Hêbrơ 7:1 - Klei Aê Diê Blŭ 2015

¹ Kyuadah Y-Mêlkisadek anăn jing mtao ƀuôn Salem, khua ngă yang kơ Aê Diê Pô Ti Dlông Hĭn, bi tuôm hŏng Y-Abraham êjai gơ̆ wĭt mơ̆ng klei bi mdjiê phung mtao, leh anăn Y-Mêlkisadek hơêč hmưi klei jăk jĭn kơ gơ̆.

Hêbrơ 7:1 Iomraidhean Croise

Klei Mmuñ Hđăp 57:2

Kâo ur krao kơ Aê Diê Pô Ti Dlông Hĭn, kơ Aê Diê Pô bi sĭt jih jang klei Ñu čuăn kơ kâo.

Klei Mmuñ Hđăp 76:2

Sang čhiăm Ñu dôk ti ƀuôn Salem, leh anăn anôk Ñu dôk ti čư̆ Siôn.

Klei Mmuñ Hđăp 78:35

Diñu hdơr kơ Aê Diê jing Boh Tâo diñu, Aê Diê Pô Ti Dlông Hĭn jing Pô bi tui diñu.

Klei Mmuñ Hđăp 78:56

Ƀiădah phung Israel lông dlăng Aê Diê, leh anăn bi kdơ̆ng hŏng Pô Ti Dlông Hĭn; leh anăn amâo tui hlue ôh klei Aê Diê mtrŭn.

Y-Đaniel 4:2

Kâo mĭn jăk bi êdah klei bi knăl leh anăn klei yuôm bhăn Aê Diê Pô Ti Dlông Hĭn ngă leh kơ kâo.

Y-Đaniel 5:18

Ơ mtao, Aê Diê Pô Ti Dlông Hĭn brei leh kơ Y-Nebukatnetsar ama ih ƀuôn ala mtao, klei jing prŏng, klei guh kơang, leh anăn klei kdrăm.

Y-Đaniel 5:21

Arăng suôt ñu mơ̆ng ti krah phung mnuih, leh anăn brei klei mĭn ñu jing msĕ si klei mĭn hlô dliê; leh anăn ñu dôk mbĭt hŏng aseh dliê. Arăng čiêm ñu hŏng rơ̆k msĕ si êmô, leh anăn asei mlei ñu msah hŏng êa nguôm mơ̆ng adiê tơl ñu thâo Aê Diê Pô Ti Dlông Hĭn kiă kriê hlăm ƀuôn ala mtao mnuih, leh anăn Ñu mđĭ hlei pô Ñu čiăng brei kiă kriê.

Y-Mika 6:6

“Hŏng ya mnơ̆ng kâo srăng bi êdah kâo pô ti anăp Yêhôwa, leh anăn buôn ti anăp Aê Diê ti dlông? Kâo srăng truh ti anăp ñu hŏng mnơ̆ng myơr čuh mơ̆? hŏng êđai êmô mâo sa thŭn mơ̆?

Y-Markôs 5:7

leh anăn gơ̆ ur kraih, lač, “Ya klei Ih mâo hŏng kâo, Ơ Yêsu, Anak Aê Diê Pô Ti Dlông Hĭn? Ƀuăn bĕ hŏng anăn Aê Diê, đăm bi knap kâo ôh.”

Bruă Phung Khua Ƀĭng Kna 16:17

Ñu tui hlue Y-Pôl leh anăn hmei, ur lač, “Phung anei jing phung dĭng buăl kơ Aê Diê Pô Ti Dlông Hĭn. Diñu hưn kơ diih êlan klei bi mtlaih.”

Hêbrơ 6:20

Tinăn Yêsu mŭt leh êlâo bi ala kơ drei, leh anăn jing leh khua ngă yang prŏng hlŏng lar tui si êpul Y-Mêlkisađek.

Hêbrơ 7:2

Y-Abraham brei kơ ñu sa kdrêč hlăm pluh mơ̆ng jih jang mnơ̆ng. Tui si klei mblang kơ anăn Y-Mêlkisadek, ñu jing êlâo hĭn mtao klei kpă ênô, leh anăn msĕ mơh ñu jing mtao ƀuôn Salem, čiăng lač mtao klei êđăp ênang.

Hêbrơ 7:3

Ñu amâo mâo ama, amâo mâo amĭ ôh, kăn mâo phung aê aduôn rei. Ñu amâo mâo phŭn ôh, kăn mâo knhal tuč klei hdĭp rei, ƀiădah ñu jing msĕ Anak Aê Diê, jing sa čô khua ngă yang hlŏng lar.

Hêbrơ 7:6

Ƀiădah Y-Mêlkisadek anei, amâo kbiă mơ̆ng aê aduôn diñu ôh, mă tŭ sa kdrêč hlăm pluh mơ̆ng Y-Abraham leh anăn hơêč hmưi klei jăk jĭn kơ pô mâo leh klei Aê Diê ƀuăn.