Hêbrơ 1:5 - Klei Aê Diê Blŭ 2015

⁵ Kyuadah Aê Diê amâo tuôm lač ôh kơ sa čô hlăm phung dĭng buăl jăk Ñu snei, “Ih jing Anak Kâo, Kâo kkiêng kơ ih hruê anei” kăn Ñu tuôm lač rei, “Kâo srăng jing Ama ñu, leh anăn ñu srăng jing Anak Kâo”

Hêbrơ 1:5 Iomraidhean Croise

II Y-Samuel 7:14

Kâo srăng jing ama kơ ñu, leh anăn ñu srăng jing anak êkei Kâo. Tơdah ñu ngă klei wê, Kâo srăng bi kmhal ñu hŏng giê hnuăt phung mnuih, leh anăn hŏng anôk kplač êka phung anak êkei mnuih.

I Klei Yăl Dliê 17:13

Kâo srăng jing ama ñu, leh anăn ñu srăng jing anak êkei kâo; kâo amâo srăng sua mă hĕ ôh klei kâo khăp sĭt suôr mơ̆ng ñu msĕ si kâo sua mă leh mơ̆ng pô êlâo kơ ih,

I Klei Yăl Dliê 22:10

Ñu srăng mdơ̆ng sa boh sang kơ anăn kâo. Ñu srăng jing anak êkei kâo, leh anăn kâo srăng jing ama ñu, leh anăn kâo srăng bi kjăp jhưng mtao ñu hlăm čar Israel nanao hlŏng lar.’

I Klei Yăl Dliê 28:6

Ñu lač kơ kâo, ‘Anak êkei ih Y-Salômôn yơh srăng mdơ̆ng sang kâo leh anăn wăl sang kâo, kyuadah kâo ruah leh ñu brei jing anak êkei kâo, leh anăn kâo srăng jing ama ñu.

Klei Mmuñ Hđăp 2:7

Kâo srăng hưn klei Yêhôwa mtă: Ñu lač leh kơ Kâo snei, “Ih jing anak êkei Kâo; hruê anei Kâo kkiêng kơ Ih.

Bruă Phung Khua Ƀĭng Kna 13:33

Aê Diê bi sĭt leh klei ƀuăn anăn kơ drei, phung anak čô diñu, hŏng klei Ñu bi kbiă lŏ hdĭp Yêsu, tui si arăng čih leh mơh hlăm Klei Mmuñ Hđăp mrô dua: ‘Ih jing Anak Êkei Kâo, Kâo kkiêng kơ Ih hruê anei.’

Hêbrơ 5:5

Msĕ snăn mơh Krist amâo bi mđĭ Ñu pô ôh čiăng jing khua ngă yang prŏng, ƀiădah Pô mdưm Ñu leh lač kơ Ñu snei, “Ih jing Anak Kâo, Kâo kkiêng kơ Ih hruê anei”