Hêbrơ 1:7 - Klei Aê Diê Blŭ 2015

⁷ Ñu lač djŏ kơ phung dĭng buăl jăk, “Ñu brei phung dĭng buăl jăk Ñu jing angĭn, leh anăn phung dĭng buăl Ñu jing êlah pui.”

Hêbrơ 1:7 Iomraidhean Croise

Klei Mphŭn Dơ̆ng 3:24

Khua Yang Aê Diê suôt mnuih anăn, leh anăn ti ngŏ war djam Êđen Ñu dưm phung čêrubim djă đao gưm trơ̆ng hŏng êlah pui dar wir nanao čiăng mgang êlan nao kơ ana kyâo klei hdĭp.

I Bruă Mtao 22:19

Leh anăn Y-Mika lač, “Kyuanăn hmư̆ bĕ klei Yêhôwa blŭ: Kâo ƀuh Yêhôwa dôk gŭ ti jhưng mtao Ñu, leh anăn jih jang phung kahan hlăm adiê dôk dơ̆ng ti djiêô Ñu, tĭng hnuă leh anăn tĭng điâo Ñu.

II Bruă Mtao 2:11

Êjai diñu êbat leh anăn blŭ, nĕ anei sa boh êdeh aseh pui leh anăn đa đa aseh pui bi ktlah hĕ diñu dua. Leh anăn Y-Êli đĭ kơ adiê hlăm angĭn đrŭng.

II Bruă Mtao 6:17

Leh anăn Y-Êlisê wah lač leh anăn lač, “Ơ Yêhôwa, kâo akâo kơ ih mblang ală ñu čiăng kơ ñu dưi ƀuh.” Snăn Yêhôwa mblang ală êkei hlăk ai anăn, leh anăn gơ̆ ƀuh; nĕ anei, čư̆ bŏ hŏng aseh leh anăn êdeh aseh pui jŭm dar Y-Êlisê.

Klei Mmuñ Hđăp 104:4

Ñu brei angĭn jing dĭng ktang Ñu; leh anăn êlah pui jing dĭng buăl Ñu.

Y-Êsai 6:2

Phung sêraphim dôk ti dlông Ñu; grăp čô digơ̆ mâo năm pŏk siap: dua pŏk guôm ƀô̆, dua pŏk guôm jơ̆ng, leh anăn dua pŏk pioh phiơr.

Y-Đaniel 7:10

Mâo êa krông pui đoh kbiă mơ̆ng ti anăp Ñu. Lu êbâo čô mă bruă kơ Ñu, leh anăn lu klăk klai čô dôk ti anăp Ñu. Phung phat kđi dôk gŭ phat kđi leh anăn arăng pŏk leh lu hdruôm hră.

Y-Sakari 6:5

Dĭng buăl jăk lŏ wĭt lač kơ kâo, “Phung anei jing pă čô mngăt myang hlăm adiê kbiă nao mơ̆ng anôk diñu dôk dơ̆ng ti anăp Yêhôwa kơ jih lăn ala.

Hêbrơ 1:14

Snăn, hlei jing phung dĭng buăl jăk? Amâo djŏ hĕ jih jang diñu jing phung yang Aê Diê tiŏ nao mă bruă kơ phung srăng dưn klei bi mtlaih?