Hêbrơ 3:3 - Klei Aê Diê Blŭ 2015

³ Ƀiădah Aê Diê yap Yêsu năng mâo klei guh kơang kdlưn hĭn kơ Y-Môis msĕ si pô ngă sang mâo klei mpŭ kdlưn hĭn kơ sang ñu ngă.

Hêbrơ 3:3 Iomraidhean Croise

Y-Sakari 4:9

“Kngan Y-Sôrôbabel mdơ̆ng leh atur sang yang anei, leh anăn kngan ñu mơh srăng bi leh gơ̆.” Hlăk anăn diih srăng thâo Yêhôwa kơ phung kahan tiŏ hriê leh kâo kơ diih.

Y-Mathiơ 16:18

Kâo hưn kơ ih, ih jing Y-Pêtrôs, ti dlông boh tâo anei Kâo srăng mdơ̆ng Phung Sang Aê Diê Kâo, leh anăn ƀăng jang Ƀuôn Phung Djiê amâo srăng dưi hŏng ñu ôh.

I Kôrantô 3:9

Kyuadah hmei jing phung mă bruă mbĭt kơ Aê Diê. Diih jing hma Aê Diê; diih jing sang Aê Diê.

II Kôrantô 3:7

Snăn tơdah bruă klei djiê arăng ktur kač ti boh tâo leh truh hŏng klei guh kơang tơl phung Israel amâo dưi dlăng ôh kơ ƀô̆ mta Y-Môis kyua klei kmlăi, wăt tơdah klei kmlăi anăn dôk knŏng bhiâo dưn,

Kôlôs 1:18

Ñu jing boh kŏ kơ asei mlei, čiăng lač Phung Sang Aê Diê. Ñu jing klei mphŭn dơ̆ng, Pô kkiêng êlâo hĭn mơ̆ng phung djiê, čiăng kơ Ñu dưi jing khua hlăm jih jang mnơ̆ng.

Hêbrơ 2:9

Ƀiădah drei ƀuh Yêsu, Pô Aê Diê bi luă gŭ bhiâo ti gŭ phung dĭng buăl jăk, Pô Aê Diê mđua leh đuôn mtao klei guh kơang leh anăn klei mpŭ kyua klei djiê Ñu tŭ leh, čiăng kơ hŏng klei Aê Diê pap Ñu dưi tŭ klei djiê hrô kơ jih jang mnuih.

Hêbrơ 3:4

(Kyuadah grăp boh sang mâo pô ngă ñu, ƀiădah Pô ngă jih jang mnơ̆ng jing Aê Diê.)

Hêbrơ 3:6

Ƀiădah Krist dôk sĭt suôr msĕ si sa čô anak êkei kiă sang Aê Diê. Drei jing sang Ñu tơdah drei djă pioh kjăp klei knang leh anăn klei jhŏng hlăm klei drei čang hmăng.