Hêbrơ 1:2 - Klei Aê Diê Blŭ 2015

² ƀiădah hlăm ênuk knhal tuč anei Ñu blŭ leh kơ drei hŏng Anak Êkei Ñu. Aê Diê brei Gơ̆ jing Pô dưn jih jang mnơ̆ng, hŏng Gơ̆ msĕ mơh Ñu hrih leh lăn adiê.

Hêbrơ 1:2 Iomraidhean Croise

Klei Mphŭn Dơ̆ng 49:1

Y-Yakôp iêô phung anak êkei ñu leh anăn lač, “Bi kƀĭn bĕ diih, čiăng kơ kâo dưi hưn klei srăng truh kơ diih hlăm ênuk êdei.

Y-Êsai 2:2

Hlăm ênuk knhal tuč čư̆ sang yang Yêhôwa arăng srăng mđĭ brei jing čŏng čư̆ dlông hĭn, leh anăn bi mđĭ ñu ti dlông jih jang kbuôn; leh anăn jih jang găp djuê mnuih srăng kluh nao kơ ñu.

Y-Êsai 44:24

Snei Yêhôwa lač, Pô Bi Tui diih, Pô mjing diih leh hlăm tian: “Kâo jing Yêhôwa, Pô mjing leh jih jang mnơ̆ng, hjăn Kâo yơh Pô mblang leh phung adiê, Pô lang leh lăn ala,

Y-Êsai 45:12

Kâo yơh mjing leh lăn ala, leh anăn hrih leh mnuih ti dlông ñu. Kngan Kâo pô yơh mblang leh phung adiê, leh anăn Kâo mjing leh jih jang phung kahan ñu.

Y-Êsai 45:18

Kyuadah snei Yêhôwa lač, Pô Hrih phung adiê, Ñu yơh jing Aê Diê, Pô mmuôn lăn ala leh anăn mjing gơ̆, Ñu yơh bi kjăp gơ̆, Ñu amâo hrih gơ̆ čiăng jing anôk êhŏng ôh, ƀiădah mjing gơ̆ kơ anôk arăng dôk. Kâo jing Yêhôwa, amâo lŏ mâo pô mkăn ôh.

Y-Yêrêmi 30:24

Klei Yêhôwa ngêñ hlơr amâo srăng kdŭn ôh tơl ñu ngă leh anăn bi leh jih klei ñu mĭn čiăng ngă. Hlăm ênuk knhal tuč, diih srăng thâo săng klei anei.

Y-Yêrêmi 48:47

Ăt Kâo srăng brei klei jăk jĭn kơ čar Môap, ƀiădah hlăm ênuk knhal tuč,” Yêhôwa lač. Snăn yơh jing klei phat kđi kơ čar Môap.

Y-Êsêkiêl 38:16

diih srăng hriê bi kdơ̆ng hŏng phung ƀuôn sang Kâo Israel msĕ si knam guôm čar. Hlăm ênuk knhal tuč, Ơ Y-Gôk Kâo srăng atăt diih ngă kơ čar Kâo, čiăng kơ phung găp djuê mnuih dưi thâo kral Kâo, tơdah, hŏng ih Kâo bi êdah klei doh jăk Kâo ti anăp ală diñu.’

Y-Đaniel 10:14

Ară anei kâo hriê čiăng brei ih thâo săng klei srăng truh kơ phung ƀuôn sang ih hlăm ênuk knhal tuč, kyuadah klei bi ƀuh djŏ kơ ênuk êdei.”

Y-Đaniel 2:28

Ƀiădah mâo Aê Diê hlăm adiê bi êdah klei hgăm, leh anăn Ñu brei mtao Nebukatnetsar thâo klei srăng truh hlăm ênuk knhal tuč. Klei ih êpei ƀuh leh anăn klei ih bi ƀuh êjai ih đih ti jhưng pĭt ih snei:

Y-Ôsê 3:5

Êdei kơ klei anăn phung anak čô Israel srăng lŏ wĭt leh anăn tui duah Yêhôwa Aê Diê diñu, leh anăn Y-Đawit mtao diñu. Diñu srăng hriê hŏng klei huĭ mpŭ kơ Yêhôwa leh anăn hriê mă tŭ klei jăk jĭn Ñu hlăm ênuk knhal tuč.

Y-Mika 4:1

Srăng truh hlăm ênuk knhal tuč čư̆ sang yang Yêhôwa arăng srăng mdơ̆ng brei jing čư̆ dlông hĭn, leh anăn mđĭ gơ̆ ti dlông hĭn kơ jih jang kbuôn; leh anăn phung ƀuôn sang srăng kluh nao kơ gơ̆.

Klei Yap 24:14

Leh anăn nĕ ară anei, kâo nao kơ phung ƀuôn sang kâo pô. Hriê bĕ, kâo srăng hưn kơ ih ya phung ƀuôn sang anei srăng ngă kơ phung ƀuôn sang ih hruê êdei anăp.”

Y-Mathiơ 13:39

pô roh rah mjeh rơ̆k jhat anăn jing yang jhat, yan wiă jing klei knhal tuč ênuk, leh anăn phung wiă jing phung dĭng buăl jăk Aê Diê.

Y-Mathiơ 17:5

Êjai Y-Pêtrôs dôk blŭ, mâo knam kô̆ mngač guôm diñu, leh anăn mâo asăp mơ̆ng knam lač, “Anei jing Anak Kâo khăp êdimi, hlăm Ñu Kâo mâo klei mơak snăk. Brei diih hmư̆ bĕ klei Ñu.”

Y-Mathiơ 21:38

Ƀiădah tơdah phung mưn ƀuh anak êkei ñu, phung anăn bi lač hdơ̆ng diñu, ‘Anei yơh jing pô dưn ngăn; bơ drei bi mdjiê hĕ ñu leh anăn drei srăng mă ngăn dưn ñu.’

Y-Mathiơ 26:63

Ƀiădah Yêsu dôk ñăt. Khua ngă yang prŏng lač kơ Ñu, “Kâo mtă kơ ih hŏng anăn Aê Diê hdĭp, hưn bĕ kơ hmei djŏ mơ̆ ih jing Yang Krist, Anak Aê Diê?”

Y-Mathiơ 28:18

Yêsu nao giăm diñu leh anăn lač, “Jih jang klei dưi hlăm adiê leh anăn ti lăn ala arăng jao leh kơ Kâo.

Y-Mathiơ 3:17

Leh anăn mâo asăp blŭ mơ̆ng adiê lač, “Anei jing Anak Kâo khăp êdimi; hlăm Ñu Kâo mâo klei mơak snăk.”

Y-Markôs 1:1

Klei mphŭn dơ̆ng kơ klei mrâo mrang jăk kơ Yêsu Krist, Anak Aê Diê.

Y-Markôs 12:6

Êkei anăn adôk knŏng sa čô anak êkei ñu khăp. Ti knhal tuč êkei anăn tiŏ nao gơ̆ kơ diñu, lač, ‘Sĭt nik diñu srăng mpŭ kơ anak êkei kâo.’

Y-Markôs 12:7

Ƀiădah phung mưn đang boh anăn bi lač hdơ̆ng diñu, ‘Anei yơh jing pô dưn ngăn. Bơ bĕ drei bi mdjiê hĕ ñu, leh anăn ngăn dưn srăng bha drei.’

Y-Yôhan 1:10

Klei Blŭ dôk leh hlăm lăn ala, leh anăn hŏng Ñu mơh Aê Diê hrih leh lăn ala, ƀiădah lăn ala amâo thâo kral Ñu ôh.

Y-Yôhan 1:14

Klei Blŭ bliư̆ jing kđeh leh anăn dôk mbĭt hŏng drei bŏ hŏng klei pap leh anăn klei sĭt nik. Hmei ƀuh leh klei guh kơang Ñu jing klei guh kơang Ama brei kơ Anak Ñu mâo knŏng sa čô.

Y-Yôhan 1:3

Hŏng Ñu Aê Diê hrih jih jang mnơ̆ng, leh anăn amâo mâo sa mta mnơ̆ng hlăm jih mnơ̆ng hrih leh jing ôh tơdah amâo mâo Ñu mbĭt.

Y-Yôhan 13:3

Yêsu thâo kơ Ama jao leh jih jang mnơ̆ng hlăm kngan Ñu, kơ Ñu hriê leh mơ̆ng Aê Diê, leh anăn srăng lŏ wĭt kơ Aê Diê,

Y-Yôhan 13:32

Tơdah Aê Diê mâo klei guh kơang hlăm Ñu, msĕ mơh Aê Diê srăng bi guh kơang kơ Anak Mnuih hlăm Aê Diê pô, leh anăn Aê Diê srăng ngă msĕ snăn mtam.

Y-Yôhan 15:15

Kâo amâo lŏ pia kơ diih dĭng buăl ôh, kyuadah dĭng buăl amâo thâo ôh ya klei khua ñu ngă. Ƀiădah Kâo pia kơ diih mah jiăng, kyuadah jih jang klei Kâo hmư̆ mơ̆ng Ama, Kâo bi êdah leh kơ diih.

Y-Yôhan 16:15

Jih jang mnơ̆ng Ama mâo, jing dŏ Kâo sơăi; kyuanăn Kâo lač leh Mngăt Myang srăng mă klei mơ̆ng Kâo leh anăn hưn klei anăn kơ diih.”

Y-Yôhan 17:2

kyuadah Ih brei leh kơ Ñu klei dưi kiă kriê jih jang mnuih, čiăng kơ Ñu dưi brei klei hdĭp hlŏng lar kơ jih jang phung Ih brei leh kơ Ñu.

Y-Yôhan 3:16

Kyuadah Aê Diê khăp êdimi kơ lăn ala, tơl Ñu brei Anak Ñu pô mâo knŏng sa čô, čiăng kơ hlei pô đăo kơ Anak Ñu anăn amâo rai tuč ôh, ƀiădah mâo klei hdĭp hlŏng lar.

Y-Yôhan 3:25

Phung ƀĭng kna Y-Yôhan bi mgăl hŏng sa čô Yuđa kơ klei bi doh.

Y-Yôhan 5:26

Kyuadah msĕ si Ama mâo klei hdĭp hlăm Ñu pô, msĕ snăn mơh Ñu brei leh kơ Anak mâo klei hdĭp hlăm Gơ̆ pô.

Y-Yôhan 5:27

Leh anăn Ama brei kơ Anak klei dưi phat kđi, kyuadah Gơ̆ jing Anak Mnuih.

Y-Yôhan 9:29

Hmei thâo Aê Diê blŭ leh kơ Y-Môis, ƀiădah bi kơ êkei anei, hmei amâo thâo ôh mơ̆ng ñu kbiă hriê.”

Bruă Phung Khua Ƀĭng Kna 10:36

Diih thâo Aê Diê mơĭt leh klei blŭ kơ phung Israel, čiăng hưn klei mrâo mrang jăk kơ klei êđăp ênang mơ̆ng Yêsu Krist (gơ̆ jing Khua Yang kơ jih jang).

Bruă Phung Khua Ƀĭng Kna 2:17

‘Aê Diê lač, Hlăm ênuk knhal tuč srăng truh snei: Kâo srăng tuh Mngăt Myang Kâo ti jih jang kđeh; phung anak êkei leh anăn anak mniê diih srăng hưn êlâo, phung êkei hlăk ai diih srăng mâo klei bi ƀuh, leh anăn phung êkei mduôn diih srăng mâo klei êpei.

Hră Y-Pôl Mơĭt kơ Phung Rôm 1:4

leh anăn tui si yang mngăt doh jăk hưn Gơ̆ jing Anak Aê Diê hŏng klei myang kyua klei Gơ̆ kbiă lŏ hdĭp leh mơ̆ng phung djiê.

Hră Y-Pôl Mơĭt kơ Phung Rôm 8:17

Leh anăn tơdah drei jing phung anak, drei jing mơh phung dưn ngăn, phung dưn ngăn Aê Diê, leh anăn phung dưn ngăn mbĭt hŏng Krist, sĭt nik tơdah drei tŭ klei knap mñai mbĭt hŏng Ñu, drei srăng dưi mâo klei guh kơang mbĭt hŏng Ñu msĕ mơh.

I Kôrantô 2:7

Ƀiădah hmei bi mbha klei thâo mĭn Aê Diê hgăm leh anăn ka bi êdah ôh, klei thâo mĭn anăn Aê Diê čuăn pioh leh mơ̆ng êlâo jih jang ênuk kơ klei bi guh kơang drei.

I Kôrantô 8:6

ƀiădah kơ phung drei mâo knŏng sa čô Aê Diê, Ama. Ñu yơh hrih jih jang mnơ̆ng leh anăn drei hdĭp kơ Ñu; leh anăn mâo sa čô Khua Yang, Yêsu Krist, mơ̆ng Ñu jih jang mnơ̆ng jing leh, leh anăn mơ̆ng Ñu drei mâo klei hdĭp.

Galati 4:4

Ƀiădah tơdah hruê bi kčah truh leh, Aê Diê tiŏ hriê Anak Ñu, brei sa čô mniê kkiêng, čiăng kơ Ñu dôk hdĭp ti gŭ klei bhiăn

Êphêsô 1:10

čiăng bi truh hlăm ênuk Ñu bi kčah leh bi mguôp mbĭt jih jang mnơ̆ng kơ sa čô khua, jing Krist, mnơ̆ng hlăm adiê wăt mnơ̆ng hlăm lăn ala.

Êphêsô 3:9

leh anăn brei jih jang mnuih thâo săng ya hdră klei hgăm anăn, mdăp leh êjai lu ênuk hlăm Aê Diê, Pô hrih leh jih jang mnơ̆ng,

Klei Mtô Mñă Klei Bhiăn 18:15

“Yêhôwa Aê Diê diih srăng mđĭ kơ diih sa čô khua pô hưn êlâo msĕ si kâo mơ̆ng krah diih, mơ̆ng phung ayŏng adei diih. Brei diih dôk hmư̆ ñu.

Klei Mtô Mñă Klei Bhiăn 31:29

Kyuadah kâo thâo leh kâo djiê, sĭt nik diih srăng ngă klei jŭ jhat êdimima, leh anăn weh đuĕ mơ̆ng êlan kâo mtă leh kơ diih; leh anăn hlăm hruê êdei klei jhat srăng truh kơ diih, kyuadah diih srăng ngă klei jhat ti anăp ală Yêhôwa, mčhur Ñu ăl kơ bruă kngan diih.”

Klei Mtô Mñă Klei Bhiăn 4:30

Êjai diih mâo klei knap mñai, leh anăn jih jang mnơ̆ng anei srăng truh kơ diih hlăm hruê knhal tuč, diih srăng lŏ wĭt kơ Yêhôwa Aê Diê đưm diih leh anăn gưt asăp Ñu,

Hêbrơ 1:5

Kyuadah Aê Diê amâo tuôm lač ôh kơ sa čô hlăm phung dĭng buăl jăk Ñu snei, “Ih jing Anak Kâo, Kâo kkiêng kơ ih hruê anei” kăn Ñu tuôm lač rei, “Kâo srăng jing Ama ñu, leh anăn ñu srăng jing Anak Kâo”

Hêbrơ 1:8

Ƀiădah Ñu lač djŏ kơ Anak Ñu, “Ơ Aê Diê, jhưng mtao Ih dôk nanao hlŏng lar, leh anăn giê mtao Ih kiă kriê ƀuôn ala mtao jing giê mtao kpă ênô.

Hêbrơ 11:3

Hŏng klei đăo drei thâo săng kơ Aê Diê hrih leh lăn adiê hŏng klei Ñu blŭ, snăn mnơ̆ng dưi ƀuh Aê Diê mjing mơ̆ng mnơ̆ng amâo dưi ƀuh ôh.

Hêbrơ 2:3

si drei srăng dưi tlaih tơdah drei amâo uêñ ôh kơ klei bi mtlaih prŏng snăn? Tal êlâo Khua Yang hưn klei bi mtlaih anăn, leh anăn phung hmư̆ leh Ñu hưn bi sĭt kơ hmei,

Hêbrơ 3:6

Ƀiădah Krist dôk sĭt suôr msĕ si sa čô anak êkei kiă sang Aê Diê. Drei jing sang Ñu tơdah drei djă pioh kjăp klei knang leh anăn klei jhŏng hlăm klei drei čang hmăng.

Hêbrơ 4:14

Snăn kyuadah drei mâo leh sa čô khua ngă yang prŏng hĭn găn leh jih adiê, Yêsu, Anak Aê Diê, brei drei djă pioh kjăp klei đăo drei hưn.

Hêbrơ 5:8

Wăt tơdah Ñu jing Anak Aê Diê, Ñu hriăm klei gưt asăp hŏng klei knap mñai Ñu tŭ leh,

Hêbrơ 7:28

Sĭt nik klei bhiăn mjing phung khua ngă yang prŏng mơ̆ng phung mnuih awăt, ƀiădah klei blŭ kat asei truh leh êdei kơ klei bhiăn mdưm sa čô Anak Pô Aê Diê brei jing jăk klă leh hlŏng lar.

Hêbrơ 7:3

Ñu amâo mâo ama, amâo mâo amĭ ôh, kăn mâo phung aê aduôn rei. Ñu amâo mâo phŭn ôh, kăn mâo knhal tuč klei hdĭp rei, ƀiădah ñu jing msĕ Anak Aê Diê, jing sa čô khua ngă yang hlŏng lar.

Hêbrơ 9:26

Tơdah snăn Ñu srăng tŭ klei knap nanao mơ̆ng mphŭn hrih lăn ala. Ƀiădah ară anei ti knhal tuč ênuk Ñu bi êdah leh sa blư̆ dŭm anăn, čiăng lăm hĕ klei soh hŏng klei ngă yang hŏng asei mlei Ñu pô.

I Y-Pêtrôs 1:20

Aê Diê čuăn pioh ñu leh mơ̆ng mphŭn klei hrih lăn ala, ƀiădah bi êdah leh hlăm ênuk knhal tuč kyua diih.

II Y-Pêtrôs 3:3

Êlâo hĭn brei diih thâo săng snei: hlăm ênuk knhal tuč srăng mâo phung mưč hriê djă djik djak, ngă tui si klei diñu pô tluh.

Y-Yut 1:18

Diñu lač leh kơ diih, “Hlăm ênuk knhal tuč srăng mâo phung mưč, êbat tui si klei diñu pô tluh, amâo thâo mpŭ kơ Aê Diê.”