Hêbrơ 1:8 - Klei Aê Diê Blŭ 2015

⁸ Ƀiădah Ñu lač djŏ kơ Anak Ñu, “Ơ Aê Diê, jhưng mtao Ih dôk nanao hlŏng lar, leh anăn giê mtao Ih kiă kriê ƀuôn ala mtao jing giê mtao kpă ênô.

Hêbrơ 1:8 Iomraidhean Croise

II Y-Samuel 23:3

Aê Diê phung Israel blŭ leh, Boh Tâo phung Israel lač leh kơ kâo: ‘Tơdah sa čô kiă kriê phung mnuih hŏng klei kpă, kiă kriê hŏng klei huĭ mpŭ kơ Aê Diê,

Klei Mmuñ Hđăp 145:13

Ƀuôn ala mtao Ih jing ƀuôn ala mtao hlŏng lar, leh anăn klei Ih kiă kriê dôk hlăm jih jang ênuk. Yêhôwa jing sĭt suôr hŏng jih klei Ñu ƀuăn, leh anăn khăp kơ jih jang mnơ̆ng Ñu hrih.

Klei Mmuñ Hđăp 72:7

Êjai ñu kiă kriê brei klei phung kpă đĭ kyar, leh anăn brei klei êđăp ênang tơl mlan dôk lĕ leh.

Klei Mmuñ Hđăp 99:4

Mtao jing Pô myang, Ñu khăp kơ klei kpă; Ih mdơ̆ng klei djŏ, Ih ngă klei phat kđi djŏ leh anăn klei kpă ênô hlăm phung Yakôp.

Y-Êsai 45:25

Ƀiădah hlăm Yêhôwa jih jang anak čô Israel srăng mâo klei yap kpă ênô leh anăn mâo klei guh kơang.

Y-Êsai 7:14

Kyuanăn Khua Yang pô srăng brei sa klei bi knăl kơ diih: Nĕ anei, sa čô mniê êra hrông srăng ba tian leh anăn kkiêng kơ sa čô anak êkei. Ñu srăng bi anăn gơ̆ Êmanuel.

Y-Yêrêmi 38:15

Y-Yêrêmi lač kơ Y-Sêdêkia, “Tơdah kâo hưn kơ ih, amâo djŏ hĕ sĭt nik ih srăng bi mdjiê kâo? Leh anăn tơđah kâo kčĕ kơ ih, ih amâo srăng dôk hmư̆ kâo ôh.”

Y-Ôsê 1:7

Ƀiădah Kâo srăng pap kơ sang Yuđa, leh anăn Kâo srăng bi mtlaih diñu amâo djŏ hŏng hna, kăn djŏ hŏng đao gưm, hŏng klei bi blah, hŏng aseh, leh anăn hŏng phung kahan đĭ aseh rei. Ƀiădah hŏng Yêhôwa Aê Diê diñu.”

Y-Sakari 13:9

Kâo srăng dưm sa kdrêč hlăm tlâo adôk anăn hlăm pui, leh anăn Kâo srăng bi doh digơ̆ msĕ si arăng bi doh prăk, leh anăn lông dlăng digơ̆ msĕ si arăng lông dlăng mah. Digơ̆ srăng iêô anăn Kâo, leh anăn Kâo srăng lŏ wĭt lač kơ digơ̆. Kâo srăng lač, ‘Digơ̆ jing phung ƀuôn sang Kâo,’ leh anăn digơ̆ srăng lač, ‘Yêhôwa jing Aê Diê hmei.’ ”

Y-Sakari 9:9

Hơ̆k kdơ̆k êdi bĕ, Ơ Anak Mniê Ƀuôn Siôn! Ur driâo bĕ, Ơ anak mniê ƀuôn Yêrusalem! Nĕ anei, mtao ih hriê kơ ih, Ñu kpă ênô leh anăn mâo klei bi mtlaih, luă gŭ đĭ sa drei aseh dliê, sa drei êđai aseh dliê.

Y-Malaki 3:1

“Nĕ anei, Kâo srăng tiŏ nao pô hưn kơ Kâo čiăng mkra êlan ti anăp Kâo. Leh anăn Khua Yang Pô diih duah srăng hriê bhiâo riâo rit kơ sang yang Ñu, Pô hưn kơ klei bi mguôp, hŏng Ñu diih mâo klei mơak. Nĕ anei, Ñu srăng hriê,” Yêhôwa kơ phung kahan lač.

Y-Mathiơ 1:23

“Nĕ anei, sa čô mniê êra hrông srăng kkiêng kơ sa čô anak êkei, leh anăn arăng srăng bi anăn gơ̆ Êmanuel,” čiăng lač, “Aê Diê dôk mbĭt hŏng drei.”

Y-Luk 1:75

hŏng klei doh jăk leh anăn klei kpă ênô ti anăp Ñu jih jang hruê drei dôk hdĭp.

Y-Yôhan 10:30

Kâo hŏng Ama jing sa.”

Y-Yôhan 10:33

Phung Yuđa lŏ wĭt lač kơ Yêsu, “Amâo djŏ kyua bruă jăk ôh hmei bhĭr ih hŏng boh tâo, ƀiădah kyua klei ih blŭ mgao hŏng Aê Diê. Kyuadah ih, sa čô mnuih, mjing ih pô Aê Diê.”

Y-Yôhan 20:28

Y-Thômas lŏ wĭt lač kơ Ñu, “Ơ Khua Yang kâo leh anăn Aê Diê kâo!”

Hră Y-Pôl Mơĭt kơ Phung Rôm 9:5

Diñu kbiă hriê mơ̆ng phung aê phŭn, leh anăn Krist kbiă hriê mơ̆ng găp djuê diñu tui si kđeh, Pô jing khua kơ jih jang, Pô jing Aê Diê năng mâo klei mpŭ mni hlŏng lar. Amen.

I Kôrantô 15:25

Kyuadah Ñu srăng kiă kriê tơl Aê Diê dưm jih jang phung roh Ñu ti gŭ jơ̆ng Ñu.

Klei Mtô Mñă Klei Bhiăn 2:37

Knŏng lăn phung anak čô Amôn ih amâo tuôm nao giăm ôh: jih jang hang êa krông Jabôk jih hang ƀuôn prŏng hlăm čar kngư, leh anăn ti anôk Yêhôwa Aê Diê drei ghă leh drei.”

Klei Mtô Mñă Klei Bhiăn 7:14

Ih srăng mâo klei jăk jĭn êgao hĭn kơ jih jang phung ƀuôn sang mkăn; amâo srăng mâo êkei mniê plao ôh ti krah ih, amâodah ti krah êmô biăp ih.

I Y-Timôthê 3:16

Klei yuôm hgăm kơ klei drei mpŭ kơ Aê Diê prŏng snăk, klei anăn arăng amâo dưi hngah ôh: Pô bi êdah leh hlăm kđeh, mâo Yang Mngăt Jăk yap kpă, phung dĭng buăl jăk ƀuh Ñu leh, arăng mtô leh klei Ñu kơ phung tue, arăng đăo kơ Ñu leh hlăm lăn ala, leh anăn Aê Diê pŭ ba Ñu leh hlăm klei guh kơang.

II Y-Pêtrôs 1:11

Snăn yơh Aê Diê srăng brei diih mŭt ênưih pưih hlăm ƀuôn ala mtao hlŏng lar Yêsu Krist, Khua Yang leh anăn Pô Bi Mtlaih drei.

I Y-Yôhan 5:20

Leh anăn drei thâo kơ Anak Aê Diê truh leh, leh anăn brei leh kơ drei klei thâo săng čiăng thâo kral Pô sĭt nik; leh anăn drei dôk hlăm Pô sĭt nik, hlăm Anak Ñu Yêsu Krist. Ñu yơh jing Aê Diê sĭt nik leh anăn klei hdĭp hlŏng lar.