Hêbrơ 4:1 - Klei Aê Diê Blŭ 2015

¹ Kyuanăn êjai ăt mâo klei ƀuăn dưi mŭt hlăm klei Ñu mdei, brei drei huĭ đăm brei sa čô hlăm phung diih Aê Diê ksiêm ƀuh amâo dưi mŭt ôh.

Hêbrơ 4:1 Iomraidhean Croise

Klei Bi Hriêng 14:16

Mnuih thâo mĭn thâo răng leh anăn weh đuĕ mơ̆ng klei soh, ƀiădah mnuih mluk ngă mgao amâo thâo răng ôh.

Klei Bi Hriêng 28:14

Jăk mơak yơh hlei pô huĭ mpŭ kơ Yêhôwa nanao, ƀiădah hlei pô bi khăng ai tiê ñu srăng mâo klei knap mñai.

Y-Yêrêmi 32:40

Kâo srăng ngă klei bi mguôp hlŏng lar hŏng diñu, čiăng kơ Kâo amâo lui klei ngă jăk kơ diñu ôh; leh anăn Kâo srăng dưm klei huĭ mpŭ kơ Kâo hlăm ai tiê diñu, čiăng kơ diñu amâo lui wir Kâo ôh.

Klei Yap 14:34

Tui si dŭm hruê diih ksiêm dlăng leh ala čar anăn, jing pă pluh hruê, snăn diih srăng klam klei wê diih êjai pă pluh thŭn, sa thŭn kơ grăp hruê, leh anăn diih srăng thâo kral klei Kâo amâo mơak ôh hŏng diih.’

Y-Mathiơ 24:48

Ƀiădah tơdah dĭng buăl anăn jing jhat lač hlăm ai tiê ñu snei: ‘Khua kâo srăng truh hnui,’

Bruă Phung Khua Ƀĭng Kna 3:19

Kyuanăn kmhal bĕ kơ klei soh diih leh anăn lŏ wĭt kơ Aê Diê, čiăng kơ Ñu pap brei klei soh diih,

Hră Y-Pôl Mơĭt kơ Phung Rôm 11:20

Klei anăn jing sĭt. Arăng khăt hĕ diñu leh kyuadah klei diñu amâo đăo ôh. Ƀiădah ih dôk kjăp knŏng kyua klei ih đăo. Snăn đăm jing mgao ôh, ƀiădah brei ih huĭ.

Hră Y-Pôl Mơĭt kơ Phung Rôm 3:23

Kyuadah jih jang mnuih soh leh sơăi leh anăn amâo tơl mâo klei guh kơang Aê Diê ôh,

I Kôrantô 10:12

Snăn hlei pô mĭn ñu dôk dơ̆ng, brei ñu răng huĭdah ñu srăng lĕ buh.

II Kôrantô 6:1

Snăn êjai hmei mă bruă mbĭt hŏng Aê Diê, hmei kwưh kơ diih đăm mă tŭ klei Aê Diê pap jing hơăi mang ôh.

Galati 5:4

Tơdah diih čiăng mâo klei yap kpă hŏng klei bhiăn, diih bi ktlah leh mơ̆ng Krist yơh, diih luč leh klei pap.

II Y-Timôthê 2:13

tơdah drei amâo dôk sĭt suôr ôh, Ñu ăt dôk sĭt suôr — kyuadah Ñu amâo dưi hngah kơ Ñu pô ôh.

Hêbrơ 12:15

Răng bĕ, đăm brei ôh sa čô kƀah mă tŭ klei Aê Diê pap; čiăng đăm brei “agha phĭ” čăt leh anăn ngă klei bi rŭng leh anăn bi čhŏ lu phung mkăn.

Hêbrơ 12:25

Răng bĕ, đăm hngah kơ Pô dôk blŭ ôh. Kyuadah tơdah phung anăn amâo tlaih ôh klei bi kmhal tơdah diñu hngah hmư̆ pô brei diñu răng ti lăn ala, sĭt nik drei amâo srăng tlaih ôh tơdah drei hngah kơ Pô blŭ brei răng mơ̆ng adiê.

Hêbrơ 13:7

Hdơr bĕ kơ phung khua gĭt gai diih, phung mtô kơ diih klei Aê Diê blŭ. Ksiêm dlăng bĕ klei truh kơ diñu êjai diñu hdĭp, leh anăn tui klei diñu đăo.

Hêbrơ 3:11

Tui si klei Kâo kat asei leh hlăm klei Kâo ngêñ, ‘Diñu amâo srăng mŭt mdei ôh hlăm čar Kâo brei leh kơ diñu.’ ”

Hêbrơ 4:11

Snăn hŏng jih ai tiê brei drei hur har mŭt hlăm klei mdei anăn, čiăng đăm mâo ôh sa čô lĕ hlăm klei amâo gưt asăp msĕ si phung êlâo.

Hêbrơ 4:9

Snăn ăt mâo klei mdei pioh kơ phung ƀuôn sang Aê Diê msĕ si Aê Diê mdei hruê sabat.

I Y-Samuel 2:30

Kyua anăn Yêhôwa, Aê Diê Israel hưn, ‘Kâo ƀuăn leh kơ sang ih leh anăn kơ sang aê ih srăng mă bruă kơ Kâo nanao hlŏng lar.’ Ƀiădah ară anei Yêhôwa hưn, ‘Hơăi, Kâo amâo lŏ ngă snăn ôh. Kyuadah Kâo srăng mpŭ kơ hlei phung mpŭ kơ Kâo, leh anăn phung bi êmut kơ Kâo, Kâo amâo srăng mpŭ ôh kơ phung diñu.