Hêbrơ 3:1 - Klei Aê Diê Blŭ 2015

¹ Snăn Ơ phung ayŏng adei doh jăk, phung mâo leh klei iêô kơ adiê, brei diih mĭn kơ Yêsu, Pô jing khua ƀĭng kna leh anăn khua ngă yang prŏng kơ klei đăo drei hưn.

Hêbrơ 3:1 Iomraidhean Croise

Klei Mmuñ Hđăp 110:4

Yêhôwa kat asei leh, Ñu amâo srăng bi mlih klei Ñu mĭn ôh: “Ih jing sa čô khua ngă yang hlŏng lar, tui si mta khua ngă yang Y-Mêlkisadek.”

Y-Êsai 1:3

Êmô thâo kral pô ñu, aseh dliê thâo kral hip rơ̆k khua ñu, ƀiădah phung Israel amâo thâo kral ôh, phung ƀuôn sang Kâo amâo thâo săng ôh.”

Y-Êsai 41:20

čiăng kơ phung mnuih dưi ƀuh leh anăn thâo, dưi ksiêm leh anăn thâo săng mđrăm mbĭt kơ kngan Yêhôwa ngă leh klei anei, Pô Doh Jăk phung Israel hrih digơ̆.”

Y-Êsai 5:12

Diñu mâo đĭng buôt, leh anăn brô̆, gông, leh anăn đĭng kliă, leh anăn kpiê hlăm klei diñu huă mnăm, ƀiădah diñu amâo uêñ kơ bruă Yêhôwa ôh, kăn ƀuh rei bruă kngan Gơ̆ ngă.

Y-Êsêkiêl 12:3

Kyuanăn, Ơ anak mnuih, mkra bĕ kơ ih pô dŏ dô djă ba kơ klei kbiă mơ̆ng čar, leh anăn kbiă msĕ si arăng suôt mơ̆ng čar nao jing mnă êjai yang hruê ti anăp ală diñu. Ih srăng nao msĕ si mnă arăng suôt mơ̆ng čar mơ̆ng anôk ih kơ anôk mkăn ti anăp ală diñu. Năng ai diñu srăng thâo săng, wăt tơdah diñu jing sa boh sang khăng bi kdơ̆ng dưn.

Y-Êsêkiêl 18:28

Kyuadah ñu ksiêm mĭn leh anăn wir lui jih jang klei soh ñu ngă leh, sĭt nik ñu srăng dôk hdĭp, ñu amâo srăng djiê ôh.’

Y-Agê 1:5

Kyuanăn ară anei, snei Yêhôwa kơ phung kahan lač: “Ksiêm mĭn bĕ kơ klei diih ngă.

Y-Agê 2:15

Ară anei, ksiêm bĕ bi nik mơ̆ng hruê anei kơ anăp ya truh leh kơ diih êlâo kơ arăng dưm sa boh tâo ti dlông sa boh tâo mkăn hlăm sang yang Yêhôwa.

Y-Yôhan 17:3

Leh anăn anei jing klei hdĭp hlŏng lar: čiăng kơ diñu thâo kral Ih, knŏng hjăn Ih jing Aê Diê sĭt, leh anăn Yêsu Krist Pô Ih tiŏ hriê leh.

Y-Yôhan 20:21

Yêsu lŏ lač kơ digơ̆, “Brei klei êđăp ênang dôk mbĭt hŏng diih. Msĕ si Ama tiŏ hriê leh Kâo, msĕ snăn mơh Kâo tiŏ nao diih.”

Y-Yôhan 20:27

Leh anăn Yêsu lač kơ Y-Thômas, “Dưm kđiêng ih tinei, leh anăn dlăng kngan Kâo; yơr kngan ih dưm ti djiêô Kâo; đăm lŏ đing ôh, ƀiădah đăo bĕ.”

Bruă Phung Khua Ƀĭng Kna 1:15

Đa hruê êdei kơ anăn Y-Pêtrôs kgŭ dơ̆ng ti krah phung ayŏng adei (mâo hlăm brô sa êtuh dua pluh čô), leh anăn lač,

Hră Y-Pôl Mơĭt kơ Phung Rôm 11:17

Ƀiădah tơdah arăng khăt leh đa đa adhan, leh anăn tơdah ih, sa ƀĕ adhan ôliwơ dliê, arăng bi mtuôp mƀlir ti anôk arăng khăt digơ̆ leh, čiăng kơ ih dưi mâo ktăk hdĭp ana boh ôliwơ,

Hră Y-Pôl Mơĭt kơ Phung Rôm 15:27

Diñu mơak ngă klei anăn, leh anăn sĭt nik diñu đuôm nư kơ digơ̆, kyuadah tơdah phung tue mă tŭ leh klei jăk jĭn myang mơ̆ng phung Yuđa, bhiăn mơh brei phung tue đru digơ̆ hŏng mnơ̆ng tŭ dưn kơ kđeh.

Hră Y-Pôl Mơĭt kơ Phung Rôm 15:8

Kyuadah kâo hưn kơ diih klei Krist jing leh dĭng buăl kơ phung khăt klĭt kyua klei sĭt nik Aê Diê, čiăng bi sĭt klei Ñu ƀuăn leh kơ phung aê phŭn drei,

Hră Y-Pôl Mơĭt kơ Phung Rôm 9:24

Kyuadah drei jing phung Ñu iêô leh, amâo djŏ knŏng mơ̆ng phung Yuđa ôh, ƀiădah wăt mơ̆ng phung tue msĕ mơh.

I Kôrantô 1:2

Čih mơĭt kơ Phung Sang Aê Diê ti ƀuôn Kôrantô, kơ phung doh jăk leh hlăm Krist Yêsu, phung Aê Diê iêô leh brei jing phung doh jăk mbĭt hŏng jih jang phung dôk tar ƀar anôk iêô wah lač kơ anăn Khua Yang drei Yêsu Krist, Khua Yang diñu leh anăn Khua Yang drei.

I Kôrantô 10:17

Kyuadah mâo knŏng sa klŏ kpŭng, drei jing lu dưn, ƀiădah knŏng sa asei mlei, kyuadah jih jang drei ƀơ̆ng mơ̆ng sa klŏ kpŭng anăn.

I Kôrantô 9:23

Kâo ngă jih jang klei anăn kyua klei mrâo mrang jăk, čiăng kơ kâo dưi mâo klei jăk jĭn mơ̆ng klei mrâo mrang jăk.

II Kôrantô 1:7

Klei hmei čang hmăng kơ diih amâo mgei ôh; kyuadah hmei thâo êjai diih tŭ klei knap mñai mbĭt hŏng hmei, diih srăng mâo msĕ mơh klei bi juh mbĭt hŏng hmei.

II Kôrantô 9:13

Hŏng bruă anei, diñu thâo leh ai tiê kmah diih leh anăn mpŭ mni kơ Aê Diê kyua klei diih gưt asăp hlăm klei tŭ klei mrâo mrang jăk Krist, leh anăn hlăm klei kmah diih myơr kơ diñu leh anăn kơ jih jang phung mkăn;

Êphêsô 3:6

Klei hgăm anăn: phung tue jing phung dưn mbĭt, jing jơ̆ng kngan hlăm sa asei mlei msĕ, leh anăn phung mă tŭ leh klei ƀuăn hlăm Krist Yêsu hŏng klei mrâo mrang jăk.

Êphêsô 4:1

Snăn kâo gơ̆, sa čô jing mnă kyua Khua Yang, kwưh kơ diih dôk dơ̆ng ƀơ̆ng huă năng hŏng klei Aê Diê iêô diih leh,

Êphêsô 4:4

Mâo sa asei mlei leh anăn sa Yang Mngăt Jăk, msĕ si Aê Diê iêô diih leh kơ sa klei čang hmăng.

Philip 3:14

Kâo hung čiăng truh kơ anôk bi kčah, čiăng mă klei mưn jing klei Aê Diê iêô hlăm Krist Yêsu kơ klei hdĭp ti dlông.

Kôlôs 1:12

êjai bi mni kơ Ama, Pô brei kơ drei klei năng dưi dưn ngăn mbĭt hŏng phung doh jăk hlăm ƀuôn ala mtao klei mngač.

Kôlôs 1:22

ƀiădah ară anei Aê Diê bi grăng leh diih hŏng klei Anak êkei Ñu djiê hlăm asei mlei kđeh, čiăng bi êdah diih ti anăp Ñu jing doh jăk, amâo mâo klei dưi ƀuah ôh,

Kôlôs 3:12

Snăn kyuadah diih jing phung Aê Diê ruah leh, jing phung doh jăk leh anăn phung Aê Diê khăp, hơô bĕ klei thâo pap, ai tiê jăk, klei luă gŭ, klei êdu êun, leh anăn klei gĭr.

I Têsalônik 2:12

Hmei mtô, mtrŭt, leh anăn mtă kơ grăp čô diih brei dôk hdĭp năng kơ Aê Diê, Pô iêô diih kơ ƀuôn ala mtao leh anăn klei guh kơang Ñu pô.

I Têsalônik 5:27

Hŏng Khua Yang kâo mtă kơ diih brei dlăng hră anei kơ jih jang phung ayŏng adei.

II Têsalônik 1:11

Kơ klei anăn hmei wah lač nanao kyua diih, čiăng kơ Aê Diê srăng mjing diih năng kơ klei Ñu iêô leh anăn dưi bi sĭt jih klei čiăng jăk leh anăn bruă klei đăo hŏng klei myang Ñu,

II Têsalônik 2:14

Ñu iêô diih leh kơ klei anăn hŏng klei mrâo mrang jăk hmei mtô, čiăng kơ diih dưi mâo klei guh kơang Khua Yang drei Yêsu Krist.

I Y-Timôthê 6:12

Bi blah bĕ klei bi blah jăk kyua klei đăo. Djă păn kjăp klei hdĭp hlŏng lar. Kơ klei anăn Aê Diê iêô ih leh hlăk ih hưn jăk klei ih đăo ti anăp lu mnuih hưn bi sĭt.

I Y-Timôthê 6:2

Tơdah khua diñu jing phung đăo, đăm brei phung hlŭn anăn bi êmut kơ khua diñu ôh, kyuadah diñu jing ayŏng adei hlăm klei đăo. Ƀiădah brei diñu mă bruă kơ khua diñu jăk hĭn, kyuadah phung mâo klei tŭ dưn mơ̆ng bruă diñu jing phung đăo leh anăn phung Aê Diê khăp. Mtô leh anăn mtrŭt brei arăng mă bruă anăn.

II Y-Timôthê 1:9

Aê Diê bi mtlaih leh anăn iêô leh drei hŏng klei iêô doh jăk, amâo djŏ kyua bruă drei ngă ôh, ƀiădah tui si klei Ñu čuăn leh anăn klei pap Ñu brei leh kơ drei hlăm Krist Yêsu êlâo kơ jih jang ênuk.

II Y-Timôthê 2:7

Ksiêm mĭn bĕ kơ klei kâo lač, kyuadah Khua Yang srăng brei kơ ih klei thâo săng hlăm jih jang klei.

Hêbrơ 10:19

Snăn Ơ phung ayŏng adei, kyuadah drei mâo klei jhŏng mŭt hlăm adŭ doh jăk hĭn kyua êrah Yêsu,

Hêbrơ 10:21

leh anăn kyuadah drei mâo sa čô khua ngă yang prŏng răng kriê sang Aê Diê,

Hêbrơ 10:23

Brei drei djă pioh kjăp klei hưn kơ klei drei čang hmăng, amâo đing ôh, kyuadah Pô ƀuăn leh jing sĭt suôr.

Hêbrơ 13:22

Ơ phung ayŏng adei, kâo kwưh kơ diih, tŭ bĕ klei kâo blŭ mtrŭt diih, kyuadah kâo čih kơ diih hŏng klei klah čŭn.

Hêbrơ 2:11

Kyuadah Yêsu Pô bi doh jăk leh anăn phung Ñu bi doh jăk kbiă hriê mơ̆ng sa čô Ama. Kyuanăn Ñu amâo hêñ ôh pia digơ̆ ayŏng adei,

Hêbrơ 2:17

Kyuanăn yuôm Ñu mâo klei jing msĕ si phung ayŏng adei Ñu hlăm jih jang klei, čiăng kơ Ñu dưi jing sa čô khua ngă yang prŏng thâo pap leh anăn sĭt suôr hlăm bruă Ñu mă kơ Aê Diê, čiăng ngă klei bi doh klei soh phung ƀuôn sang.

Hêbrơ 3:12

Ơ phung ayŏng adei, răng bĕ, huĭdah sa čô hlăm phung diih mâo ai tiê jhat amâo đăo ôh, atăt diih lui wir Aê Diê hdĭp.

Hêbrơ 3:14

Kyuadah drei mâo kdrêč mbĭt hŏng Krist knŏng tơdah drei dôk kjăp hlăm klei drei knang êlâo tơl knhal tuč,

Hêbrơ 6:20

Tinăn Yêsu mŭt leh êlâo bi ala kơ drei, leh anăn jing leh khua ngă yang prŏng hlŏng lar tui si êpul Y-Mêlkisađek.

Hêbrơ 7:26

Kyuadah jing djŏ leh kơ drei mâo sa čô khua ngă yang prŏng msĕ snăn, doh jăk, amâo mâo klei dưi ƀuah ôh, amâo mâo klei čhŏ ôh, bi ktlah leh mơ̆ng phung soh, Aê Diê pŭ ba leh ti dlông hĭn kơ phung adiê.

Hêbrơ 7:28

Sĭt nik klei bhiăn mjing phung khua ngă yang prŏng mơ̆ng phung mnuih awăt, ƀiădah klei blŭ kat asei truh leh êdei kơ klei bhiăn mdưm sa čô Anak Pô Aê Diê brei jing jăk klă leh hlŏng lar.

Hêbrơ 9:11

Ƀiădah tơdah Krist truh leh jing sa čô khua ngă yang prŏng kơ klei jăk srăng truh, snăn Ñu găn sang čhiăm prŏng hĭn leh anăn jăk klă hĭn amâo djŏ kngan mnuih ngă ôh, čiăng lač amâo jing dŏ ti lăn ala anei ôh.

Hêbrơ 9:15

Kyuanăn Krist jing Pô ti krah kơ klei bi mguôp mrâo, čiăng kơ phung mâo leh klei iêô dưi mă tŭ ngăn dưn hlŏng lar Aê Diê ƀuăn leh, kyuadah Ñu djiê leh čiăng bi tui phung mnuih mơ̆ng klei soh diñu ngă leh ti gŭ klei bi mguôp tal êlâo.

I Y-Pêtrôs 2:9

Ƀiădah diih jing sa phung găp djuê Aê Diê ruah leh, phung khua ngă yang kơ mtao, sa phung găp djuê doh jăk, phung ƀuôn sang Aê Diê pô, čiăng kơ diih dưi hưn bruă yuôm bhăn Pô iêô leh diih kbiă mơ̆ng klei mmăt truh kơ klei mngač yuôm bhăn Ñu.

I Y-Pêtrôs 3:5

Kyuadah phŭn dô phung mniê doh jăk čang hmăng kơ Aê Diê, mprăp diñu pô msĕ snăn leh anăn đup gưt kơ ung diñu,

I Y-Pêtrôs 5:1

Ară anei kâo mtrŭt phung khua mduôn hlăm phung diih, kyuadah kâo pô jing sa čô khua mduôn msĕ mơh leh anăn pô hưn bi sĭt kơ klei knap mñai Krist tŭ, leh anăn wăt jing pô srăng mâo klei guh kơang mbĭt srăng bi êdah.

I Y-Pêtrôs 5:10

Leh diih tŭ klei knap mñai bhiâo, Aê Diê kơ jih klei pap, Pô iêô leh diih kơ klei guh kơang Ñu hlŏng lar hlăm Krist, srăng mjing diih jăk klă, bi kjăp, bi ktang diih leh anăn mdơ̆ng diih hơĭt.

I Y-Yôhan 1:3

Klei hmei ƀuh leh anăn hmư̆ leh, hmei hưn kơ diih msĕ mơh, čiăng kơ diih dưi mâo klei bi mguôp mbĭt hŏng hmei. Leh anăn drei mâo klei bi mguôp anăn hŏng Ama leh anăn hŏng Anak Ñu Yêsu Krist.

Y-Yut 1:1

Kâo gơ̆ Y-Yut, sa čô dĭng buăl Yêsu Krist leh anăn adei Y-Yakơ, čih mơĭt kơ phung Aê Diê iêô leh, phung Aê Diê Ama khăp leh anăn pioh leh kơ Yêsu Krist.

Klei Bi Êdah 17:14

Diñu srăng bi blah hŏng Êđai Biăp, leh anăn Êđai Biăp srăng dưi hŏng diñu, kyuadah Gơ̆ jing Khua Yang kơ jih jang phung khua yang leh anăn Mtao kơ jih jang phung mtao, leh anăn phung dôk mbĭt hŏng Gơ̆ jing phung Aê Diê iêô leh, ruah leh, leh anăn jing phung sĭt suôr.”

Klei Bi Êdah 18:20

“Ơ adiê, hơ̆k mơak bĕ kyua ñu, Ơ phung doh jăk, phung khua ƀĭng kna, leh anăn phung khua pô hưn êlâo, kyuadah Aê Diê phat kđi ñu leh tui si bruă ñu ngă kơ diih!”