Hêbrơ 1:3 - Klei Aê Diê Blŭ 2015

³ Gơ̆ jing klei ktlă klei guh kơang Aê Diê, leh anăn jing rup kdrưh nik hŏng Aê Diê. Gơ̆ krơ̆ng lăn adiê hŏng klei Gơ̆ blŭ myang. Tơdah leh Gơ̆ ngă klei bi doh klei soh mnuih, Gơ̆ dôk gŭ tĭng hnuă kơ Pô Guh Kơang ti dlông.

Hêbrơ 1:3 Iomraidhean Croise

I Klei Yăl Dliê 29:11

Ơ Yêhôwa, pioh kơ ih yơh klei prŏng, klei myang, klei guh kơang, klei dưi, leh anăn klei kdrăm kơah; kyuadah jih jang mnơ̆ng hlăm adiê leh anăn ti lăn ala jing dŏ ih sơăi; Ơ Yêhôwa, ƀuôn ala mtao jing dŏ ih, leh anăn hmei mpŭ kơ ih jing khua ti dlông jih jang.

Y-Yôp 37:22

Mơ̆ng dưr kbiă hriê klei guh msĕ si mah; Aê Diê hơô klei kdrăm kơah bi krưp.

Klei Mmuñ Hđăp 110:1

Yêhôwa blŭ kơ Khua Yang kâo: “Dôk gŭ bĕ tĭng hnuă Kâo, tơl Kâo brei phung roh Ih jing mdhô̆ Ih trông jơ̆ng.”

Klei Mmuñ Hđăp 75:3

Tơdah lăn ala ktư̆ yơ̆ng mbĭt hŏng jih phung dôk hlăm ñu; jing Kâo yơh bi kjăp kmeh ñu. (Sêla)

Khua Pô Mtô 8:4

Kyuadah klei mtao blŭ mâo kơhưm, hlei dưi lač kơ ñu, “Ya ih ngă?”

Bruă Lêwi 15:15

Khua ngă yang srăng myơr digơ̆, sa drei jing mnơ̆ng myơr kyua klei soh, sa drei mkăn jing mnơ̆ng myơr čuh; leh anăn khua ngă yang srăng ngă klei bi doh klei soh pô anăn ti anăp Yêhôwa kyua klei bi ƀlĕ.

Y-Mika 5:4

Ñu srăng dôk dơ̆ng leh anăn kiă jih jang biăp Ñu hŏng klei ktang Yêhôwa, hŏng klei kdrăm anăn Yêhôwa Aê Diê ñu. Leh anăn diñu srăng dôk hơĭt, kyuadah hlăk anăn Ñu srăng jing prŏng truh ti knhal lăn ala.

Y-Mathiơ 22:24

“Ơ Nai, Y-Môis lač, ‘Tơdah sa čô êkei djiê amâo mâo anak ôh, brei adei ñu čuê nuê čiăng bi mâo anak kơ ayŏng ñu.’

Y-Markôs 16:19

Leh Khua Yang Yêsu blŭ kơ diñu, arăng pŭ ba Ñu phă adiê, leh anăn Ñu dôk gŭ tĭng hnuă kơ Aê Diê.

Y-Yôhan 1:14

Klei Blŭ bliư̆ jing kđeh leh anăn dôk mbĭt hŏng drei bŏ hŏng klei pap leh anăn klei sĭt nik. Hmei ƀuh leh klei guh kơang Ñu jing klei guh kơang Ama brei kơ Anak Ñu mâo knŏng sa čô.

Y-Yôhan 1:29

Hruê mgi Y-Yôhan lŏ ƀuh Yêsu hriê kơ ñu leh anăn ñu lač, “Nĕ anei, Êđai Biăp Aê Diê, Pô lăm hĕ klei soh lăn ala!

Y-Yôhan 1:4

Hlăm Ñu mâo klei hdĭp, leh anăn klei hdĭp anăn jing klei mngač kơ mnuih.

Bruă Phung Khua Ƀĭng Kna 2:33

Snăn leh mâo klei mpŭ tĭng hnuă kơ Aê Diê, leh anăn mă tŭ leh mơ̆ng Ama klei ƀuăn brei Yang Mngăt Jăk, Yêsu tuh brei leh klei diih ƀuh leh anăn hmư̆ ară anei.

Bruă Phung Khua Ƀĭng Kna 7:56

Leh anăn Y-Êtiên lač, “Nĕ anei, kâo ƀuh adiê pŏk mdah leh anăn Anak Mnuih dôk dơ̆ng tĭng hnuă kơ Aê Diê.”

Hră Y-Pôl Mơĭt kơ Phung Rôm 1:16

Sĭt nik kâo amâo hêñ ôh kơ klei mrâo mrang jăk, kyuadah ñu jing klei myang Aê Diê pioh bi mtlaih grăp čô hlei pô đăo, phung Yuđa êlâo hĭn, leh anăn wăt phung Grĕk mơh.

Hră Y-Pôl Mơĭt kơ Phung Rôm 8:34

Hlei pô srăng phat kđi bi kmhal diñu? Krist Yêsu jing Pô djiê leh, wăt kbiă lŏ hdĭp leh mơh, Pô dôk tĭng hnuă kơ Aê Diê leh anăn đru wah lač brei kơ phung drei.

II Kôrantô 4:4

Kơ phung amâo đăo anăn, yang ênuk anei guôm hĕ leh klei mĭn diñu, čiăng đăm brei diñu thâo săng klei mngač mơ̆ng klei mrâo mrang jăk kơ klei guh kơang Krist, Pô jing rup Aê Diê.

Kôlôs 3:1

Snăn tơdah diih kbiă lŏ hdĭp leh mbĭt hŏng Krist, duah bĕ mnơ̆ng hlăm adiê ti anôk Krist dôk gŭ leh tĭng hnuă kơ Aê Diê.

Y-Tit 2:14

Ñu jao leh Ñu pô kyua drei čiăng bi tui drei mơ̆ng jih jang klei wê, leh anăn čiăng bi doh jăk drei pioh kơ Ñu pô sa phung ƀuôn sang hur har kơ bruă jăk.

Hêbrơ 1:13

Aê Diê amâo tuôm lač ôh kơ sa čô hlăm phung dĭng buăl jăk Ñu snei,, “Dôk gŭ bĕ ih tĭng hnuă Kâo, tơl Kâo brei phung roh ih jing mdhô̆ trông jơ̆ng.”

Hêbrơ 10:12

Ƀiădah tơdah Krist myơr leh sa mnơ̆ng ngă yang kyua klei soh kơ jih jang ênuk, Ñu dôk gŭ tĭng hnuă kơ Aê Diê,

Hêbrơ 12:2

êjai dlăng kơ Yêsu, Pô khua leh anăn Pô bi klă klei đăo drei. Kyua klei mơak pioh leh ti anăp Ñu, Ñu tŭ klei knap mñai ti kyâo bi kal, amâo uêñ ôh tŭ klei hêñ, leh anăn dôk gŭ leh tĭng hnuă kơ jhưng mtao Aê Diê.

Hêbrơ 4:14

Snăn kyuadah drei mâo leh sa čô khua ngă yang prŏng hĭn găn leh jih adiê, Yêsu, Anak Aê Diê, brei drei djă pioh kjăp klei đăo drei hưn.

Hêbrơ 7:27

Amâo yuôm ôh Ñu myơr mnơ̆ng ngă yang grăp hruê msĕ si phung khua ngă yang prŏng mkăn, tal êlâo hĭn kyua klei soh ñu pô, leh anăn kyua klei soh phung ƀuôn sang. Ñu ngă klei anăn knŏng sa blư̆ man djăp kơ jih jang ênuk tơdah Ñu myơr Ñu pô.

Hêbrơ 8:1

Klei yuôm lač leh jing snei: drei mâo leh sa čô khua ngă yang prŏng msĕ snăn, dôk gŭ leh tĭng hnuă jhưng mtao Pô Guh Kơang hlăm phung adiê.

Hêbrơ 9:16

Kyuadah tơdah arăng ngă hră mtă mtăn, jing yuôm bi sĭt kơ pô ngă hră anăn djiê leh.

Hêbrơ 9:26

Tơdah snăn Ñu srăng tŭ klei knap nanao mơ̆ng mphŭn hrih lăn ala. Ƀiădah ară anei ti knhal tuč ênuk Ñu bi êdah leh sa blư̆ dŭm anăn, čiăng lăm hĕ klei soh hŏng klei ngă yang hŏng asei mlei Ñu pô.

I Y-Pêtrôs 1:21

Hlăm Krist anăn diih mâo leh klei knang kơ Aê Diê, Pô bi kbiă lŏ hdĭp Ñu mơ̆ng phung djiê leh anăn brei kơ Ñu klei guh kơang, čiăng kơ diih đăo leh anăn čang hmăng kơ Aê Diê.

I Y-Pêtrôs 3:22

Yêsu Krist đĭ leh kơ adiê leh anăn dôk tĭng hnuă kơ Aê Diê. Phung dĭng buăl jăk, phung khua kiă kriê, leh anăn phung khua prŏng myang mŭt đup gưt leh kơ Ñu sơăi.

II Y-Pêtrôs 1:16

Kyuadah hmei amâo tui hlue ôh klei yăl dliê đưm amâo sĭt arăng mkra hŏng klei mčeh mă tơdah hmei bi êdah kơ diih klei myang Khua Yang drei Yêsu Krist leh anăn klei Ñu srăng lŏ hriê, ƀiădah hmei ƀuh leh klei guh kơang Ñu hŏng ală hmei pô.

II Y-Pêtrôs 1:17

Kyuadah tơdah Ñu mă tŭ leh klei mpŭ leh anăn klei guh kơang mơ̆ng Aê Diê Ama hlăk anăn asăp mơ̆ng Pô Guh Kơang Hĭn lač, “Pô anei jing Anak Kâo khăp êdimi; hlăm Ñu Kâo mâo klei mơak snăk,”

I Y-Yôhan 1:7

Ƀiădah tơdah drei êbat hlăm klei mngač msĕ si Ñu dôk hlăm klei mngač, drei mâo klei bi mguôp hdơ̆ng drei, leh anăn êrah Yêsu Anak Ñu bi doh hĕ drei mơ̆ng jih jang klei soh.

I Y-Yôhan 3:5

Diih thâo Yêsu bi êdah leh čiăng mă hĕ klei soh, leh anăn hlăm Ñu amâo mâo klei soh ôh.

Y-Yut 1:25

kơ knŏng sa čô Aê Diê, Pô Bi Mtlaih drei, hlăm Yêsu Krist Khua Yang drei, brei mâo klei guh kơang, klei kdrăm, klei kiă kriê, leh anăn klei dưi, mơ̆ng êlâo kơ jih jang ênuk, ară anei hin, leh anăn hlŏng lar. Amen.

Klei Bi Êdah 3:21

Hlei pô dưi, Kâo srăng brei ñu dôk gŭ mbĭt hŏng Kâo ti jhưng mtao Kâo, msĕ si Kâo pô dưi leh, leh anăn dôk gŭ leh mbĭt hŏng Ama Kâo ti jhưng mtao Ñu.

Klei Bi Êdah 4:11

“Ơ Khua Yang leh anăn Aê Diê hmei, Ih mâo klei năng mă tŭ klei guh kơang, klei mpŭ, leh anăn klei myang, kyuadah Ih hrih leh jih jang mnơ̆ng, leh anăn tui si Ih čiăng diñu jing leh, leh anăn Ih hrih leh diñu.”