Hêbrơ 1:6 - Klei Aê Diê Blŭ 2015

⁶ Leh anăn tơdah Ñu brei Anak kkiêng tal êlâo mŭt hlăm lăn ala, Ñu lač, “Brei jih jang phung dĭng buăl jăk Aê Diê kkuh mpŭ kơ Gơ̆.”

Hêbrơ 1:6 Iomraidhean Croise

Klei Mmuñ Hđăp 97:7

Arăng bi hêñ leh jih jang phung kkuh kơ rup yang, phung knang kơ rup yang hơăi mang diñu; Ơ jih jang yang, kkuh mpŭ bĕ kơ Yêhôwa.

Y-Mathiơ 24:14

Leh anăn arăng srăng mtô klei mrâo mrang jăk kơ ƀuôn ala mtao anei tar ƀar lăn ala jing klei hưn kơ jih jang găp djuê mnuih. Hlăk anăn hruê knhal tuč srăng truh.”

Y-Yôhan 1:14

Klei Blŭ bliư̆ jing kđeh leh anăn dôk mbĭt hŏng drei bŏ hŏng klei pap leh anăn klei sĭt nik. Hmei ƀuh leh klei guh kơang Ñu jing klei guh kơang Ama brei kơ Anak Ñu mâo knŏng sa čô.

Y-Yôhan 1:18

Amâo mâo sa čô mnuih tuôm ƀuh Aê Diê ôh; Anak mâo knŏng sa čô, Gơ̆ jing Aê Diê mơh, Pô dôk ti djiêô Ama, Gơ̆ yơh bi êdah leh Aê Diê arăng amâo tuôm ƀuh ôh.

Y-Yôhan 3:16

Kyuadah Aê Diê khăp êdimi kơ lăn ala, tơl Ñu brei Anak Ñu pô mâo knŏng sa čô, čiăng kơ hlei pô đăo kơ Anak Ñu anăn amâo rai tuč ôh, ƀiădah mâo klei hdĭp hlŏng lar.

Hră Y-Pôl Mơĭt kơ Phung Rôm 8:29

Kyuadah phung Ñu thâo kral leh mơ̆ng êlâo, Ñu čuăn leh mơh brei digơ̆ jing msĕ si rup Anak Ñu, čiăng kơ Anak Ñu jing ayŏng khua kơ lu phung ayŏng adei.

Klei Mtô Mñă Klei Bhiăn 32:43

Hơ̆k mơak bĕ, Ơ phung găp djuê mnuih mbĭt hŏng phung ƀuôn sang Ñu, kyuadah Ñu srăng rŭ ênua êrah phung dĭng buăl Ñu, leh anăn rŭ ênua kơ phung roh Ñu, leh anăn ngă klei bhuah bi doh kơ ala čar Ñu, kơ phung ƀuôn sang Ñu.

Kôlôs 1:15

Ñu jing rup Aê Diê Pô arăng amâo thâo ƀuh ôh. Ñu jing Pô kkiêng êlâo hĭn, Pô ti dlông hĭn kơ jih jang mnơ̆ng hrih leh.

Kôlôs 1:18

Ñu jing boh kŏ kơ asei mlei, čiăng lač Phung Sang Aê Diê. Ñu jing klei mphŭn dơ̆ng, Pô kkiêng êlâo hĭn mơ̆ng phung djiê, čiăng kơ Ñu dưi jing khua hlăm jih jang mnơ̆ng.

Hêbrơ 1:5

Kyuadah Aê Diê amâo tuôm lač ôh kơ sa čô hlăm phung dĭng buăl jăk Ñu snei, “Ih jing Anak Kâo, Kâo kkiêng kơ ih hruê anei” kăn Ñu tuôm lač rei, “Kâo srăng jing Ama ñu, leh anăn ñu srăng jing Anak Kâo”

Hêbrơ 10:5

Kyuanăn tơdah Krist mŭt leh hlăm lăn ala, Ñu lač, “Ih amâo čiăng ôh kơ mnơ̆ng ngă yang leh anăn kơ mnơ̆ng myơr, ƀiădah Ih mkra leh sa asei mlei kơ kâo;

I Y-Pêtrôs 3:22

Yêsu Krist đĭ leh kơ adiê leh anăn dôk tĭng hnuă kơ Aê Diê. Phung dĭng buăl jăk, phung khua kiă kriê, leh anăn phung khua prŏng myang mŭt đup gưt leh kơ Ñu sơăi.

I Y-Yôhan 4:9

Hlăm klei anei Aê Diê bi êdah leh klei Ñu khăp kơ drei: Aê Diê tiŏ hriê leh Anak Ñu mâo knŏng sa čô kơ lăn ala, čiăng kơ drei dưi dôk hdĭp kyua Ñu.

Klei Bi Êdah 1:5

leh anăn mơ̆ng Yêsu Krist, Pô hưn sĭt suôr, Pô kbiă lŏ hdĭp tal êlâo mơ̆ng phung djiê, leh anăn Khua kơ phung mtao ti lăn ala. Kơ Pô khăp kơ drei leh anăn bi êngiê leh drei mơ̆ng klei soh drei hŏng êrah Ñu pô,