Hêbrơ 1:12 - Klei Aê Diê Blŭ 2015

¹² Ih srăng klĭt digơ̆ msĕ si sa blah ao jhung, leh anăn digơ̆ srăng bi mlih msĕ si čhum ao. Ƀiădah Ih ăt dôk msĕ, leh anăn thŭn Ih amâo srăng thâo tuč ôh.”

Hêbrơ 1:12 Iomraidhean Croise

Y-Yôp 36:26

Nĕ anei, Aê Diê jing prŏng hĭn, êgao kơ drei dưi thâo săng; dŭm thŭn Ñu dôk hdĭp arăng amâo dưi yap ôh.

Klei Mmuñ Hđăp 90:4

Kyuadah sa êbâo thŭn ti anăp ală Ih, jing msĕ si hruê mbruê êgao leh, leh anăn msĕ si sa blư̆ gak êjai mlam.

Klei Kbiă 3:14

Aê Diê lač kơ Y-Môis, “Kâo jing Pô Kâo Jing.” Leh anăn Ñu lač, “Brei ih lač snei kơ phung ƀuôn sang Israel, ‘Pô Kâo Jing tiŏ hriê kâo kơ diih.’ ”

Y-Êsai 38:12

Arăng bi klưh hĕ sang kâo dôk leh anăn mđuĕ ba mơ̆ng kâo msĕ si sa boh sang čhiăm mgăt biăp. Kâo klĭt bŭl hĕ klei hdĭp kâo msĕ si pô mñam; Ñu khăt hĕ kâo mơ̆ng kpañ. Mơ̆ng hruê truh kơ mlam Ih bi luč kâo.

Y-Yôhan 8:58

Yêsu lač kơ diñu, “Kâo lač kơ diih klei sĭt nik, êlâo kơ mâo Y-Abraham, Kâo Jing.”

Hêbrơ 13:8

Yêsu Krist ăt jing msĕ mbruê, hruê anei, leh anăn hlŏng lar.

Y-Yakơ 1:17

Jih jang klei brei jăk leh anăn klei brei klă ênŭm trŭn mơ̆ng adiê mơ̆ng Ama klei mngač sơăi. Hlăm Ñu amâo mâo klei bi mlih ôh, kăn mâo êyui klei bi mlih rei.