Hêbrơ 4:4 - Klei Aê Diê Blŭ 2015

⁴ Kyuadah hlăm sa anôk Ñu čih leh djŏ kơ hruê tal kjuh snei, “Leh anăn ti hruê tal kjuh Aê Diê mdei mơ̆ng jih bruă Ñu ngă leh.”

Hêbrơ 4:4 Iomraidhean Croise

Klei Kbiă 20:11

Kyuadah hlăm năm hruê Yêhôwa hrih adiê, lăn ala, êa ksĭ, leh anăn jih jang mnơ̆ng mâo hlăm diñu, leh anăn Ñu mdei hruê tal kjuh. Kyuanăn Yêhôwa hơêč hmưi kơ hruê sabat anăn leh anăn pioh brei hruê sabat jing doh jăk.

Klei Kbiă 31:17

Klei anăn jing klei bi knăl Kâo hŏng phung ƀuôn sang Israel hlŏng lar, kyuadah hlăm năm hruê Yêhôwa hrih adiê leh anăn lăn ala, leh anăn ti hruê tal kjuh Ñu mdei bruă Ñu mơ̆ng jih.’ ”

Klei Mtô Mñă Klei Bhiăn 5:14

ƀiădah hruê tal kjuh jing hruê mdei kơ Yêhôwa Aê Diê ih; hlăm hruê anăn ih amâo dưi ngă sa mta bruă ôh, ih, anak êkei ih, anak mniê ih, dĭng buăl êkei ih, dĭng buăl mniê ih, êmô ih, aseh dliê ih, mnơ̆ng ih rông, pô dôk jưh bhiâo hlăm ƀăng jang ih, čiăng kơ dĭng buăl êkei leh anăn dĭng buăl mniê ih dưi mdei msĕ si ih mơh.

Hêbrơ 2:6

Ƀiădah čih leh sa anôk hlăm Klei Aê Diê Blŭ snei: “Ya phung mnuih jing tơl Ih hdơr mĭn kơ diñu, amâodah phung anak mnuih tơl Ih răng kriê kơ diñu?

Hêbrơ 4:10

Kyuadah hlei pô mŭt hlăm klei Aê Diê mdei, mdei msĕ mơh mơ̆ng bruă pô, msĕ si Aê Diê mdei leh mơ̆ng bruă Ñu.