Hêbrơ 1:9 - Klei Aê Diê Blŭ 2015

⁹ Ih khăp leh kơ klei kpă ênô, leh anăn bi êmut leh kơ klei soh. Kyuanăn Aê Diê, Aê Diê Ih, trôč leh êa ƀâo mngưi klei hơ̆k mơak kơ Ih kdlưn hĭn kơ phung ƀĭng găp Ih.”

Hêbrơ 1:9 Iomraidhean Croise

Klei Mmuñ Hđăp 11:5

Yêhôwa lông dlăng pô kpă; ƀiădah Ñu bi êmut kơ pô ƀai, leh anăn kơ pô khăp ngă klei jhŏng ƀai.

Klei Mmuñ Hđăp 119:104

Hŏng klei Ih mtă kâo mâo klei thâo săng; kyuanăn kâo bi êmut jih êlan soh.

Klei Mmuñ Hđăp 119:128

Sĭt nik kâo tui hlue jih klei Ih čih; Kâo bi êmut kơ jih jang êlan klei luar.

Klei Mmuñ Hđăp 2:2

Phung mtao lăn ala kgŭ, leh anăn phung khua bi trông čhai, čiăng bi kdơ̆ng hŏng Yêhôwa leh anăn hŏng pô ñu trôč leh êa ƀâo mngưi.

Klei Mmuñ Hđăp 2:6

“Kâo mdơ̆ng leh Mtao Kâo ti dlông Siôn, čư̆ doh jăk Kâo.”

Klei Mmuñ Hđăp 23:5

Ih mkra jhưng ƀơ̆ng huă kơ kâo ti anăp phung roh kâo; Ih trôč êa ƀâo mngưi ti boh kŏ kâo; atŏ kâo mnăm bŏ tơl dlai.

Klei Mmuñ Hđăp 33:5

Ñu khăp kơ klei kpă leh anăn klei djŏ; lăn ala bŏ hŏng klei Yêhôwa khăp sĭt suôr.

Klei Mmuñ Hđăp 37:28

Kyuadah Yêhôwa khăp kơ klei kpă; Ñu amâo srăng lui ôh phung doh jăk Ñu. Ñu kiă kriê phung kpă nanao, ƀiădah phung anak pô ƀai arăng srăng bi rai hĕ.

Klei Mmuñ Hđăp 40:8

kâo mơak ngă klei Ih čiăng, Ơ Aê Diê kâo; klei bhiăn Ih dôk hlăm ai tiê kâo.”

Klei Mmuñ Hđăp 45:6

Jhưng mtao Ih, Ơ Aê Diê, srăng dôk nanao hlŏng lar. Giê mtao ƀuôn ala mtao Ih jing giê mtao klei kpă;

Klei Mmuñ Hđăp 45:7

Ih khăp klei kpă ênô leh anăn bi êmut klei ƀai. Kyuanăn Aê Diê, Aê Diê ih, trôč leh ih hŏng êa ƀâo mngưi klei hơ̆k mơak hing ang hĭn kơ jih jang phung găp ih.

Klei Mmuñ Hđăp 89:20

Kâo ƀuh leh Y-Đawit, dĭng buăl Kâo; Kâo trôč êa ƀâo mngưi doh jăk Kâo ti ñu.

Klei Mmuñ Hđăp 89:26

Ñu srăng ur kơ Kâo: ‘Ih jing Ama kâo, Aê Diê kâo, leh anăn Boh Tâo klei bi mtlaih kâo.’

Klei Bi Hriêng 8:13

Klei huĭ mpŭ kơ Yêhôwa jing klei bi êmut kơ klei jhat, kâo bi êmut kơ klei krưh, klei mgao, êlan klei jhat leh anăn klei blŭ wê.

Y-Êsai 61:1

Mngăt Myang Khua Yang Yêhôwa dôk ti kâo, kyuadah Yêhôwa trôč leh êa ƀâo mngưi ti kâo čiăng hưn klei mrâo mrang jăk kơ phung ƀun ƀin. Ñu tiŏ hriê leh kâo čiăng bi hlao phung mâo ai tiê ênguôt, čiăng hưn klei êngiê kơ phung mnă, leh anăn klei pŏk sang mnă kơ phung arăng krư̆;

Y-Êsai 61:3

čiăng brei kơ phung kơŭ kyăm hlăm ƀuôn Siôn — čiăng brei kơ diñu kwang mnga hrô kơ hbâo, êa ƀâo mngưi klei hơ̆k hrô kơ klei kơŭ kyăm, čhiăm ao klei bi mni hrô kơ klei mĭn êdu ai. Arăng srăng pia diñu kyâo klei kpă ênô mnơ̆ng Yêhôwa pla leh, čiăng kơ Yêhôwa dưi mâo klei guh kơang.

Y-Êsai 61:8

“Kyuadah Kâo gơ̆, Yêhôwa, khăp kơ klei kpă; Kâo bi êmut kơ klei tlĕ leh anăn klei wê. Hŏng klei sĭt suôr Kâo srăng brei klei mưn kơ diñu, leh anăn Kâo srăng ngă hŏng diñu klei bi mguôp hlŏng lar.

Y-Amôs 5:15

Bi êmut bĕ kơ klei jhat, leh anăn khăp bĕ kơ klei jăk, bi kjăp klei kpă ti ƀăng jang. Năng ai Yêhôwa, Aê Diê kơ phung kahan srăng pap kơ phung Yôsep adôk.

Y-Sakari 8:17

đăm mĭn hlăm ai tiê diih čiăng ngă klei jhat ôh hdơ̆ng diih, leh anăn đăm khăp kơ klei kat asei luar ôh, kyuadah Kâo bi êmut kơ jih jang klei anăn,” Yêhôwa lač.

Klei Yap 7:43

mnơ̆ng ñu myơr jing sa boh hlao prăk boh ktrŏ gơ̆ sa êtuh tlâo pluh sêkel, sa boh hmăm prăk boh ktrŏ gơ̆ kjuh pluh sêkel tui si sêkel hlăm adŭ doh jăk, jih dua dŏ anăn bŏ hŏng kpŭng ƀhĭ bi lŭk hŏng êa boh ôliwơ jing mnơ̆ng myơr kpŭng ƀhĭ;

Y-Luk 4:18

“Mngăt Myang Khua Yang dôk ti Kâo, kyuadah Ñu trôč êa ƀâo mngưi ti Kâo leh, čiăng Kâo hưn klei mrâo mrang jăk kơ phung ƀun ƀin. Ñu tiŏ hriê Kâo brei hưn klei bi êngiê kơ phung mnă, brei kơ phung bum ală klei lŏ dưi ƀuh, bi êngiê phung arăng ktư̆ juă leh,

Y-Yôhan 1:41

Êlâo hĭn ñu duah ayŏng ñu Y-Simôn, leh anăn lač kơ gơ̆, “Hmei ƀuh leh Yang Mêsi” (čiăng lač Yang Krist).

Y-Yôhan 10:17

Ama khăp kơ Kâo, kyuadah Kâo jao klei hdĭp Kâo pô, čiăng kơ Kâo dưi lŏ mă gơ̆.

Y-Yôhan 20:17

Yêsu lač kơ ñu, “Đăm ruêh Kâo ôh, kyuadah Kâo ka đĭ ôh kơ Ama Kâo; ƀiădah nao bĕ kơ phung ayŏng adei Kâo leh anăn lač kơ diñu, ‘Kâo đĭ nao kơ Ama Kâo leh anăn kơ Ama diih, kơ Aê Diê Kâo leh anăn kơ Aê Diê diih.’ ”

Y-Yôhan 3:34

Pô Aê Diê tiŏ hriê leh hưn klei Aê Diê blŭ, kyuadah Aê Diê brei Yang Mngăt Jăk kơ Ñu amâo mâo klei mkă hnơ̆ng ôh.

Bruă Phung Khua Ƀĭng Kna 10:38

si Aê Diê trôč leh êa ƀâo mngưi kơ Yêsu ƀuôn Nasaret hŏng Yang Mngăt Jăk leh anăn klei myang; si Ñu hiu ngă klei jăk leh anăn bi hlao jih jang mnuih yang jhat ktư̆ juă, kyuadah Aê Diê dôk mbĭt hŏng Ñu.

Bruă Phung Khua Ƀĭng Kna 4:26

Phung mtao ti lăn ala dăp kơ klei bi blah, leh anăn phung khua kiă kriê bi kƀĭn mbĭt, čiăng bi kdơ̆ng hŏng Khua Yang leh anăn hŏng Krist Ñu.’

Bruă Phung Khua Ƀĭng Kna 4:27

Kyuadah sĭt nik hlăm ƀuôn prŏng anei Hêrôt leh anăn Pôns Pilat mbĭt hŏng phung tue leh anăn phung ƀuôn sang Israel bi kƀĭn leh, čiăng bi kdơ̆ng hŏng dĭng buăl doh jăk Ih Yêsu, Pô Ih trôč leh êa ƀâo mngưi,

Hră Y-Pôl Mơĭt kơ Phung Rôm 12:9

Brei klei khăp diih jing sĭt. Bi êmut kơ klei jhat, djă pioh ya jing klei jăk.

Hră Y-Pôl Mơĭt kơ Phung Rôm 15:13

Akâo kơ Aê Diê, Pô jing klei čang hmăng, bi bŏ diih hŏng jih klei mơak leh anăn klei êđăp ênang hlăm klei đăo, čiăng kơ hŏng klei myang Yang Mngăt Jăk diih dưi mâo klei čang hmăng êbeh dlai.

I Kôrantô 1:9

Aê Diê jing sĭt suôr; Ñu pô iêô diih leh kơ klei bi mguôp hŏng Anak Ñu, Yêsu Krist, Khua Yang drei.

II Kôrantô 11:31

Aê Diê, Ama Khua Yang Yêsu, Pô mâo klei arăng bi mni nanao hlŏng lar, thâo leh kâo amâo luar ôh.

Galati 5:22

Ƀiădah boh mơ̆ng Yang Mngăt Jăk jing klei khăp, klei hơ̆k mơak, klei êđăp ênang, klei thâo gĭr, klei jăk, klei êmhač, klei sĭt suôr,

Êphêsô 1:3

Bi mni kơ Aê Diê, Ama Khua Yang drei Yêsu Krist, Pô brei leh kơ drei hlăm Krist djăp mta klei jăk jĭn myang ti jih anôk hlăm adiê.

Philip 2:9

Kyuanăn Aê Diê mpŭ kơ Ñu ti dlông snăk, leh anăn brei kơ Ñu anăn ti dlông hĭn kơ jih jang anăn,

Hêbrơ 2:11

Kyuadah Yêsu Pô bi doh jăk leh anăn phung Ñu bi doh jăk kbiă hriê mơ̆ng sa čô Ama. Kyuanăn Ñu amâo hêñ ôh pia digơ̆ ayŏng adei,

Hêbrơ 2:9

Ƀiădah drei ƀuh Yêsu, Pô Aê Diê bi luă gŭ bhiâo ti gŭ phung dĭng buăl jăk, Pô Aê Diê mđua leh đuôn mtao klei guh kơang leh anăn klei mpŭ kyua klei djiê Ñu tŭ leh, čiăng kơ hŏng klei Aê Diê pap Ñu dưi tŭ klei djiê hrô kơ jih jang mnuih.

Hêbrơ 7:26

Kyuadah jing djŏ leh kơ drei mâo sa čô khua ngă yang prŏng msĕ snăn, doh jăk, amâo mâo klei dưi ƀuah ôh, amâo mâo klei čhŏ ôh, bi ktlah leh mơ̆ng phung soh, Aê Diê pŭ ba leh ti dlông hĭn kơ phung adiê.

I Y-Pêtrôs 1:3

Mpŭ mni kơ Aê Diê, Ama Khua Yang drei Yêsu Krist! Hŏng klei Ñu pap prŏng snăk Ñu bi kkiêng drei mrâo leh, brei drei mâo klei čang hmăng hdĭp kyua klei Yêsu Krist kbiă lŏ hdĭp mơ̆ng phung djiê.

I Y-Yôhan 1:3

Klei hmei ƀuh leh anăn hmư̆ leh, hmei hưn kơ diih msĕ mơh, čiăng kơ diih dưi mâo klei bi mguôp mbĭt hŏng hmei. Leh anăn drei mâo klei bi mguôp anăn hŏng Ama leh anăn hŏng Anak Ñu Yêsu Krist.

Klei Bi Êdah 2:15

Msĕ snăn mơh ih mâo đa đa mnuih tui hlue klei phung Nikôlas mtô.