Hêbrơ 10:1 - Klei Aê Diê Blŭ 2015

¹ Kyuadah klei bhiăn jing knŏng êyui kơ mnơ̆ng jăk srăng truh leh anăn amâo djŏ rup sĭt mnơ̆ng anăn ôh. Hŏng mnơ̆ng ngă yang msĕ arăng myơr nanao grăp thŭn, snăn klei bhiăn amâo dưi ôh atăt kơ klei jăk klă phung nao giăm Aê Diê.

Hêbrơ 10:1 Iomraidhean Croise

Bruă Lêwi 9:16

Ñu ba mnơ̆ng myơr čuh, leh anăn myơr gơ̆ tui si klei bhiăn.

Hră Y-Pôl Mơĭt kơ Phung Rôm 8:3

Kyuadah ya klei bhiăn amâo dưi ngă ôh, kyua kđeh bi awăt klei bhiăn, Aê Diê ngă leh. Klei Ñu ngă snei: Ñu tiŏ hriê Anak Ñu pô brei Gơ̆ jing mnuih msĕ si mnuih mâo kđeh drei, leh anăn jing mnơ̆ng ngă yang kơ klei soh; snăn Ñu phat kđi klei soh hlăm kđeh,

Kôlôs 2:17

Jih klei anăn jing knŏng êyui kơ klei srăng truh; ƀiădah asei mlei sĭt jing Krist.

Hêbrơ 10:22

brei drei nao giăm Aê Diê hŏng ai tiê sĭt suôr, hŏng klei thâo sĭt mơ̆ng klei đăo, ai tiê drei bi doh leh mơ̆ng ai tiê kpă jing jhat leh, leh anăn asei mlei drei rao leh hŏng êa doh.

Hêbrơ 7:11

Tơdah dưi mâo klei klă ênŭm hŏng klei ngă yang phung Lêwi (kyuadah mơ̆ng klei ngă yang anăn phung ƀuôn sang mă tŭ leh klei bhiăn), ya yuôm lŏ mâo sa čô khua ngă yang mkăn kbiă hriê tui si êpul Y-Mêlkisađek, amâo djŏ ôh tui si klei ngă yang Y-Arôn?

Hêbrơ 8:5

Diñu mă bruă hlăm anôk doh jăk, anôk doh jăk anei jing rup leh anăn êyui kơ adŭ doh jăk hlăm adiê; kyuadah tơdah Y-Môis dơ̆ng ngă sang čhiăm, Aê Diê mtă kơ ñu snei, “Răng bĕ, brei ih ngă jih jang tui si rup Kâo bi êdah leh kơ ih ti dlông čư̆.”

Hêbrơ 9:11

Ƀiădah tơdah Krist truh leh jing sa čô khua ngă yang prŏng kơ klei jăk srăng truh, snăn Ñu găn sang čhiăm prŏng hĭn leh anăn jăk klă hĭn amâo djŏ kngan mnuih ngă ôh, čiăng lač amâo jing dŏ ti lăn ala anei ôh.

Hêbrơ 9:23

Snăn jing yuôm kơ rup mnơ̆ng hlăm adiê mâo klei bi doh tui si klei bhiăn anăn, ƀiădah mnơ̆ng hlăm adiê sĭt hŏng mnơ̆ng ngă yang jăk hĭn kơ mnơ̆ng ngă yang êlâo.

Hêbrơ 9:25

Ñu mŭt leh kăn čiăng myơr Ñu pô lu blư̆ rei, msĕ si khua ngă yang prŏng mŭt grăp thŭn hlăm Adŭ Doh Jăk Hĭn hŏng êrah amâo jing êrah gơ̆ pô ôh.