê Diê phung Israel blŭ leh, Boh Tâo phung Israel lač leh kơ kâo: ‘Tơdah sa čô kiă kriê phung mnuih hŏng klei kpă, kiă kriê hŏng klei huĭ mpŭ kơ Aê Diê,

II Y-Samuel 8:15

Snăn Y-Đawit kiă kriê jih jang phung Israel. Y-Đawit kiă kriê hŏng klei kpă leh anăn klei djŏ kơ jih jang phung ƀuôn sang ñu.

I Klei Yăl Dliê 22:9

Nĕ anei, arăng srăng kkiêng kơ ih sa čô anak êkei; ñu srăng jing sa čô êkei êđăp ênang. Kâo srăng brei kơ ñu klei êđăp ênang mơ̆ng jih jang phung roh jŭm dar ñu, kyuadah anăn ñu srăng jing Y-Salômôn, leh anăn kâo srăng brei klei êđăp ênang leh anăn klei mdei kơ phung Israel hlăm ênuk ñu.

Klei Mmuñ Hđăp 72:7

Êjai ñu kiă kriê brei klei phung kpă đĭ kyar, leh anăn brei klei êđăp ênang tơl mlan dôk lĕ leh.

Bruă Lêwi 27:32

Jih jang sa kdrêč hlăm pluh mơ̆ng êmô leh anăn biăp, grăp drei jing mrô pluh găn ti gŭ giê knuăk, srăng jing doh jăk kơ Yêhôwa.

Y-Mika 5:5

Leh anăn Pô anăn srăng jing klei êđăp ênang kơ drei. Tơdah mnuih Asiri srăng mŭt hlăm čar drei, leh anăn juă ti kđông drei, drei srăng brei kjuh čô mgăt biăp, leh anăn sa păn čô phung khua kgŭ bi kdơ̆ng hŏng gơ̆.

Klei Yap 18:21

Kâo brei jih jang sa kdrêč hlăm pluh mơ̆ng phung Israel jing ngăn dưn kơ phung Lêwi, bi wĭt kơ bruă diñu ngă, bruă diñu ngă hlăm sang čhiăm klei bi kƀĭn.

Y-Mathiơ 1:23

“Nĕ anei, sa čô mniê êra hrông srăng kkiêng kơ sa čô anak êkei, leh anăn arăng srăng bi anăn gơ̆ Êmanuel,” čiăng lač, “Aê Diê dôk mbĭt hŏng drei.”

Y-Luk 2:14

“Klei guh kơang kơ Aê Diê hlăm anôk ti dlông hĭn, leh anăn klei êđăp ênang ti lăn ala kơ phung mnuih bi mơak kơ Ñu.”

Hră Y-Pôl Mơĭt kơ Phung Rôm 3:26

Klei Ñu gĭr anăn čiăng bi êdah ênuk anei klei Ñu pô jing kpă leh anăn klei Ñu yap kpă hlei pô đăo kơ Yêsu.

Hêbrơ 7:1

Kyuadah Y-Mêlkisadek anăn jing mtao ƀuôn Salem, khua ngă yang kơ Aê Diê Pô Ti Dlông Hĭn, bi tuôm hŏng Y-Abraham êjai gơ̆ wĭt mơ̆ng klei bi mdjiê phung mtao, leh anăn Y-Mêlkisadek hơêč hmưi klei jăk jĭn kơ gơ̆.

Hêbrơ 7:3

Ñu amâo mâo ama, amâo mâo amĭ ôh, kăn mâo phung aê aduôn rei. Ñu amâo mâo phŭn ôh, kăn mâo knhal tuč klei hdĭp rei, ƀiădah ñu jing msĕ Anak Aê Diê, jing sa čô khua ngă yang hlŏng lar.

I Y-Samuel 8:15

Ñu srăng mă sa kdrêč hlăm pluh mdiê diih, boh mơ̆ng đang boh kriăk ƀâo diih, brei kơ phung khua kahan leh anăn phung dĭng buăl ñu.

I Y-Samuel 8:17

Ñu srăng mă sa kdrêč hlăm pluh biăp bê diih, leh anăn diih pô srăng jing hlŭn ñu.