Hêbrơ 4:3 - Klei Aê Diê Blŭ 2015

³ Bi kơ phung drei đăo leh mŭt leh hlăm klei mdei anăn, msĕ Ñu lač leh, “Tui si klei Kâo kat asei leh hlăm klei Kâo ngêñ, ‘Diñu amâo srăng mŭt mdei ôh hlăm čar Kâo brei leh kơ diñu’ ” wăt tơdah bruă Ñu jih leh mơ̆ng ênuk hrih lăn ala.

Hêbrơ 4:3 Iomraidhean Croise

Klei Mphŭn Dơ̆ng 1:31

Aê Diê ƀuh jih jang mnơ̆ng Ñu mjing leh, leh anăn nĕ anei, diñu jing jăk snăk. Mâo tlam leh anăn mâo aguah, jing hruê tal năm.

Klei Mmuñ Hđăp 95:11

Kyuanăn kâo kat asei leh hŏng klei kâo ngêñ, Diñu amâo srăng mŭt hlăm klei mdei kâo ôh.

Klei Kbiă 20:11

Kyuadah hlăm năm hruê Yêhôwa hrih adiê, lăn ala, êa ksĭ, leh anăn jih jang mnơ̆ng mâo hlăm diñu, leh anăn Ñu mdei hruê tal kjuh. Kyuanăn Yêhôwa hơêč hmưi kơ hruê sabat anăn leh anăn pioh brei hruê sabat jing doh jăk.

Y-Êsai 28:12

Kơ diñu yơh Ñu lač, “Nĕ anei anôk mdei, brei bĕ pô êmăn dưi mdei; nĕ anei, anôk êđăp ênang,” ƀiădah diñu amâo čiăng hmư̆ ôh.

Y-Yêrêmi 6:16

Snei Yêhôwa lač: “Dôk bĕ ti djiêô êlan leh anăn kăp dlăng, leh anăn êmuh duah êlan hđăp, ti anôk mâo êlan kpă, leh anăn êbat bĕ tinăn, leh anăn diih srăng mâo klei mdei kơ mngăt diih. Ƀiădah diñu lač, ‘Hmei amâo srăng êbat tinăn ôh.’

Y-Êsêkiêl 20:38

Kâo srăng suôt hĕ phung khăng bi kdơ̆ng mơ̆ng ti krah diih leh anăn phung ngă soh hŏng Kâo. Wăt tơdah Kâo srăng atăt diñu kbiă mơ̆ng čar anôk diñu jưh bhiâo, diñu amâo srăng mŭt hlăm čar Israel ôh. Hlăk anăn diih srăng thâo Kâo jing Yêhôwa.’

Y-Mathiơ 13:35

Klei anăn čiăng bi sĭt klei khua pô hưn êlâo blŭ leh snei: “Kâo srăng ha blŭ hŏng klei bi hriêng, Kâo srăng hưn klei mdăp leh dơ̆ng mơ̆ng klei hrih lăn ala.”

Y-Mathiơ 25:34

Leh anăn Mtao srăng lač kơ phung tĭng hnuă Ñu, ‘Hriê bĕ, Ơ phung Ama Kâo hơêč hmưi leh, brei diih mă tŭ ƀuôn ala mtao mkra leh kơ diih mơ̆ng mphŭn hrih lăn ala.

Êphêsô 1:4

Ñu ruah leh drei hlăm Krist êlâo kơ klei hrih lăn ala, čiăng kơ drei jing doh jăk leh anăn amâo mâo klei ƀuah ôh ti anăp Ñu.

Hêbrơ 3:11

Tui si klei Kâo kat asei leh hlăm klei Kâo ngêñ, ‘Diñu amâo srăng mŭt mdei ôh hlăm čar Kâo brei leh kơ diñu.’ ”

Hêbrơ 3:14

Kyuadah drei mâo kdrêč mbĭt hŏng Krist knŏng tơdah drei dôk kjăp hlăm klei drei knang êlâo tơl knhal tuč,

Hêbrơ 9:26

Tơdah snăn Ñu srăng tŭ klei knap nanao mơ̆ng mphŭn hrih lăn ala. Ƀiădah ară anei ti knhal tuč ênuk Ñu bi êdah leh sa blư̆ dŭm anăn, čiăng lăm hĕ klei soh hŏng klei ngă yang hŏng asei mlei Ñu pô.

I Y-Pêtrôs 1:20

Aê Diê čuăn pioh ñu leh mơ̆ng mphŭn klei hrih lăn ala, ƀiădah bi êdah leh hlăm ênuk knhal tuč kyua diih.